بس احب اعقب على شي صغير جداً

الناس بعض الأحيان يقولون ان السعوديه رخيصه وانك لو تطلع برا بتشوف الهوايل وان الدنيا غاليه

فيه شي اسمه فرق سعر العمله هو الي يوزن هالأمور كلها

عندهم بالنسبه لمستواهم المعيشي برا عاديه جداً وماعندهم غلاء اسعار زي ماحنا نتوقع

اعطيكم مثال اسهل :: لو تطلع برا لماليزيا ولا اندونيسيا ولا سيريلانكا بتعيش ملك لو معك 1000 ريال

بينما هم لو يجون بينهبلون يقولون السعوديه غاليه

احس اني شطحت بعيد جدا لكن الي حبيت ابينه انه مافيه مقارنه بيننا وبين برا مجرد المبتعثين الي برا المفروض ياخذون زياده شوي كلن على حسب الديره الي عايش فيها

والي في السعوديه بعد المفروض يزيدونهم

نقطه اخيره بس قبل ما اترك المايك

مصاريف الطالب الي يجي من خارج الرياض بتكون على الشكل التالي(سكن+بنزين سياره او قيمة الأجره + غسيل وكوي ملابس + فطور + غدا + عشاء + كتب وملازم + فاتورة جوال + قل مصاريف ترفيهيه (ولا ماله حق يتونس شوي ) تقريبا هذا كل شي خلونا نكون واقعين 840 ماتسوي شي ابد ابد ابد