بسم الله الرحمن الرحيم


الى المبدع داحم توتا

انا هنا راح اذكر عيوب هالشريط وياليت تسمعني واي انفعال مني ارجو انك ماتزعل لاني والله احب لك الخير وودي انك تتلافى هذه الاخطاء( خذني بطوله بالك)

1) العرض اللي يجيك في اول الشريط على دوري ابطال اوروبا رائع جدا جدا جدا وكل اخوياي اعجبهم هالعرض لكن! انت تقول الحين الشريط عن الدوري السعودي طيب ليش ماحطيت عرض عن اهداف لاعبين سعوديين مو افضل ؟؟ .

2) الشاشه الرئيسيه اول ماتجي يجيني اغنيه ( اهلي هلال نصر وحده الدوري مشعلل شدو الهمه ...............الخ) ليه تقعد شوي بعد ما عاد نسمعها لو انت مخليها تشتغل من يوم ماتجي الشاشاه الرئيسيه الين ماتبدا المباراة مو افضل..؟؟ يعني تشتغل اذا دخلت على طور التعديل، وتشتغل اذا ابي اختار الوقت والملعب والحكم ....... الخ ، وتشتغل اذا انا قاعد اصلح الخطه ووووووو.....الخ والله يطلع لها طعم حلو

3) عندك الاهازيج وبكل صراحه ليست جيده،، يعني من جهه صوتها اصواتها خافته جدا ياليت لو ترفع منها لاني الصراحه يالله نسمع وش يقولون ومانفهم شي فياليت ترفع الاصوات وتخليها واضحه وتخليها تشتغل كل المباراة مو دقيقه تشتغل ودقيقتين ماتشتغل ....!!

4)عندك اذا جيت تختار ملعب ليه ماتكتب اسم الملعب تحت بالانجليزي مو احسن من انك تكتبه داخله يعني لو انك كاتبه تحته يطلع شكلها حلو ومرتب...!!

5) عندك بعض الملاعب اللي تقول عصرا لاتيزو ومساء لروما وشفيه ذا الملعب قاطين فيه...؟!!

6) الاندية السعودية لو انك مرتبها تحت بعضها مو احسن من هالحوسه؟؟؟

7)اشكال الاعبين وبكل صراحه وبكل صراحه (ليس كل الاعبين ولكن ثلاثه ارباعهم) رديئه الى درجه ما تتصورها.....!!

8) اطقم الاندية ياليت تكون مقاربه للواقع على فكره طقم ريال مدريد الثاني ليه كذا شكله مو اسود ليه ؟؟؟

9) غلاف الشريط لو تروح عند احد مصممي الفوتوشب في شبكة الزعيم في منتدى الابداعات الهلاليه وتخلي واحد من هالمشرفين يصلح تصميم حلو( والصراحه تصميم الغلاف حلو بس تحس انه مو مرتب)

10) اعلانات الاندية او اعلام الاندية اللي مع الجمهور مالك نيه تغيرها تراها من ويننج اليفن 6 ترا التغيير زين



واخيرا اتمنى انك تتلافى هذه الاخطاء وخاصه الاهازيج واشكال الاعبين .....



واصدارك جميل جدا بس لو تتلافى هذه الاخطاء يطلع ياسلام



اتمنى انك اخذتني بطوله بال



واتمنى انك ترد على موضوعي وتعطيني خبر





واي عيوب او اخطاء راح اذكرها لك مع ان اصدارك رائع ماشالله تبارك الله







الله يوفقك دنيا واخره



واتمنى اني ما اخذت من وقتك الثمين وعطلناك بس والله هذا من زود اهتمامي باصداراتك




تحياتي/
مشكلني حبك يانواف
[email protected]


اشهد انك فخر لكل سعودي