هابي نيو ييير



مبروك الفوز ومواصلة تسجيل الأرقام الحلوه والقياسيه .. واخيرا تكسير عقبة المادريقال .. ملعب صعب جدا .. تقريبا كان اصعب ملعب على ريكارد ..

فريق فياريال مميز جدا جماعيا .. فريق دائما متحرك وسريع في استغلال ثغرات المنافس .. اول الموسم ظهر بمستوى قوي جدا .. بعدها تأثر خط دفاعه ببعض الغيابات .. لكن مباراة الأمس .. مباراتي مانشستر .. فيها اثبات على ان هالفريق يملك موهبه مرعبه .. لكن هل نفسه طويل ؟ يبين هاالشئ بعدين ..

الفريقين تميزو من اول المباراه في مبارزة التحرك بدون كره .. تكتيك برشلونه تقريبا كان معظمه مبني على هنري .. هنري يتحرك ويطلب الكره .. الفريق يخدمه ويوصلها له ..



اعتقد من الناحيه الهجوميه برشلونه كان ناجح .. وتمكن من تشكيل خطر بشكل متواصل .. وهاالشئ كان جماعي .. تحركات [ كيتا - ايتو - ميسي ] كانت تسحب الأنظار .. هنري يغير مراكزه ويدخل للعمق .. والتمريرات توصل له ..

الشئ السلبي كان المنظومه الدفاعيه .. الوسط كانت تغطيته غير جيده .. وايضا تثبيت لاعبي الهجوم في مراكزهم في لحظات عديده أثرت على خط الدفاع بشكل كبير ..



وجود [ كيتا - تشافي ] يسمح بلعب ادوار الأجنحه في التغطيه .. لكن احيانا كان يأثر على العمق واللي بوجود وسط خماسي من فياريال كان صعب متابعة كل تحركاتهم ..



بشكل عام .. فكرة تثبيت مهاجمين من الثلاثي [ ميسي - ايتو - هنري ] على مقربه من متوسطي دفاع الغواصات .. ورجوع الثالث للوسط .. ممكن لاستغلال تقدم اظهرة فياريال اثناء تحركهم .. لكن هاالشئ كان بيأكلنا بقدونس وخيار في كرات كثيره ..

مصيدة التسلل كانت سلبيه على الفريق .. فياريال فيه شبه من برشلونه بغض النظر عن الفوارق الفرديه .. لما تكون الكره عند [ كاني - بيريز ] .. يحاولو يسحبو قلب دفاع او ظهير .. مع مراقبة لاعبي الوسط .. وبتقدم ظهير او جناح في الجهه الأخرى .. يضربو مصيدة التسلل ويكملو القادمين من الخلف في عمق دفاع برشلونه .. هاالشئ بالضبط بسبب تغطية خط الوسط ومنظومة الفريق الدفاعيه بشكل عام ..

الفريق يحاول يسجل من بداية المباراه .. وهاالشئ صح .. لكن ماكان المفروض المجازفه بهالطريقه على حساب الدفاع ..



حتى الهدف .. وجود مهاجم وهمي مثل [ روسي ] تحركاته كثيره جدا .. ومتابعة محاولة ضرب مصيدة التسلل .. نتج عنها في النهايه بهدف .. [ كاني ] كان متحرك من خلف بيكي .. الفيس كان من المفترض يلحق اللاعب ويدخل معاه في العمق .. ايضا [ بويول - بيكي ] كان ارتدادهم بطئ جدا بسبب اعتقادهم بأن الكره تسلل في هالحاله الا كان يتحكم في مصيدة التسلل هو اخر واحد على الطرف اللي هو الفيس .. الفيس هو اللي كانت عنده الرؤيه فيما لو كان اللاعب سقط في المصيده او لأ .. عادة اللاعبين الا يوقفو يكونو بطيئين .. لكن الفيس سريع .. وبالتالي المفروض يغطي على اخطاء زملاءه في هالكره ..

بنظره عامه .. الثنائيات القريبه من خط الدفاع .. والكرات الساقطه .. ماكان المفروض تصير .. والمفروض الوسط يكون ضغطه افضل ويكونو اللاعبين اقرب ..

الانتشار كان موجود لكن بدون متانه دفاعيه .. احيانا نلعب بـ 3 - 5 - 2 .. واحيانا بـ 4 - 4 - 2 .. لكن ماعرفنا نتعامل مع حركة فياريال السريعه بدون كره ..



هدفي برشلونه كانوا روعه في طريقتهم .. وباهداف تعتبر من عيوب برشلونه عادة .. برشلونه ماتعرف تستغل كرات عرضيه لأن ماعندها اللاعبين الا يفيدو بشكل كبير لهالنوع من اللعب .. لكن [ كيتا ] بتنوع الحلول الا يعطيها قدر من تعديل النتيجه .. والهدف الثاني صراحه لاتعليق على الملك تشافي وهنري كان في قمة تركيزه ووضعها بشكل مثالي ..



كنت اتمنى بيكي ماانطرد واشوف تعامل الفريق مع تقدمه وكيف راح ينظم دفاعه .. لكن للأسف ماتمكنا من انهاء المباراه بصفوف كامله ..

التوازن افتقدناه ممكن هالمباراه .. هجوميا كنا نشيطين من الناحيه الجماعيه لكن دفاعيا كنا اقل من المستوى .. ومن باب الأداء .. الفريقين ضيعو الكثير من الهجمات .. لكن برشلونه كان الأكثر توفيقا في النهايه ..

عموما .. المباراه كانت جميله من الناحيه الفنيه .. والحظ وقف في صفنا في النهايه .. بغض النظر عن الحالات التحكيميه ..

سريع سريع

@ مباراتي فالنسيا وفياريال .. مباريات هنري .. الفريق استغل هاللاعب بشكل مثالي .. واعتمد عليه بشكل كبير في التحركات الهجوميه .. ووجود لاعبين مثل ميسي وايتو يسمح في سحب الأنظار .. وافساح المجال لهنري او حتى كيتا بالتقدم والتهديف ..

@ ميسي امس بطل في تحركاته للمجموعه .. لكن فيه كرات في اخر المباراه ممكن لو كان جماعي اكثر فيها .. كان استفدنا ..

@ كيتا امس كان في الشوط الأول غير جيد .. لكن في الشوط الثاني تحسن مردوده .. والهدف كان بمثابة كفارة ذنوب للشيخ سعيد ..

@ 12 من 12 .. في شهر كنت اقول فيه لو نطلع بـ 9 نقاط خير وبركه .. حققنا الفل مارك وباستحقاق .. ومن ملعبين من اصعب الملاعب [ المادريقال - السانشيز بيزيخوان ] ..

@ امس بالذات افتقدنا لوجود انييستا بالفريق سواء في خدماته الدفاعيه او الهجوميه ..

مبروك للفايزين .. والخسرانين روحو عيدو وارجعو لنا زي الحديد :p ..