هلا والله الـصـخـرة ..

إقتباس اسعد الله مساءك ياعميد المجلس كلامك كله على عيني وراسي... واحترمه بكل تأكيد واعتقد انك استخدمت اسلوب رسائل الـ sms البلاغية لإيصال حاجة في نفس يعقوب كذلك اعتقد انها وصلت.... اعتقد الف شكر

يابعدي والله ما ادري تسانك فهمت اني اقصدك بالكلام اللي اقتبسته فصدقني انك غلطان ..!!
انا بكل كلامي في الموضوع ما كنت اقصد اي عضو في المنتدى .. كنت اتكلم عن ناس نشوفهم ونجلس معهم ..!
لا اكثر ولا اقل .. وتسانك تتوقع اني اقصدك والا تلميح انك المقصود بكلامي فأنت غلطان ..!

حياك الله ..




هلا والله المحبره ..

إقتباس لمخابز اللحين ماصارت تخبز بس .. صارت تسوي حتى المرقوق يعني لاتشره على الناس اللي تحتسي بكل شي .. يقلدون الخباز !!!

هذي المشكلة ان حتى الخبازين صاروا يصلحون مرقوق .!!
وصادقه بكلامتس الخباز صار يقلد الشعب .. امحق شعب هههههههههههههه !!

إقتباس و الله إذا كان اللي يتكلم عنده سالفه صحيح .. ليش لا؟ نبي نستفيد ! بس المشكلة إن بعضهم مايدري وش السالفة زي ماقلت ..!

اللي عنده علم ما يمنع اننا نستفيد من كلامه خصوصاً انه يتكلم من باب معرفه ودراية بكل خفايا الموضوع !!
البلى كله باللي يحتسي ويهذري بشي ما يعرفه ولا يدري عنه بس حب(ن) في الحتسي ..!
والمشكلة ياليته يتقبل الرأي الآخر لا .. يصر على ان كلامه هو الصح مع انه ما يدري وش السالفة ووش الموضوع من الاساس ..!!

إقتباس يعني مثل وحده أعرفها ماعمرها شافت مباراة .. لدرجة إننا في مباراة السعودية وفرنسا 98 آخر الوقت تقول :: ليش ماتفرحون إن الهلال فاز ؟؟؟؟!! بس بعد ماصار ولدها يشجع النصر .. صارت تشغلنا بالتحليل وتفتي بالتحكيم

اما ليش ما تفرحون إن الهلال فاز هههههههههههههههههههههههههههههههههههههههههه !!
واكيد الحين تقول ان الهلال فريق تحكيم صح والا لا ؟؟!
ههههههههههههههههههههههههههههه ربي لا يحرمنا من هالنصراويين تسيف انهم تحف ههههههههههه !!

إقتباس عادي جداً خل الصبايا و الشباب يعيشون أعمارهم << لاتدقق

لا مب عادي وشلون يعيشون اعمارهم وحنا لا ؟؟!! << هذي مشكلتنا يالجيل القديم راحت علينا ههههههههه !!

إقتباس الله يهديهم ..! بعضهم ينفرون مايقربون .. و هذي مشكلة اللي فاهم الدين غلط .. و مابناه على التقوى و حسن الخلق .. ! يتخيل إنه من الأخيار .. و يبني أحكامه على هالأساس .. ويبدأ بشتم الناس !!

آمييييييييييين ..
هنا المشكلة انه يدعي الدين ويرى نفسه هو احسن واحد يطبق الدين ..!
ولكن لو يرجع للدين وكلام الله سبحانه وتعالى واحاديث الرسول صلى الله عليه وسلم وطرق تعامل الرسول اللهم صلي وسلم عليه مع الصحابة وغيرهم عرف انه بعيد عن التطبيق الصحيح للدين ..!

إقتباس قضى الموضوع طيب ماعلمتنا وش به صديق السفير ؟؟!

صديق السفير كان مسافر لجدة عشان يقابل ابوه اللي يبي يحج قصدي مسافر لنيجيريا (( خشة طلال الرشيد خخخخخ ))


حياتس الله ..





هلا والله فجر الرياض ..

إقتباس هههههههـ ايه بعض الناس الله يهديهم كذا تحس عيب انها ماتشارك لازم رازه فيسها بكل سالفه فاهمه بالموضوع والا مو فاهمه اللي يقهر ياليته على سنع لا كذا مجرد مشاركه وجدانيه للي قدامها ياتسبديه بس

هذي المصيبة وفاجعة الفجائع كلها ههههههههههههههههههههههههه !!
حب مشاركة واثبات وجود لا اكثر ولا اقل والادعاء بمعرفة كل ما لا يلزم وما يلزم ..!!

إقتباس الله يهديهم يارب ليه كذا يعني لو دودي يتقدم لخطبت نونو بيوافقون عليه وشلون اجل مثل اخوها ماخذين الامر انه عادي وانفتاح وشي طبيعي اللي يصير الله يهديهم

وش دراتس انتي هذا هو التوقدم والحضارة اجل تبينهم يصيرون منغلقين والبنت ما تشوف ولد عمها الا وهم صغار ؟؟!!
الى متى ونعيش في عصر القمع والتحجير ؟!! الله يخلف على كل من كان هذا تفكيره ويهديه ..!

إقتباس وهذولاء بعد الله يهديهم

آمين

إقتباس فاهمين الدين غلط ويسوون اللي يعجبهم وهم متغلفين بغلاف الدين والدين منهم براء عمر الدين ماصار كذا

ليتهم بس يرجعون لكتاب الله وسنة نبيه ويعرفون وش وضعهم الله يهديهم ..!

إقتباس يؤيؤ صرت مثل خويكم حتسيت بكلش

الله يحلل الحجاج عند ولده ههههههههههههههههههههههههههههههههههههههههه !


حياتس الله ..





هلا والله القناصة الهلاليه ..

إقتباس الدين يٌسر وسهولة .. كثير من هالفئِة منشره بالجمتع الله يهديهم ويفتح قلوبهم على الدين والهداية ياربّ العالميِن قال رسول الله صلى الله عليّه وسلم : ( ثلاثة لا يدخلون الجنة , مدمن خمر وقاطع رحم , ومصدق بالسِحر )

اللهم صلي وسلم على رسول الله ..
وفعلاً الدين منهم براء ومن افعالهم ما عمره الدين كان كذا !!
الله يهديهم ..



حياتس الله ..




هلا والله فتاه هلاليه ..

إقتباس نجي لموضوع رزاق أموتوفويوزي <<--هو كذا اسمه

اسألي طلال الرشيد وش دراني .!! والا إسألي السفير احسن بحكم انه صديقه ههههههه !!

إقتباس هذي ذكرتني بقناة الله يستر علينا وعليها القناة دينية وتحت تلقى ناس تتكلم عن المطبخ والوظائف وتفسير الأحلام وكل شيء يخطر على بالك تلقاه بذيك القناة لين بغيت أضحك حطيتها

ههههههههههههههههههههههههههههههههههههههههههههههههههه

إقتباس الله العالم إن حكيه هو اللي بيجيب الحموضه بس بسأل أنا هذولا وش يحسون به ! يخرب بيوتهم كل شيء لهم دخل فيه حتى لو تحكي بمجال هو ماله فيه تلقاه قاط معك وبالغصب بأسوي فاهم يعني مشكلة اللي يدخل عصه بشيء مايخصه ..

مهوب بس حتسيه اللي يجيب الحمووضه هو بكبره يجيب الحموووضه ههههههههههههههه !!
ميزتهم ما شاء الله عليهم ما تعوق معهم اي سالفة .. كل شي يعرفونه الله لا يضرهم ههههههههه !!

إقتباس عادي خلك فري ياصدى وش فيك على الولد خله يعيش عمره أنا عسى أخوي يتذكرني بميلادي عشان يجيب لي هديه لاحظوا قلت أخوي لأني ما أتجرأ وأقول ولد عمي

ما ضيعنا الا هالمجاني << ترجمة حرفية لـ free خخخخخخخخ
هين اخوتس ما يتذكر متى ميلادتس لان ما بينكم صلة رحم ومحبه مثلهم هههههههههههههه !!
قال ايش قال صلة رحم ههههههههه طل والله صلة رحم ههههههههه !!

إقتباس هذولا مشكلة بعد , فاهمين الدين غلط ×غلط صلة الرحم تعني الإحسان إلى الأقربين وإيصال ما أمكن من الخير إليهم ودفع ما أمكن من الشر عنهم. وقطيعة الرحم تعني عدم الإحسان إلى الأقارب, وَ الإساءة إليهم.

تلخيص لكل السالفة .. بدال كثرة الحتسي والبربره مني اللي مالها سنع ابد ..!

إقتباس وهاللي انت ذاكره كمثال سبهم وأساء لهم الله يصلحه <<-- داخله جو معهم تراني الله يصلح هالناس ويفتح على قلوبهم -)

آمين يارب العالمين ..

إقتباس على فكره عجبني وشلون جت كأنها على الوزن وش فيكم عبد الله ................ رجال يخاف الله !

شفتي وشلون بس .. اصبروا شوي وتشوفوني بأكبر أمسية وش حيث عبدالرحمن بن مساعد .!!

إقتباس الحين ياصدى وش زينك يومك تصير ذرب وتنزل لنا موضوع وتخلي عنك الرسمية اللي مهيب لك ولا هي من ثوبك

هههههههههههههههههههههههههههههههههههههههههههههههههههههههه
حلوه الرسميه مهيب لك ولا من ثوبك حسيت اني انسان بجيح خخخخخخخخخخخخخخخخخخخخخخ !!




حياتس الله ..





هلا والله محاميه ..

إقتباس اما اللي يتفلسفون ويفتون با كل شي هذولاء ربي يعين عليهم مثلا انا عندي اخوي في البيت نسميه با معروف تدري ليش ؟؟؟ لانه يفتي با كل شي احيانا نسكت ونعديه له بس يزوووووووووووووووده حيــــــــــــل وانوع الاستقعاد على كلامه وما يتوب احسة خلاص ما فيه فايده تعود مشكله ..

والله البلشه صدز هههههههههههههه !!
اما لو يصير اخوي ثلاثة ايام بس تسان يا ذابحه يا ذابحني ههههههههههههههه !!

إقتباس والا الحلوين نونو ومنو ودودي سلم عليهم با الله ..

يبلغ ان شاء الله << صدق وتحمس

إقتباس انا قبل اسبوع تذكرت ان مر على عمري سانةوبا ادخل سانه قلت للولده الله يحفظه اكيد با تجيبلي هديه تدري ايش قالت : قالت لي مليون سانه عايشه وما احد عمره اعطني هديه اذلفي هناك بس هذا اللي كان ناقص.. عادي ابتسمت وقلت الحياة حلوه يا بنت ويا الله قومي اذلفي احسن من تكمل عليها بأحد فناجيل القهوه والشاي اللي كانت قدمها ..

وراتس ما قلتي لها وش حيث نونو .!!
الله يطول بعمر الوالده ويخليها لكم ويحلقم برها يارب ياكريم ..!
بس مافيه اطلق من ردها هههههههههههه حسيت انتس توهقتي هههههههههههه !!



حياتس الله ..




هلا والله سهل ..

إقتباس الله يهديك يا صدصد !!

آمين ويهديك انت بعد << ياكثر اللي ما يفهم هالدعوه تلقاه يطيير بك ويهاويش ويزاعق وانت داعي(ن) له ما دعيت عليه ؟!!

إقتباس اكيد انه جايك جبن سايل بعيد ميلادك ولا لقيت لك خبزه تدهنه بوه هذا جزى اللي يقطع صلة رحمه !! << وش يبي البرفسور

المشكلة حتى الجبن سايل ما جاني الا الكأس وفاضي بعد .!
يعني لا خبر ولا هم يحزنون خخخخخخخخخخخخخخخخخخخخ !!

إقتباس سته بواحد وادبل والا اشتر مغطى

لو يدبل خسران غشيم وما يعرف يمشي الورق صح .!!
وناس تحجر له وتلعب به بالفرنكه هههههههههههههههههه !!
المغطى شرينا وقضينا تخبر ماحولك احد هههههههههههههههههه !!


الا وش اخبار قاطع صلة الرحم << احد قال البرفسور .!!


حياك الله ..





هلا مواصل من عام 1413هـ مرة(ن) ثانية .

إقتباس أنا أقرأ يسبحون ، يسبحون ( طاق الشورت ومحيفرة ) إنلحست إثري الحروف متحركه من مكانها من يسحبون إلى يسبحون !!! بس الحمد لله سلمنا من المشرفين وإنذاراتهم والله إني متوقع اليوم إن سهل يصرف لي واحد

هذا اللي يجي من السهر والمواصل .. خصوصاً انك من 1413 وانت مواصل ياعزتي لك !

وتسانك شايل هم الانذارات ابد اي احد يحاتسيك والا شي قله انا من طرف صدى الامس .. ان ما شفته يعقل ويعتذر لك مانيب انا ابو امس << يحلفون ايقاف نهائي يبي يجيه هههههههههههههههه !!


حياك الله ..





هلا والله الهنوووف ..

إقتباس الخباز وخبزته خل الناس بكيفها ههههههههههه هو اكيد ماراح يكون يحتسي الا انه ملم بكذا جانب بس طبيعي بيحصل له تشتيت حلو التركيز بمجال معين يعني التنويع اوقات حلوو بس مدري تقصد حتى هالمثال تشوفه غلط مثلا كاتب يكون اسلوبه جدي ومرات يكتب باسلوب ساخر وهكذا

انتي فهمتي السالفة خطأ ؟؟!! هين اللي ملم بالموضوع ما منه خلاف ابد !!
المصيبه باللي ما يدري وش الموضوع اساساً ولكن يحب يشارك غصب !!
التنويع مهم ومثل ما ذكرتي بمثالتس كاتب يكون جدي ومرات يكتب بأسلوب ساخر مثلي الله يحفظني ويخليني لكم خخخخخخخخخخخخخخخخ !!

إقتباس فيه ناس يجيهم تكه مايعرفون يجلسون بنقاش وهم ساكتين حتى لو ان مابراسه الا الدجه وياشين الي يجادلك وهو مايدري وين ربي حاطه والا تجيك تطبخ وهي ماتعرف وتفزع برايها اانا بسوي الشي الفلاني طبختس شين لاتحرجين الناس معاك وتخلي تسبودهم تعورهم والا نتكلم بسالفه ونمدح شي وتقول لا مو زين ولاتروحون له او لاتشترونه وهي ماشافته ولاراحت له مدري وش يحسون به عموما السالفه ماتتعدى كونها اثبات الذات وصوت ينطلق من هالشخص ويقول تراني موجود عبروني

هنا انتي فهمتي السالفة صح !!
احس ان الرد جاي من شخصين او انتس تعانين من انفصام بالردود هههههههههههههههههههه !!

إقتباس فله هالنونو ودودي اها ورى عيالنا مايجيبون لي هديه هالامور عند كثير من العوايل سوا الاحتفالات او الاختلاط يعني بعضهم مايتغطون ابدا ابدا وبعضهم مايتغطون الا لما يتزوج الولد احيانا احسهم فله >>>لايكثر

تقل جايزتس الوضع وودتس تصيرين تسذا هههههههههههههههههه ؟؟!

الله يخلف عليهم ويهديهم يارب .!

إقتباس الزنديق ههههههههه للاسف هذا حال الكثيرين مجرد مايظهر عليه معصيه معينه خلاص يصير داج وشوي يكفرونه حتى لو تقول ان فلان يسوي كذا وكذا (عمل خير ) يقولون ماظنتي خله يعدل نفسه اول يمكن البعض فاهم الدين غلط والبعض من من كثر التشدد ينظر للمعصيه بشكل اخر ذكرتني بواحد من اقاربي مانع زوجته من الاسواق الكبيره والثمامه وهالاماكن وايضا من بيت اختها لان عندهم قنوات فضائيه

هذي هي المشكلة يرون انفسهم هم اهل الدين وبس وهم الاقرب لرب العالمين من بد خلقه ..!
مع ان هالشي مايعرفه الا الله سبحانه وتعالى ويمكن عند ربك هاللي تشوفه عاصي وله من الذنوب اقرب منك واحب عند ربك منك ؟!!
عمر الدين ما كان بالشكل هذا ابد !! الله يهدي الجميع يارب ياكريم ..!



حياتس الله ..





هلا سوليدره ..

إقتباس اللحين انت عميد يعني يمديك تتوسط ولا كلش استريت

انا اكبر واسطه بهالمجلس !!

إقتباس على طاري الي يدحشون حالهم في كل شي , وحده اعرفها كذا والله حتى لو شيء ما تعرفه ابد ابد ..تجلس تتفلسف المشكلة كلنا دارين ان ما عندها سالفة وهي بعد تدري بس تستهبل ..

لو جت على استهبال كان هانت .. اما تجي صدز ياهي قووويه << وش عنده سعد الفهد ههههههههههههه !!

إقتباس لكن اذا تبون الجد .. اعتقد والله وحده اعلم , ان اللي حالتهم مثل كذا يعانون من عقدة نقص مثلاً أو أنانية وغرور .. بمعنى ما يحبون احد يتكلم في شيء هم ما يعرفون يعني لازم لازم بالغصب بالقوووة يكونون عارفين الطبخة

هم عندهم احساس بالنقص مافيها كلام .. وعشان كذا يحاولون يكملون النقص بالمشاركة بكل شي !!
على اساس اثبات ان له اطلاع ومعرفه في كل شي الله يخليه لامه !!




حياتس الله ..





اخيراً شطبنا