نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - مبروك لعمان .. ودروس مجانية يقدمها الجانبين في الروح الرياضيه والأخلاق

ابو طـــــلال · #1 17/01/2009, 09:18 PM

أولاً ... أنا إصطبحت فوش مين النهاردة !!

راحت البطولة ... بس والله راحت للي يستاهلها .. والمنتخب العماني يستاهلها من بطولة 17 وبطولة 18 بس ماكتبها الله لهم .. واليوم ربي وفقهم ومن حصل شي يستاهلة ...

لذا .. الف مبروك للمنتخب العماني .. هالمنتخب القوي .. اللى كان محطة يريحون فيها باقي المنتخبات الخليجية

واللى ا خذ هالمكان المنتخب اليمني الشقيق ..

>>> الحلقة الأضعف

* لانحلل ونتفلسف واجد ... عمان ظاغطة الشوط الأول والثاني والإضافي الأول .. ومنطقياً يحصلون على هالبطولة نظير الظغط الكبير .. والرغبة الجادة من الجميع في عمان للحصول على البطولة

* منتخبنا ماقصر .. بإستثناء مالك اليوم مدري وش فيه .. ! اما الجميع كانوا قد المسؤولية وخرجوا من هالبطولة ( بشرف ) وأخص ماجد المرشدي ... واسامة الهوساوي .. وتيسير الجاسم .. وخالد عزيز ... وياسر القحطاني .. والشهيل

.. والزوري .. كلهم بصراحة مبدعين ...

تحية لهم جميعاً .. بس أشوف الأمير سلطان بن فهد زعلان .. والمفروض مايزعل .. منتخبنا قدم مستوى يب طيلة مباريات بطولة الخليج .. وفعلا .. فعلا المنتخب العماني يستاهل

* البطولة سعوديه كنت متوقعها حتى صفر الحكم ليبداء في ظربات الجزاء .. عرفت انها لعمان

* لاعبوا المنتخب السعودي .. والجمهور العماني .. قدموا دروس مجانية في الروح الرياضية والاخلاق والإحترام .. قيام لاعبوا المنتخب بتحية المنتخب العماني وجمهورة والدوران على الملعب لتحية كل الجماهير العمانية ورد الجمهور العماني هذه التحية بالتصفيق ورفع الاعلام السعودية .. هو جزء من أخلاقيات هالشعبين العالية وطيبتهم .. ياليت البقية يتعلموووون

* الحلوى العمانية تكسب والكبسة السعودية >> للحديث بقية

* بنفقد هالبطولة وجوها والمجلس ... حتى هالقسم بصراحة لابد نشكر فيه كل من شارك من الأعضاء وعلق والمشرفين فيه اللى قدموا جهد وعمل يشكرون عليه ... شكرا لكل المشرفين والقائمين على نجاح هذا التغطية في قسم خليجي 19 بشبكة الزعيم .. بيض الله وجيهكم والله

* طالع من دوامي .. وامشي الف بشوف مبار تنا مع عمان .. واول ماصفر الحكم لبداية المباراة .. كلمتني امي

رديت .. قلت سمّي .. قالت : الله يعافيك ياوليدي ودي اطلب منك طلب !! قلت : أمري ياميمتي !! قالت : توديني لمشوار الحين ؟؟ قلت : الحين !!؟

وتوها المباراة بادية !! قالت : إيه الله يعافيك ودي ازور حرمة !! قلت : طيب مانخليها بكرا !!

قالت : هالحين خمس دقايق المشوار قريب ... قلت والله ياميمتي مااقول شي .. بس إذا مافيه ظرورة وتقدرين تخلينها بعد العشاء ؟؟ وإلا بكرا .. قالت : لا ظروري !!
^
^
لو انت عزيزي بمكاني وش تسوي ..؟؟؟ تطلع وانت طالع من دوامك علشان المباراة اللى توها بادية ؟؟
7
7
7
7
7
7
7
7
7
7
7
7
7
7
7
7
7
7
7
7
سكت وفيني الصيحة مدري وش اقول .. قلت بيني وبين نفسي ... لعلني اشوف شوط واطلع اوديها وارجع !
7
7
7
7
7
7
7
7

7
7
7
7
7
7
7
بس سبقتني هي وقالت .. واحد صفر لعبت عليك

.. شف المباراة وعساكم تفوزون ( بركلت الترجيح )

عاد يوم علمتني انها تمزح معي .. إستانست والله .. وهي تظحك .. قالت عاد صدق لو انا ابيك بمشوار ظروري وعندك هالباراة وإلا للهلال وش تسوي ؟؟ قلت والله ولا ألف مباراة ياميمتي ... قالت : إيه هين

=====

تحية للجميع ..... والف مبروك لمنتخب عمان .. وحظ اوفر لمنتخب السعوديه .. وليتكم ياجمهور الإمارات ماتعاطفتوا معنا .. جبتولنا الشؤوم

>>> معكم معكم ... وماشفت ولا مشجع إماراتي مع السعودية

والبطولة الجاية بتاخذها اليمن بحكم انها بتستضيف البطولة .. خصوصا ان الفرق المتواضعه هي اللى تاخذ البطولات فقط في حالة الإستضافة ...

>> بدت اللعانة

ولاحد يسب لاعبينا .. تراهم ماقصروا والنقد إذا كان موجود لابك يكون بشكل محترم وراقي

اخوكم الصغير ابو طلال