الموضوع: صب لك بيالة شاهي .. واسحب لك كرسي .. واقعد دردش معانا ( نلتقي .. لنرتقي )
مشاهدة مشاركة بصفحة مستقلة
  #3  
قديم 21/12/2008, 12:04 PM
الصورة الرمزية الخاصة بـ الهلالي 11
الهلالي 11 الهلالي 11 غير متواجد حالياً
زعيــم مميــز
تاريخ التسجيل: 01/01/2002
المكان: Awaaaaaaay
مشاركات: 5,124
بالله لو سمحت انا ابغى نسكافيه

يا الغالي هو مرور سريع ... انا ما ادري وش اللي دار خلف هالمواضيع

لكن من وجهة نظري مثل هالمواضيع تسبب حزازيه ومشاكل واخرها ايقافات لان بصراحه فيه اعضاء هنا تحس انهم راضعين مع لاعبين الفريق من ام وحده

من جد فيه ناس ما تهتم لموضوع انها مجرد كورة وحتى عشق نمشيها ... فيه ناس يهاوش اخوه هنا عشان فريق والله ما درو عنه ... الاعبين بعد الخسارة يفلونها عصير تفاح ونوادي ثقافه عامة ليلي وهو يهاوش خويه ويسبه وهذا الكلام من واقع تجربه وشفته هنا كثير ... ايقافات من ورى مثل هالمواضيع

وصدقني انت تقول ان الموضوع متعوب عليه ... الذنب مو ذنب مشرف ولا صاحب الموضوع ... الذنب يحسب على الاعضاء اللي يردون باساليب استفزازيه ويحولون مسار الموضوع ويضيعون تعب كاتبه

حقيقة الشي اللي ممكن اتكلم عن المشرفين فيه هو انهم ليش يخلون الموضوع لين يوصل عدد ردود لا باس فيه بعدين يقفلونه بحجة وجود استوديو يعني اللي اقصده المفروض عشان هالعذر يتقفل من اولها لكن يحسب لهم حقيقة ان اي موضوع يتقفل يوجد بالاخير رد من المشرف اللي قفله يذكر فيه السبب يعني فيه مواضيع لي حذفت من ثلاث اقسام هنا بدون ذكر اسماء ... حذفت بدون ما اعرف من حذفها وايش السبب

لكن هي كلمة لك اخوي ولكل من مر على كلماتي

والله والله والله ان مشرفين العالميه ان لم يكونو الافضل ورقم واحد فهم بلا شك اسمائهم في صدارة الافضلية وبدون نقاش

تعاون ... وروح حلوه ... شخصية متواضعه ... تساهل في كثير من الاحيان ... متابعه لكل شي اول باول ... مع كثرة البطولات والمسابقات وكل دوري لحاله قصه مع ذلك قادرين ينسقون هالاشياء والاحلى من هالشي محبة الاعضاء لهم

وعلى فكره الاقسام الثانيه يحسدونا والله على مشرفينا وعشان اختصر لك اسال مجرب على قولتهم والله مشرفين العالميه ما رح تعرف قيمتهم وقدرهم وحلاوتهم الا اذا جربت التعامل مع غيرهم في اقسام اخرى .. وما اقصد قسم معين لاني جربت بصراحه عدة اقسام صار فيها مناقشات مع مشرفينها و والله اني اقول الحمد لله اني بالعالميه بس

شكرا للجميع بدون استثناء وان كان عبدالله اسير الزعيم ... واحمد هلالي مووت هم الاقرب لي تقريبا لكن والله اني اعلم تماما ان الجميع هنا عارفين شغلهم ومتساهلين كثير بس لسبب واحد ... هو كسب حب ورضا الشباب عشان يصير الجو اخوي وفيه تعاون كبير

ما ودي اطول لكن باختصار الباب اللي يجيك منه ريح الله يقلع اللي ركبه يعني اللي اقصده اذا ودك تعرف قيمة انك انت عضو بالعالميه تحت مشرفين مثل اللي موجودين حاليا رح لقسم ثاني وشف هل كلامي اللي كتب هنا صحيح او مبالغ فيه وبعدين تعال عطني وجهة نظرك

شكرا للجميع وشكرا لي انا شخصيا اللي تعبت وانا اكتب هالكلام
اضافة رد مع اقتباس