بسم الله الرحمن الرحيم


السلام عليكم ورحمة الله وبركاتهـ ............... أما بعد


بدأ اليوم بالأستعداد و التأكيد على بعض الأصدقاء و الأقارب بالجاهزيهـ وأنا وعدت قبل المباراة بالذهاب بصحبة 8 أشخاص ما بين صديق وقريب طبعاً الـ 8 وانا معهم ..


بدأ البعض بمحاولة التملص من الذهاب بحجج واهيهـ وأعذار اكل عليها الزمان وشرب ولله الحمد في تمام الساعة 6 تم شراء 3 تذاكر فقط لتعذ الـ 5 ..


وبحكم سكني قريباً من الملعب رجعت للمنزل وقلت اذا صليت العشاء مشيت للملعب انا و أبناء عمي الـ 2 ويوم وصلنا وجدنا ما شاء الله الحضور الجيد جداً جداً بمعنى اذا تبي توقف السيارة يبيلك أقل شئ 5 دقائق مشي للوصول للملعب ..


اوقفنا الدابة ونزلنا انا وعيال عمي عبدالله و يحيى يوم تعدينا الموتر تذكرنا بعض الممنوعات : (( بطاريتان نوكيا مشحونات ، قلم يزن كجم 99 ، 3 سبحات ثقال )) طبعاً يمكن نمشي لكن دراءً للمفاسد لا غير ..



مشينا 5 دقايق يوم وصلنا البوابة وجدنا المفاجئة أخوينا وعيال عمي الـ 5 حاضرين ويتحرونا عند الباب هذا الخبر المفرح ولكن السيئ ومع غمرة الفرحه والتلعين < === طبعا مع قولة ابليس

تذكرت شئ تذكرتي بالسيارة وآآآآآآآآآآآآآآآآي مشوار الروحة ومع ردهـ هاتهـ الشباب يقولون رح بسرعهـ قبل تبدأ المباراة وأنا مصر إنهم يجون معي يسولفون علي بالطريق وهم يقولون تبطي نشريلك تذكرهـ ثانية ولا نروح
قلت اذا الدعوه هيكـ أجل اصبروا .. ومير ينقز ولد عمي الصغير أبو صلوح ويقول عنكـ ويأخذ مفتاح الموتر (( جمس 97 كحلي خط فضي جديد ماشي ......... )) ويربط الثوب ويطلق سيقانهـ للريح وكلهـ دقايق وهو جاي واحد من عيال عمي وجد لاعب من شباب الهلال بس ما عرف منهو على حد ذكرهـ يقول والأمر منسوب لهـ : (( بينما كنت صاف طابور مع الخلق طبعاً هو آخر واحد جاء شخص من الخلف ونغزني مع الجنب فلما التفت وجدت شاب لابس لبس لاعبين على حد ذكرهـ طبعاً الرجال راعي سيارات الكورة شمال وهو جنوب وقالي لا تشتري معي تذكرتين واحدهـ لى والثانية زايدة سم فقبل الهديهـ بكل بجاحهـ طبعاً هالآدمي موفق ما شاء الله أكثر من مباراة يدخل مجاناً ))


دخلنا وطلعنا فوق مرهـ يوم دخلنا المدرجات ونلف يمين ونجد أماكن زي اللوز فاضيهـ فبينما نحن نهم بالجلوس أتى السيكيورتي مدري الشرطي أهم شئ قالنا أنتم هلالية كلنا بصوت واحد نعم قال بكل برود سوقوها هناك قلنا ليش قال هذا مكان مخصص للجمهور الشبابي قلت نعم قال للجمهور الشبابي ماتسمع قلت وين الجمهور الشبابي قال يمكن يجي الحين قلت يمكن طيب خلنا نجلس اذا على يمكن قال هذا الأمر من الرئاسه قلت طيب كلملي المسؤول عنك مسوي أنا فا تتدخل شخص من الجمهور وقال لا تكبر الموضوع على شأن ما تفوتك المباراة بالغرفهـ مدري وشئ الغرفهـ بس من الأسم شكلهـ تخوف فانتهت بجلوسنا من ورى .....



بدت المباراة وكانت الرؤية من الاعلى ممتازة جداً ..الاعبين حسب رؤيتي المتواضعهـ بالأسماء ..


محمد الدعيع
مميز جداً .. صمام الأمن و وزير الدفاع الأول وعضو مجلس .. كبير بكل ما تحملهـ الكلمة من معنى .. بختصار الله يخليهـ لنا .

محمد نامي
مجتهد .. خدوم .. ولكن محتاج لوقفة الجماهير معهـ .

أسامهـ هوساوي
برج المراقبهـ الهلالي (( ما شاء الله لا قوة الا بالله )) خلكـ على هالوزنهـ .

ماجد المرشدي
مثابر .. صلب .. مغوار .

عبدالله الزوري
القاطع .. لكن محتاج لرفع رأسة عند التمرير .

خالد عزيز
هنا يعجز اللسان عن الوصف أكتفي بقول : (( ما شاء الله لا قوة الا بالله )) .

عبداللطيف الغنام
مقاتل .. قائد .. موجهـ الوسط الهلالي .. أتمنى منهـ التركيز بتمريراتهـ الارضيهـ .

ويلي
سريع .. خفيف .. رشيق .. أشقر سويدي ممتاز جداً .

طارق
وحش .. مرعب .. قاتل مع سبق الأصرار والترصد لطموح الآخرين .. يعرف يمرر ويصنع وهو يأكل علك حتى (( ما شاء الله لا قوة الا بالله عليكـ )) .

الفريدي
موهوب .. مقاتل .. لا يستكين حتى يعدل خطأهـ .. البعض يقول بارد فأقول لهم البرود مزيهـ وميزهـ وتميز .

العنبر
أسد نائم .. أتمنى من الجمهور إفاقتهـ .


موقف خلنا نصيح من الضحكـ

انطلق ويلي وسحب بكم لاعب فسأل ولاد عمي الصغير صديقه بعمرهـ قال منهو الاعب السريع هذا قال أثركـ ما تعرف هذا كوزمن قال امش يكوزمن والله سريع حنا دورنا ما تلقانا من الضحكـ




بالآخير اتمنى أن أكون أو يكون موضوعي خفيف عليكم وللمعلومهـ كل احداث هذهـ القصة من الواقع لا يوجد للتأليف مكان .




دمتمـ في رعاية الله وحفظهـ