ياسادة ياكرام احييكم تحية الاسلام...

السلام عليكم ورحمة الله وبركاته...

مدرب يخرج الهداف حسين العلي الشوط الثاني في مباراة الطائي بعد ما سجل هدف

وش يكون؟؟؟؟؟

يخرج الهداف حسين العلي الشوط الثاني بعدما سجل هدف بالشوط الاول
ويخرج صانع الهدف الاول الخثران

وش يكون؟؟؟؟

مدرب نخسر لاعبين سعوديين ونصرف عليهم مبالغ طائله ولا يشركهم

وش يكون؟؟؟؟

مدرب يرضى بان يكون في فريقه لاعب مصاب ولاعب جري ماراثون ولايحقق
اهداف الا بمعجزه ويضيع بالكوم..

وش يكون؟؟؟؟

مدرب لايستمر على تشكيله واحده طوال الموسم ولا يوجد لديه لاعب جاهز..

وش يكون؟؟؟؟

مدرب يطلب من النادي معسكر في هولندا ثم يصاب اهم اللاعبين بدرا والخثران
ثم لايجهز بديل لهم وبعد ذلك يطلب معسكر من هولندا الى ابها (سبحان الله )
وش الدهوره(يقول الرياض حر) طيب ليش من اول مارحت ابها وليش الهجوله..

وش يكون هذا المدرب؟؟

مدرب لايسير على خطه معينه ولا يبحث عن الفوز وكان قاب قوسين اوادني
من خروج الهلال من بطولة ابطال الدوري العربيه ...

وش يكون ؟؟؟؟؟

مدرب ينهزم من فريق الطائي والوحده وهي فرق تصارع الهبوط والطائي اول
فوز يحققه امام الهلال ...

وش يكون هذا المدرب؟؟؟

اديموس مدرب مرحلة(بطولة كأس ولي العهد العام الماضي)
مدرب مرحلة وراحت (عدت) يعني زي اوسكار رايح جاي خلاص ماعنده تفكير كروي
جيد ولا يغير الخطط ولا يتقدم ولا يتطور من سىء الى اسواء..

وش يكون..؟؟؟؟

ياناس فكونا من المدرب خلاص الهلال اخذ كل مافي راسه لايوجد في جعبته شىء

اتركوه نريد مدرب فرنسي عالمي شاهدوا الارسنال شاهدوا تشيلسي
شاهدوا منتخب اليابان المتطور...(قبل زيكو) كان مدربهم فرنسي

المدرب الفرنسي هو احسن مدرب تكتيكي رائع يقلب الموازين
ويبحث عن الفوز ويتطور من مرحلة الى اخرى... ويصنع فريق للمستقبل...

ارجو من ادارة الهلال التعاقد عاجلا مع مدرب فرنسي ولا اريد ان اذكر اسمه هنا

خوفا من ان يصطاده جواسيس الفرق الاخرى علما بانه حقق نجاحات مع
جميع الفرق التي دربها وحقق بطولات كبرى...

بالله عليكم ماهي انجازات الكره الهولنديه على كل البطولات العالميه الان اوبالماضى الفريب

اسف على الاطاله وياادموس مستعدين نحن الجماهير دفع الشرط الجزائي بس
ارحل غير مأسوف عليك لانك بصراحه قتلت نجوما هلاليه ....

وشكرا