إقتباس الرسالة الأصلية كتبت بواسطة ابو طـــــلال هلا بأخيتي رائدة .. تعليقك كووووم .. وهالجملة لحالها كوووم ماصارت السالفة إهتمام بالغير ومشاكلة والتحدث عن قضايا الدول المجاورة ... الموضوع صاير ( إحنا ماعندنا زيكم ... غريبة وش هالفوضى عندكم ... عجيبة وش هالظلم والقسوة فيكم ... ياإلاهي ماهذا الفقر .. نحن ماعندنا هالشي ... حنا أحسن منكم ... أفضل منكم ... إلخ إلخ ومنكم ... وناس تفضفض والغريب يتعاطف في البداية حتى تكثر من نشر الغسيل .. وبعدها تستخدم ضدك .. حتى في المزاح .. وعلى قولتهم مزحة برزحه .. وإذا صار شي ماشيات .. نفس هالاخبار تستخدم في الرد .. والنقاش ..والهوشه بعد الموضوع إستعراض .. وعلى حساب مشاكلنا ... حتى في البيوت وأسرار البيوت ومشاكله عيب الواحد يطلعها .. وتخلي واحد غريب يناقشك في مشاكل بيتك الخاصة !! لأنه بيجي واحد يستعرض قدامك ويقول .. بيتنا أزين من بيتكم ... امي أزين من امكم .. ابوي اطيب من أبوكم .. العيب وشق الجيب .. إنه يجي واحد من أهل البيت وأحد أبناءه ويسب طريقة العيش في بيته .. ويتمنى أن يسكن في بيت جارة .. ويلحن في الطالعة والنازلة بأنه لم يجد الراحة في بيته وبين أهله وأنه يفضل العيش في منزل الجار !! الجار يبي يتحملة يوم .. قل يومين .. ثلاثه بالكثير .. لكن بالأخير يبي يرمية بالشارع .. لأنه مهما كان مو من اهل الدار حتى وإن كان يجد بعض المغريات من أحد أفراد العائله ... بيتك بيتك ... وحتى دارك وبيتك يشمئز من رجوعك ووجودك رغم انه سيحتويك .. لأنه بالأخير ( بيتك ) لما نتكلم عن دول مجاورة ... يكون الحديث للإستفادة من تجاربهم .. والوصول إلى نجاحاتهم .. ولما نتكلم عن مشاكل الغير في الدول المجاورة ... لنأخذ منها العبرة وان لانرتكب الخطاء اللذي أرتكبوه ووقعوا فيه أما نتكلم عن مشاكل الدول المجاورة علشان نناقشها ونشوف ردود الناس فيها ... !! وبعدين نقول لا حنا ازين منكم .. ووووييييع انتم بيتك بيتك ... الحين الحب وعرفناااه .. الإشراق وشو ؟ حياك رائدة .. وشكرا للحضور

انا طبعا فاهمه الموضوع وقصدك آخر موضوع طرح عن هالقضية من إماراتي وسكرة الكلاسيكي <<حفيدي
بحجة أن القضية مستهلكة بس اللي قهرني أنه تسكر قبل ما أرد

عاد أنا كنت بقول أيه نبي نسوق بس ما أحد عطانا وجة عشان كذا لازم نهاجر لجزر القمر ونعيش هناك
أو نروح نعيش في تايلند بلاد الحرية أو نروح الهند نسوق حمير نكاية فيهم لأنهم ما خلونا نسوق سيارات

بصراحة أنا أتفقت مع أبوي أشتري دباب أو سيكل أقضي عليه مشاويري وما عنده مانع بل تحداني أني أسوق
وقال أن كل التكاليف عليه <<عارف أن ما عندي سالفة
هم قالوا لاتسوقون سيارات وأنا أحترم القانون وبأشتري سيكل أو دباب
بس عندي شوية مشكلة في التوازن وأخاف أطيح أو أحد يصدمني وأموت بسم الله علي

أنا أتفق معك كثير أن أكثر ما يقهرني نشر الغسيل ومش في دولتنا بس
قبل كم يوم أشوف في الأخبار ذيك السودانية اللي مغلفة من رأسها لأخمص قدميها
جالسة مع سيء الذكر اللي الحذاء خاف يتوصخ لو لمس وجهه
المهم أن هالحبيبه دكتورة من دارفور وركز دكتورة تشتكي من حكومة البشير
ووتحش فيه وفي سياسته...الخ من النصب بالرغم أن التعليم ما دخل قطاعهم الا في حكومة البشير
إحقاق للحق أنا ما أحبة بس سوالف نشر الغسيل ومعلوم عند الأبله وحركات البزران تقهرني
صح عندنا أخطاء وهالأخطاء أحنا المتسببين فيها ومشاكلنا بادية من بيوتنا وتربيتنا

أتفق معك في كل كلمة قلتها وما لونته بالأحمر عجبني كثييير وكأنك داخل مخي

ذكرتني بأم جيراننا الكويتيه كل ابو دايم تمدح الكويت وتحش في السعودية<<عاد أنا ما أقصر فيها<<طبعا من باب الميانه يا حبي لها بس
عاد يا أني أحش فيهم مساكين لين المسيكينه تقول فعلا معك حق

خلاص عاد المصاخة

تراي كثرت حتسي في سالفة بالحب والإشراق
بس نعيد الحديث مرة أخرى
هذي يا خيو دعوة أو أمنية أتمنى فيها للجميع أن تكون حياتهم مليئة بالحب والإيجابية والأمل وكل ما هو مشرق
والإشراق مأخوذة من شروق الشمس ودائما الشروق رمز للأمل

بالحب والإشراق