‘,
,‘


المحور الأول :

إقتباس هل وفق المدرب في اختيار التشكيلة المناسبه ؟ وهل ترى ان عناصر الفريق اصبحت أكثر تجانس من السابق ؟

إقتباس وماهو رأيك في أخر مباراتين للهلال حيث ركز المدرب على تكثيف "خط المنتصف" والاعتماد على "مهاجم واحد" ؟ وهل وفق لاعبين "خط الوسط " في دعمهم لخط الهجوم ومساندتهم مع كل هجمه ؟

تشكيلة كوزمين اليوم ..مع إني ما احب طريقة اللعب بـ 4-5-1 الا إنها بالمباراتين الأخيره هي اللي كانت تنفع بظل غياب ياسر
الحمد لله ياربي الفريق يوم بعد يوم يتحسن مستواه وهذا طبعًا كله بفضل الله وبفضل انسجام اللاعبين مع بعض خاصة الدفاع
خط الدفاع اليوم كان مميز وغيب الهجوم الشبابي تماماً .. وما شفنا هجمات خطيرة للشباب بسبب التغطية السليمة والتفاهم خاصة بين قلبي الدفاع .. والأظهرة كان مستواهم مرتفع على الأطراف وساهموا في صنع أكثر من هجمة خاصة على الطرف الأيمن للهلال الأيسر للشباب ..
الوسط طبعًا من زمان متفاهمين ماشاء الله الفريدي وطارق وعزيز والغنام وويلي .,
كوزمين طبعًا شيء طبيعي إنه يكثف خط الوسط لأن الوسط خلقه عندنا مزحووم واليوم مافيه مهاجم خبره تلعب به مافيه الا العنبر والعنبر ماعنده خبره طبعًا فكثف خط الوسط عشان يكون فيه صناعة هجمات للمهاجم
والوسط اليوم ساعد العنبر بشكل كبير وشفنا الأهداف صناعتها كانت من التائب التائب كان زي اللي يلعب مع العنبر لعبة أنت وضميرك ياتصيب ياتخيب بس الحمد لله ماخيب آملنا العنبر وجابها


المحور الثاني:

إقتباس ماهو تقييمك لأداء لاعبين الهلال ومن هو اللاعب الذي ترى أنه كان من نجوم المباراة ؟

إقتباس ومن اللاعب الذي ترى أنه لم يقدم المستوى المأمول؟

اللاعبين ولو إنهم كلهم اليوم أبدعوا لكن خلوني أبداهم واحد واحد :
الدعيع :ما ادري وش اقول والله ما اقول الا مكانك المنتخب
المرشدي &هوساوي:إنشاء الله من هالمستوى وأفضل يارب
نامي :الحمد لله قدم اليوم مستوى جيد الا إننا لين الحين نعاني من هالخانه ! والحمد لله اليوم مافيه كروت عليه
الزوري :بدا يرجع لمستواه ولمساته الحلوة .
ويلي:تحركاته ممتازه ماشاء الله بس نصبر عليه مع استقرار الوسط وبنشوف الإبداع
التائب :ماشاء الله تبارك الله لين الحين ما اكتملت لياقته ويصنع هدفين ويتفنن الله لايضرك يالبرنس
الغنام &عزيز:كانوا على المستوى الدفاعي جيدين ساعدوا على التغطية الدفاعية خاصة في الهجمات المرتده
الفريدي: انت لعبك حلو ما اختلفنا لكن الله يصلحك فيك الأنانيه شوي ياليت كوزمين ينبهه على اللعب الجماعي,.
العنبر : اليوم كان بطل يعجبني في العنبر انه من اللاعبين اللي يحسم لفريقه حتى ولو كان مستواه صفر يعني ما يمتلك المهارة لكن يمتلك التمركز الجيد والتسديد على المرمى
نجم المباراة :عزيز
اللاعب اللي ماقدم المستوى المأمول منه : الزوري صحيح رجع لبعض لمساته الحلوه بس ماقدم المأمول.

المحور الثالث :

إقتباس ماهو رأيك في التنظيم الدفاعي للفريق,وايضا ماهو رأيك بسرعة بناء الهجمه والارتداد للهجوم

إقتباس بتعاون (خط الدفاع - خط الوسط - خط الهجوم) ؟ وماهو تعليقك على كثرة ضياع الفرص السهله ؟

يكفيني إنه أفضل دفاع مادخل بمرماه الا 5 او 6 اهداف
قلبين الدفاع فيه بينهم انسجام قوي
ضياع الفرص
الفريدي ويلي
الفريدي:ضـروري يتخلـص مـن بـروده ,!!!
مـادري يعنـي هجمـه قـدام البـاب علـى خـط الستـه ,
تتفلـسف فيهـا ليـه ,؟!!!
ويلي:توصل للمرمى و تكون تقدر تشوتها تجي تعكسها أو ترفعها ليه !


المحور الرابع:

إقتباس ما هي رؤيتك الخاصه عن ماحدث بالمباراه (( مساحه حره للعضو ))

الحمد لله على كسب الثلاث نقاط .. نقاط مهمة جداً في مشوار الازرق بصراحة
فريقنا ظهر بمستوى الحمد لله ممتاز وأثبت انه قادر على هزم الفرق الكبيرة في انطلاقته نحو الصدارة .. الهدف المبكر ولله الحمد أعطانا الثقة وبعثر أوراق الفريق الشبابي ولو انه بعد جاي البلنتي اللي عقبه كان زادت الاهداف ويمكن تصير نتيجة تاريخية .. خاصة ان الفريق الشبابي بصراحة ساعد الهلال في الفوز بمستواه الرديء اللي ظهر به في اللقاء خاصة في خط الدفاع اللي كان مشتت بشكل كبير ولو فيه استغلال للفرص كان جاء اكثر من الهدفين !!
الأهم اننا فزنا بمستوى ونتيجه ولله الحمد
من فترة ماشفت الهلال بهالمستوى صراحه
احلى شي عجبني اليوم هو الضغط على حامل الكرهـ
نادراً ماشفت كوره للشباب خلال المباراة ماخذ راحته فيها
بإذن الله الهزيمه الاولى والصدارة ستكون امام الاتحاد ،،
دعواتكم بالتوفيق لنجومنا في قادم المباريات ،،،
المميّـز ان اللعيبـه مـاشفنـا منهـم شـد عصبي ,
ولا شفنـاهـم يـأخـذون كـروت زي مـاصار فـي مبـاراة الإتفـاق ,
الجمهـور مـاقصر علـى غيـر العاده ,
وحضـر بكثـافـه ألـف شكـر لهـم ,
ألـف مبـروووك الفـوز ,


‘,
,‘
‘,
‘,