نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

Hictar · #9 13/12/2008, 12:43 AM

بالنسبة لي تجيني رسايل كل عيد ، عدد لا يمكن حصره
وأنا ( سحب ) وما أرد على رسايل المعايده
عيد الأضحى السنة هذي ما جتني إلا ثلاث أو أربع
أحس العالم ( يأست مني )

أنا أحب أقابل الشخص وجهاً لوجه ، وأسلم عليه وأعايده
السنة هذي وصلتني رساله من صديق عزيز يعايدني فيها
أول مره في حياته يرسلي رساله

لكن ذليته ذل فيها بصراحة وراح أقولك ليه

صديقي هذا ما أعرف أسولف معه سواليف عاديه ، كل سواليفي معه ( شرشحة )
نجلس مع بعض ونشرشح بعض ، هو يستحملني وأنا أستحمله

كل ما شفته أستهل عليه وأقوله ( بالله ما حلمت فيني اليوم )

يناظر فيني من فوق لتحت : يقولي إنقلع بس

أشوفه مره ثانيه وأقوله ( بالله ما إشتقت لي من كثر حبك لي )

وكالعاده يكسر بخاطري ، وبمشاعري

المهم الحبيب مسوي على هالعيد ، إنه واصل وبيرسل معايدة ، وسوا تحديد للأسماء وأنا كنت من ضمن الأسماء هذي

الرسالة كلها حب وغرام وعشق وحنان وآخرها كل عام وأنتم بخير

أول ما شفت الرساله إتصلت عليه وأنا ميت من الضحك

ما قدرت أمسك نفسي من الضحك ، أقول كلمتين يفصلها دقيقه من الضحك

أقوله : شفت إنك تحبني وخاق معي

يقولي : يا .......... أنا ما أرسلتها لك لحالك ، مرسلها للكل
قلت له : أنا مالي شغل : الرسالة هذي بمسكها عليك ، دليل حبك لي

هو إرتفع ضغطه وجلس يسب ويلعن الساعة اللي أرسلي فيها الرسالة

وإلى يومك هذا ، كل ما إتصل علي أو أتصلت عليه
ما أناديه إلا بكلمه ( هلا قلبي )