ابن الـ 19 يتكلم عن عميد لاعبي العالم

والله هزلت

يابن هزازي ترا موب معناتها وصلت المنتخب خلاص صرت سامي الجابر أو حسين عبدالغني بتاريخك

ترا مالك الا مباراة أو مباراتين دولية

قال ايش قال (الحظ هو اللي انقذ الدعيع)

ياعمي طيـــــــــــــر

نسيت كعبيتك كيف خلصها وحرق كبدك ؟؟

نسيت لما قطع العرضية برجلة وانقض عليها زي الأسد ؟؟

نسيت تسديدة فلاته كيف صدها ؟؟

نسيت الكورة اللي أنقذها من حلق المرمى؟؟ (نسيت من اللي سددها)

يابو هزازاي

اليوم الدعيع (حجركم)
موب الحظ اللي انقذه

وحتى العارضه اللي من تسديدة هشام بوشروان
كان الدعيع مغطي الباب
يعني لو نزلت الكورة شوي ماراح تطلع عن يد الاخطبوط

قال حظ قال ... ياعمي كلام أطفال

ياخي مثل ماقال أحد الأعضاء

يوم كانت ماما تعطيك سيريلاك (قبل 15 سنه يعني عمرك 4 سنين)
كان الاخطبوط يحمي عرين المنتخب مونديال 94

ويوم كانت ماما تحط لك الفسحه بشنطتك وتصلح لك نيدو بالبيت
كان الاخطبوط يحمي العرين مونديال 98

ويوم كان بابا يعطيك ريالين للفسحه
كان الاخطبوط يحمي العرين مونديال 2002

...
يابن هزازي
اذا كنت تعتقد انك وصلت قمة النجومية لما وصلت للمنتخب

لمعلوميتك ان ابراهيم اخوك لاعب الأهلي
مشهور بالوسط الرياضي أكثر منك
حتى وهو ماوصل المنتخب

يعني مهب وصلت المنتخب خلاص صرت الكل بالكل

ياسر وهو ياسر لو تكلم عن الدعيع (وهذي بعيدة عن أخلاق ياسر) راح نوقفه عند حده

موب عاد أنت يا (هزازينهو)

عموما انت ماقلت الكلام هذا الا لأنه حرق دمكم

وكما حرمكم دوري السنه الماضيه
ان شاء الله بيحرمكم الدوري السنه هذي

ويابو عبدالعزيز

والله انت الأسطورة في حراسة المرمى على مستوى آسيا
وانت العميد على مستوى العالم
هذا معنى العالمية لمن يسيئون فهم العالمية

وانت (عمهم وحارق دمهم )

والله يالدعيع لو ماضموك للمنتخب هم الخسرانين
واحنا الكسبانين في الهلال
لذلك لا يهمك لا هزازي ولا ناصر الجوهر
انت كبير والكبير الله

عموما ياهزازي مانشره عليك
توك صغير
بكرا اذا وصلت سن الرشد
وطلع لك ضرس العقل
تعقل وتعرف تقدر اللي أكبر منك


إلى الأمام يالدعيع
ولا تنظر لمن هم في الخلف