نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

فرحتي فيك ياهلال · #1 20/01/2009, 12:01 PM

السلام عليكم ورحمه الله وبركاته

صباحكم هلال

لا اعلم من اين ابدأ هل من شكر الامير الشاعر ام من عتبي على صوت النشاز الهلالي

لكني افضل انا ابدا بتوجيه العتب على صوت النشاز الهلالي وانا هنا لااوجه عتبي على شخصيه بل على الصوت الخارج من اعماق جمهور الهلال الذي لا أجد لهم مكان الا عند انتكاس الهلال وكأنها فرصه لشحن النفوس سواً على الفريق او الاداره او اللاعبين فعند اعلان الهلال لصفقاته المدويه من وجه نظري انبرى الكل يهني ويبارك ويفخر بفريقه بإدارته..وعند اول تعثر بدأ الكل يهاجم الجميع وانا اتكلم عن كل ناشز وليس كل عاشق للهلال..بالإمس تعثر الهلال الناقص الصفوف امام فريق يدافع بكل مايملك من قدرات مايقارب 10لاعيبه في ملعبهم والهلال يلعب بلاعبين سوف اسردهم كلاً على حدا ..

حسن العتيبي لااعتقد لو لعب مكانه الدعيع سوف يكون هناك فارق بحكم انتهى المباراه بتعادل

حسن خيرات قدم مستوى جيد

الغنام محور لكن الظروف اجبرت المدرب على تغيير مركزه

البيشى قدم مستوى يعتبر اكثر من جيد رغم صغر السن وتغيير المركز من قلب دفاع الى ظهير

الذياب لعب اكثر من مره في نفس المركز

القرني والفرج محاور ممتازين وقدمو مستوى جيد وايضا البديل صالح الدوسري

ويلي تحرك بشكل ممتاز ولكن لم يوفق

الشلهوب لاعب عاد الى اللعب بعد انقطاع واعتقد سيسترجع مستواه ونحن نعرف من هو الشلهوب

العنبر حاول ولكن لم يستطع التسجيل وللمعلوميه العنبر يريد صانع لعب مثل التايب والفريدي

اما اللاعب القضيه سيول الذي يحكم عليه من مباراه الوطني وهي اول مباراه اقول له امسك كتاب الفيزياء احسن لك

طيب فريقك ناقص مايقارب 7لعيبه وش تبغى وفوق هذا فريق الوطني يلعب بشكل دفاعي بحت..وهددنا المرمى لكن الله ماكتب ليه التحطيم على اللاعيبه الى قدمو مستوى جيد من ناحيه فنيه..

نجي للكلام على كوزمين وليه سوى كذا وكذا عشان مباراه النصر عشان ماادرى ايش..واذا فاز الهلال بمباراه قالو جددو عقد 5سنوات,,انا بعرف ليه تناقضون انفسكم..؟

ومانسيت الكلام على لاعبين المنتخب وليه الفرق الاخرى لعبت لعيبتهم..احب اوضح للجميع اعتقد انه جميع اللاعبين الى غابو عن الهلال كانو اساسين وكل مباراه يلعبون بإستثناء الفريدي لعب مباراتين احتياطي..واذا على الفرق الثانيه شوف من لعبوا بعدين تعال قول ياسر مدلع والمرشدي تعبان..واللاعبين اوادم ماهم الالات..

طبعا انا يمكن اطالت في التوضيح لكن لكي اوصل لكل عقليه ماتريد..

((..فيا عاشق الهلال لاتحكم على الجميع كما تريد لكن احكم كما ترى بصدق..))

اذا كتابة المواضيع فقط للترويح عن النفس فياخوك اعلم انك تتهكم على من شجعتهم في يوم واثنيت عليهم..فراجع نفسك قبل ان تكتب 100مره..الاساءه لاتقبل لدى الجميع اين كانت مبرراتها..الانقاص من حق الاداراه او المدرب او اللاعب اعتقد لايرضي اي عاشق للهلال..

اتمنى من الجميع عدم فهم الموضوع اني رقيب وحسيب لكني محب واعلم ان الهلال بحاجه لجمهوره..

فصوت النشاز لايصدر من من عشق الهلال..فسوياً سنقضي عليه..اما النقد الهادف اما غير ذلك لا ..

قفله القسم الاول
الهلال يمر بمرحله صعبه وضغط على جميع الاصعده وفي اكثر من نقطه:
لاعبين شباب بحتاجون دعم ومسانده
لاعبين اجانب يريدون اثبات وجودهم
لاعبين دوليين يريدون ارضا الجمهور السعودي والهلالي
اداره تريد الانجازات بعد ان خططت وامنت كل شي وبقي التوفيق من الله
مدرب يعمل بجد واجتهاد

فلنتحد تحت شعار

((مع الهلال قلب وقالبا))

وبقي القسم الاخير سأجعله لك يابن مساعد الامير

لاتوجد كلمه شكر توفى حقك لم تكمل السنه في رئاسه الهلال وانت تعمل وكأنك الرئيس الابدي اني ارى كما يرى الهلاليون نتائج ضخمه في مده وجيزه..عقود استثماريه تطوير ادري ملفت للنظر..صفقات دوليه..الخ لن اطيل في السرد لانها اشياء واضحه للجميع..

سأقف لك احتراما وتقديرا وشكرا يابن مساعد..

معك سنعشق الهلال
معك سنساند الهلال
معك سنفرح بالهلال "بإذن الله"
معك سنرتقي بالهلال

معك..ومعك..ومعك..

لأجل الهلال

اعذروني على الاطاله فلحب الهلال شعور لايكتب في صفحات