السلام عليكم
ألف مبروك الفوز ياشباب .. ومبروك تحطيم رقم ريكارد السابق ومبروك على كل شي ..
بصراحة قبل المباراة كان قلبي قارصني مادري ليش .. ويوم جابوا الهدف جاني احباط عجيب حتى اني كنت أفكر ما اكمل المباراة .. يعني العشر دقايق الي بين هدفهم وهدف كيتا كنت عايش بوقت أنتظر فيه بأي لحظه اني اطلع 
.. لكن ماقصر الخال وبرضو ماقصر أبو تيّا وماقصر زافي ولا ألفيس .. الشباب كلهم ماقصروا .. ماعدا كذا شغله بتكلم عنها عقب شوي .. الفريق اليوم ماظهر بمستوى يليق ببرشلونة بصراحة .. يبقى اننا اخذنا الأهم وهو الثلاث نقاط ولله الحمد .. لكن بالنظر عن سبب عدم ظهور بعض اللاعبين بمستوياتهم أعتقد السبب الجوهري هو المباريات المتتاليه والكبيره الي حاضوها .. يعني من مباراة خيتافي لين مباراة اليوم تقريبا سبع مباريات في كل البطولات .. صعبه للاعب يعطيك فيها كلها زي ماعطاك في أفضلها مستوى بالنسبه له .. الإرهاق واضح انه لاعب بالشباب لعب ..
السبب الآخر اعطيه نسبه كبيره برضو من عدم ظهور برشلونة بالمستوى اللائق .. وهو فياريال .. المادريقال مع فياريال شي صعب صراحة جدا جدا .. شلون اذا كانت الرقابه لصيقه على مفاتيح اللعب عندك واستنفار دفاعي في حال واحد منهم قدر يخطف الكوره زي ماشفنا مع ميسي كل مامسك الكوره تحصل الدفاع كلهم يتابعونه لحظه بلحظه .. أيضا ما أنسى التكتل الدفاعي المحكم لاي فرضه الفيّا أمس .. صحيح انهم مالعبوا عشرة دفاع لكن لعبوا أربع سناتر ثابتين وهن الي يتحرك .. وفي حال هجوم برشلونة يتراجع كامل الفريق .. وفي حال هجومهم تتقدم الأجنحه والاطراف ويبقى الدفاع ثابت .. من هالمنطلق شفنا إحكام إغلاق الجهه الخلفيه بشكل محكم مع صعوبة اختراقها من قبل المهاجمين ..
برضو فيه شغله لاحظتها .. كثير من الكور مايحتاجلها فلسفه زايده .. انكشف المرمى قدامك خلاص خلصه وفكه بالباب! مادري ليش أحس ان المدرب أمس مانع اللاعبين يسددون من برى المنطقه !؟ .. كل شي واضح المنطقه مغلقه بشكل كبير خلاص مالك الا خارج المنطقه .. صحيح قدروا يخترقون المنطقه بأكثر من مره لكن الاستعجال وعدم التركيز كان السبب في موت الهجمات ..
بالنسبه للتشكيله واللاعبين .. فـ في حال اختيار نجم اللقاء فـ أشوف ان زافي كان النجم الاول بلا منازع صراحة .. لاعب يخليك من جد ترتاح وانت تشوف المباراة .. تمريرات بينيه خالعه انهاء هجمات الخصم من العمق خلق توازن في وسط الميدان بين الدفاع والهجوم .. لاعبين من طينة زافي قليلين ..
بالنسبه للتشكيلة بشكل عام فـ استغربتها من بيب صراحة .. بوسكيتش مميز وادى بشكل حلو .. لكن تلعبه قدام فريق زي الفيّا ومن بداية المباراة اعتقد انها شبه مجازفه .. لاعب ماعنده خبره صعبه يلعب اساسي بزي هالمباريات .. كنت اتمنى هليب يكون أساسي علشان نشوف وش راح يصير .. لاعب يخلق لك من اللاشيء .. شيء! .. شفناه قدام الفالنس وش سوى .. صحيح ان بوسكيتش ماسوى شي غلط .. لكن دخوله أساسي أضر بالمصلحه العامه للفريق .. ماعنده ذيك النزعه الهجوميه الي تخلينا نتطمن ان عندنا لاعب وسط مهاجم غير زافي .. بوسكيتش كـ مسمى ميداني ماهمني .. همني الاداء .. وأداءه امس ماكان جايز لي بصراحة .. ممكن الشوط الثاني يكون بديل لكيتا .. اوكي ..
التحكيم أمس بصراحة أجحف بحقنا حبتين .. صحيح فيه بعض الملاحظات عليه ضد الفيّا .. رمية تماس مثلا او ماشابه .. لكن اخطاءه ضد البارسا أكبر .. طرد بيكيه ما أشوف انه مستحق بتاتا .. لو بيكيه واقف وماصارع على الكوره كان جاء فاول عليه وممكن كرت برضو .. ويوم صارع على الكوره وأخذها وطاح ذاك أخذ فاول وطرد على بيكيه .. مادري بس الشباب يقولون انه كوع! معين كوع شلون يعني يحط ايدينه بمخباته وينقز ولا كيف ! صراع على الكوره وكوع بيكيه ماكان موجه إلى وجه اللاعب عادي كوعه كأي كوع لاعب صارع على كوره بالهواء ! ..
بعد هدف التعادل ماحركت ساكن بتاتا .. شافوني الشباب ليش مافرحت ترى جاء هدف !؟ .. قلت لهم قالولكم جالس أعد ازرار التلفزيون انا 
داري انه جاء هدف .. لكن كـ برشلوني مايرضيني الوضع .. التعادل ما اطمح له .. ومايفرحني .. الفوز وحده يهنيني .. 
.. < لازوردي مهب فوز 
