| أخوي الغالي الكنز نواف وأبو بسمه والجميع....
أول شي بقولك اياه جزاك الله خير على غيرتك ونخوتك على امتك وعلى دينك بس تذكر ان الغيره على الدين والخوف على تشتت وضياع الأمه مايجي بالصياح والكلام اللي مايودي ولا يجيب وهذي حقيقه اتوقع الكل يعرفها خصوصا الوضع في العالم العربي اللي صار فيه الكلام هو كل شي بدون ما يتنفذ شي واحد.
ثانيا لازم تعرف يالغالي ان المقاطعه اللي احنا لازم نسويها وتعتبر اهم نوع من المقاطعااات كلها مو المقاطعه الاقتصاديه بل هي مقاطعة الذنووووب, والله والله والله ان سبب كل هذا الذل والضعف والتخلف هو ترك المسلمين لدينهم وبعدهم عن الخالق.
وشلون تبي تقاطع منتجات عدوك وانت نفسك ماقاطعت ذنوبك, تبي الله ينصرك وانت تعصيه!!؟؟؟
وأنا اذكرك , والله لو تصير نسبة المقاطعه ميه بالميه ماراح ننتصر أبدا تعرف ليش, لأن الله سبحانه وتعال ماينصر عباده وهم يعصونه ويخالفون واومره وتذكر قوله تعالي (( إن تنصروا الله ينصركم)), لازم احنا ننصره بالتمسك بدينه وترك نواهيه بعدين ننتظر نصر الله لنا.
مشكلة المسلمين أنهم يعتقدون ان السبب الأساسي في تخلفهم وعجزهم هو لانهم ما يملكون القدره العسكريه او التكنولوجيه, لا , يمكن هذا سبب مهم, بس مو السبب الأساسي في عجزنا,
حتى لو تقدمنا عسكريا وتكنولوجيا فإننا لن ننتصر مادام هذا حال المسلمين في عصيان الله عز وجل لان النصر الالهي يتحقق اذا عاد المسلمين لدينهم اللي هو عصمة امرهم
تعرف ليش احنا متخلفين عسكريا ومو بس عسكريا بكل شي, السبب الاساسي مو لاننا ماقاطعنا بضايع اسرائيل لا, السبب لاننا انحرفنا عن الدين وتركناه بعد ان كان هو اساس القوه في كل شي. ومايحتاج اذكر لك امثله من التاريخ عندما كان المسلمون متمسكين حقا بالدين ونصرهم الله بالقوه العسكريه والاقتصاديه وقتها كانت الأمه الاسلاميه امه تهابها الأمم والغرب كان غارق في الجهل والضعف والهوان.
إذا صدقت الأمه في رجوعها واستقامتها وجاهدت اعدائها في الوقت والظرف المناسب فان الله عز وجل لن يخذلها و راح يحقق النصر الأكيد حتى ولو لم نكن بمستوى القوه والتطور اللي عند الغرب حاليا.
واخيرا لازم تفهمون من كلامي اني ما أؤيد وجود اسرائيل ولا علمها بأي بلد عربي او اسلامي وماني راضي بانه انرفع علمها في دبي بس اللي اقوله في اشياء اكبر واهم واساسيه لازم نفكر فيها
تحياتي للجميع  | 