إقتباس الرسالة الأصلية كتبت بواسطة مغاط أي قناة ؟؟ والله العظيم حرام نسميها ( مدونة ) !! يا أخي قروبات على الانترنت !! ومنتديات .. ماسكينها (طلاب و هواة ) مالهم دخل في التخصص الإعلامي !! مخلينها من أروع ما يكون !! وذولا مجمـّعين لي ( عوير وزوير ) وملبسينهم هالخلاقين اللي تسد النفس بزعمهم حياديين !! وليتهم عاد يعطونك ( مادة إعلامية دسمة ) !! وخذ يا تنكيت واستظراف ! أجل بالله فيه أحد يقول ( كان فيه جحا ......... ويكمل النكتة ) وباقي الشباب الكول ميتين من الضحك !! يا اخي دبرّوا لكم صرفة مع (خالد اللحيدان) !! يا اخي طالبوا ( المنيـّع ) بأنه يعطيكم تاريخ بالهجري ويقول لكم : أنا في اليوم الفلاني أنا بعقل !! ابحثوا !! دققوا شوفوا من اللي يحط أسئلة ( بدر الفرهود ) !! (أحمد العجلان ) ما يخلّى بلحاله في برنامج !! والله يا هي هاجتن به !! يا أخي والله ما يعرف !! طيب (المطيويع) وراه يزاعق !! قد صارحتوه !! ترا ما فيها شيء !! والله يا ابو مشعل ترا شطحاتك بعض الاحيان تسنها خشة (خالد السعيد ) هاللي ماتدري هو يبتسم وإلا واصلتن معه وإلا يكح وإلا مغمض !! أشوف هالبراطم تتحرك ولا أدري وش المضمون !! طيب ( العرفج ) ليه كذا ؟! يا اخي تكلم فصحى بالعكس راكبه عليك أنت وتجعيدة هالشعر لكن ليه ( تقلقل ) ؟! ليه تضبط الاخر بالشكل !! ليه تجيب كلمات من عصر الدولة الأموية !! يا زينك يا (عبدالرحمن الحسين ) صح إنك بثر .. والظاهر إنك تنام بالقناة .. ولا به ولا برنامج إلا وأنت مشكّل أساسي فيه !! لكنك أرحم مليون مرة من هالأوادم الموجودة !! يا اخي ( الحصان حق برنامج سيرة ) أبو الوجه الطفولي أبرأ مخلوق على وجه الأرض .. وينه ؟! جيبووووه والله أنه أرحم من غيره !! صراحة قناتنا الرياضية باختصار !! ( طقها وألحقها ) ولا بها رجاء !! والمشكلة أنهم يقدرون يتطورون ويخلون عنهم التفلسف !! وحنا معهم ما راح يقدرون يرضون أحد !! لكن ما نبيكم توصلون لمرحلة الإرضاء !! نبيكم ( تعقلون بس ) !! نبيكم (تبدون تخططون ) !! نبيكم ( تتركون الارتجالية ) !! يا اخي جيبوا ( مستشارين اعلاميين ) !! لا تجييبون مستشارين عشان ما تتعلثون بالدعم !! استضيفوا ( نقاد ) على جلسات متفاوته واسمعوا منهم !! جيبوا الهلالي وغير الهلالي وصفوهم !! ولا تخلون النقاش ( عاطفي و ليه حطيتوا اللون الفلاني وتركتوا اللون العلاني .. لانها دوامة ما راح تطلعون منها ) !! خلوا نقاشكم يصب في تيار (تطويري بحت ) !! ارتقاء بالمادة اللي تقدمونها للمشاهد اللي دبلتوا تسبده !! أسئلة من أيام جهيمان !! وش تتوقع النتيجة؟ ومن بيفوز ؟ وليه انت هلالي؟ وليه انت نصراوي؟ ما تستحون ؟! و وسطنا الرياضي من سيء لأسوأ وأنتم مستقطبين أي واحد راعي تشخيص ومرازيم !! ومركزّين على أمور مالها سنع ومتجاهلين أمور أهم بكثير !! فيه نقص كبير ولو طالبتوا المسؤولين بتوفير دعم !! ورفضوا مع الالحاح والضغط راح يفورون لكم !! لكن بالله وشلون يوفرون لكم وهذا شغلكم اللي تسنه وجهكم !! حتى الشركات مالها خلق تعلن عندكم !! والله العظيم كنت في واشنطن وكنت جالس مع شخص عربي !! واستغربت انه يكلمّني عن برنامج ( تسعة وتسعين ) !! شوفوا وشلون اذا جبتوا جديد يوصل المشرق والمغرب !! طيب هل استغليتوا فترة هالبرامج بإعلانات مثلا !! هل عرفتوا ليه هالبرنامج ناجح !! لأنه فيه ( تعب ) فيه جهد !! لأن فيه ( اخلاص ) باقي البرامج !! يكفيها تحضير قبل البرنامج بنص ساعة ( جيبوا يحيى مساوي هاللي كارفين والديه ما بقى برنامج عندكم ما صار هو اللي ماسك اعداده) !! هل تفاوضتوا مع شركات دعاية واعلان تمسك التنسيق والترتيبات !! هل فيه إرسال عروض للشركات الضخمة !! هل عندكم متسشارين ماليين !! والا جيّدين بغيّر هالخلفية اللي منها !! وامزع صورة مالك معاذ مناك !! وجب ناصر الجوهر هو وطربوشه اللي لولا شحمة الاذن كان حتى عيونه ما نشوفها !! رسالة للمسؤولين على قناتنا الرياضية : والله إنكم من جنبها !! ولا هوب زاين الحال إلا بوجود خبراء إعلاميين معكم !! وبينكم !! أما تصيفقكم لبعض وارتجاليتكم هي اللي تبي تضيعكم !! تحياتي لكاتب المقالة .. صراحة لامس كبد الحقيقة !! وسلّط الضوء على نقاط كثيرة مهمة من ضمنها : إقحام الهلال بكل قضاياهم !! والله لو ينشق كفر (باص النصر .. ذاك التسعاوي ) إن يدعسّون الهلال بالسالفة !! لو ينفلق بزر بمسبح نادي الشباب تسان قالوا ( حمادة حق بوفيه الهلال فالقه ) !! وهذي دوامة تعودنا عليها !! ودام فيه هلال (آكل الأخضر و"مخلي لهم اليابس") فما راح يسكتون !! بالتوفيق وسوري على الاطالة ..

ههههههههههههههه والله انك صادق والا بدر الفرهود الي ماادري وش يبي مسويلي بيحجر وهو ماعنده سالفه