السلام عليكم ورحمة الله وبركاته
الحمدلله , الفكرو نالت اعجاب وموافقة اكثر من 80% من المصوتين , الان في هذا الموضوع راح نناقش الفكرة من جميع النواحي من اجل ان تكون الصورة واضحة للجميع لما نبدأ التطبيق , لا تنسون الشرط الاساسي والمهم جدا , التحالف حصري على اعضاء الشبكة وبنفس اسمائهم
كم تبون نسوي تحالف ؟ واحد وننتظر لين يوصل 60 عضو ونفتح الثاني او نفتح اكثر من واحد في نفس الوقت ؟
وين تبون الجهة الي نسجل فيها ؟
هل تبونه السيرفر الثالث بعد ماينعاد او السيرفر 35 اذا فتح او سيرفر سريع غير عربي ؟
نرجوا من الاعضاء الراغبين في ترشيح انفسهم لمنصب الرئيس او نائب الرئيس يقدمون اسمائهم , وبعد مانستقر على العدد المناسب من الفروع راح نفتح موضوع ثاني للاعضاء علشان يختارون الي يبون من الشباب الي رشحوا نفسهم
* تنويه : الاشخاص الي بيمسكون سفارة التحالف ماراح يكون عليهم حمل اضافي من ناحية تطوير السفارة واهمال قر يته ( زي الي صار معي في سيرفر 3 ) , تطوير السفارة بيكون على جميع الاعضاء بشكل ساعة انتاج واحدة يوميا , وحتى هو راعي السفارة لازم يعطي السفارة ساعة واحدة من انتاجه يوميا وباقي موارده يطور فيها قريته مثله مثل غيره
* تنويه : تذكروا ان التحالف حصري على اعضاء الشبكة , يعني ترتيب العضو مو مهم نهائيا وترتيب التحالف مو مهم نهائيا , بعد ماتستقر الامور راح نعمل حركة تنقلات بين التحالفات الخاصة بالزعيم ونجمع الاعضاء الاقوياء في حلف ويكون هو الاساسي والاعضاء المتوسطين في حلف ويكون هو الفرع الاول والي بعدهم في حلف والي بعدهم في حلف وهكذا
هدفنا : السيطرة على الناحية الي بنسجل فيها بشكل كامل وبكذا نضمن وجود اكثر من معجزة وخارطة بناء في قرانا مع نهاية السيرفر
