وشلون يا اختي تبين محمد نور يجي بخمسه مليون للهلال وادارته جددت له باكثر من خمسه وعشرين مليون ؟؟

بالنسبة لعقود المحترفين وتجديدها السالفة مو بيدك ولا بيد الادارة ولا بيد احد هذا عرض وطلب ويعتمد على قيمة اللاعب السعودي المتداولة في دوري المحترفين يعني لو عرضتي على اللاعب مليون للتجديد بيجيه عقد بعشرة مليون ليه بيقبل المليون ؟ عشان خاطر عيون الادارة ؟ هذا مصدر رزق وهذ دوري محترفين واللاعب يدري انه لو ما استغل فرصة تجديد عقده قد لا يغتمنها مرة ثانية لان عمره في الملاعب قصير ولازم يأمن مستقبلة المعيشي لما بعد الاعتزال وهذا ابسط حقوقة ..


بالنسبة للاعب ويلي نفس الشي اذا تبي لاعب مواصفاته عالية واوربي ويلعب في منتخب بلده اعتقد ان السعر الي دفع له معقول جدا والاختلاف حول امكانياته ان اللاعب قدم او ما قدم انا لي وجهة نظر قد تختلف عن طرحك بشكل كبير ..


اللاعب في جميع الاندية الاوربية يستقدم لتأدية ادوار معينة في خانه معينة بحسب حاجة الفريق واذا ادى هالدور يعتبر ناجح وصعب الاستغناء عنه ..


فيه نوعين من اللاعبين لاعب سوبر ستار وهذا صعب انه يتكرر في اكثر من نادي .. لاعب يجي موهوب بالفطرة وتلقين ناديه يتمسك فيه بكل مايقدر عليه امثال ميسي ورونالدو وغيرهم .. ولاعب يأدي دوره كما يجب في خانته ويزيد عليها بعد مثل ويلي .. وانا ارى انه للحين مقدم مستويات جيدة واثق انه راح يقدم الكثير ان شاء الله مستقبلا