كيف هو التقييم لفترة الانتقالات الأولى للموسم الرياضي الحالي .. وهل عادت بالنفع على الفريق الأول لكرة القدم في مسيرته في دوري المحترفين ؟
فتره الانتقالات الاولى حملت معها فكر جديد للنادي وهو فكره الاعاره وهي فكره موفقه لكن لي تحفظ ع اعاره الكلثم وخصوصا ان المدرب يلعب الكلثم في الوسط الايمن وهو بالاساس راس حربه وكان حاصل ع الهداف في الدوري الشباب قبل تصعيده لكن المدرب كان له فلسفه واتوقع انها خاطئه وبالذات انه يسجل مع الرائد اما بقيت الاعبين انا معهم
النقطه الاخرى ان الاداره بحثت عن المراكز اللي فيها نقص عشان كذا كانت الانتقلات قليله واستفدنا جدا من المتميز اسامه هوساوي
اما بندر العنزي اول ماتعاقدنا معه ع اساس انه صانع لعب لكن في المباريات الوديه نشوفه محور وهذا طبعا ان شفناه يلعب
رالديس اتوقع الجميع متفق ع فشل الصفقه مع ان الاداره معذوره بالذات بعد حالت النياح اللي حفلت انتقال تفاريس كأن الهلال واقف ع لاعب واحد
اما ويلي هو لاعب تكتيكي ويسفيد منه الفريق لكن ليس بهذا المبلغ الضخم نصبر ونناظر يمكن (يحلل الدراهم)


[COLOR="Red"]عبر قناة الزعيم أطلق المدير الفني للفريق الأول لكرة القدم تصريح ناري أعلن فيه أن شهر يناير سيشهد غربلة فنية كبيرة للفريق الأول لكرة القدم .... كيف سينعكس ذلك التصريح على مستوى الفريق الفني ومستوى اللاعبين خلال الشهر القادم ؟[/
COLOR]


تصريح ذكي من المدرب الذي اتوقع انه بدا يفهم الاجواء الموجوده عندنا في الوسط الرياضي السعودي والفكر القائم عليه الاعب السعودي وعليه بدا يحاول ان يصحح هذا الفكر لدى الاعبين واتوقع انه لقى هذا التصريح واحد من الحلول
ويظل تصريحه بخصوص محمد نامي انه يحتاج انه ينادي ويصوت باسمه عشان يظل ع حماسه اكبر دليل ع الموضوع


هل أنت مع أو ضد الاستغناء عن بعض الأسماء الهلالية في موسم الانتقالات الشتوية ، سواءً عن طريق مبالغ مالية تستفيد منها خزينة النادي أو عن طريق مقايضتهم بلاعبين آخرين في مراكز يحتاجها الفريق . ؟


اتنمى الاستغناء نهائيا عن بعض الاعبين اللي ماخذين مراكز واسماء وبالذات انك انت مقيم في 30 لاعب مثل حسن العتيبي اللي الى الان لم اجد عذر واحد لرجوعه وبالذات بعد ان وضع في قائمه الانتقال ولم يقدم ولا نادي عرض لضمه لنتفاجأ بعودته للنادي وايضا فهد المفرج وكلاهم معرفين باخطائهم القاتله من قبل عشر سنوات
وهناك لاعبين اتمنى مقايضتهم مثل سلطان السعود وعوده الكلثم وفهد المبارك اللي من يوم شفته الى الحين ما شفت منه غير (تعفيطه) هالرجول وقدام باب يسطح يعني هولاء الاعبين لا ارى منهم فائده للزعيم حتى لو لعبوا مع الناشئين مو في بطوله فيصل بن فهد


ما هي المراكز التي ترى حاجة الهلال لها بشكل ملح ..؟ سواء اللاعب الآسيوي أو اللاعب الآخر ؟

بشكل مؤكد نحتاج الى لاعب مهاجم بمواصفات عالميه يعرف كيف يتعامل مع الهجمه سواء عن طريق مهارات فرديه واحد امام واحد لازم تكون الغلبه له (يأكل المدافع اللي قدامه) ويكون لاعب هداف يدل طريق المرمى وهو مغمض

اتمنى لاعب وسط ويكون في المحور الهجومي لان المحور الدفاعي ماشاء الله عندنا زحمه اولهم خالد عزيز وعمر والغنام فنلاحظ المدرب يخلي الخثران يقوم بهذا الدور نبي لاعب زي احمد عطيف محور يجيد بدايه الهجمه يعرف يوزع اللعب

واتمنى جلب لاعب محلي في الظهير الايمن ظهير عصري يعرف يهاجم ويدافع هذا الظهير لو جاء راح يتغير شكل الهلال لان الكوره الحين لازم وجود ظهيرين عصرين يكملون الهجمه وبالذات اذا كان المدرب راح يلعب ب4-4-2

ويعطيكم العافيه