لاصار عندك ادارة سيئة بكل المقاييس
لاصار عندك مدرب لايهش ولا ينش وتنقصه الخبره بالتعامل مع الظروف الصعبة
لاصار عندك لاعبين يلعبون بالواسطة وكل واحد ادج من الثاني
لاصار عندك فريق غير مكتمل واعمدته الرئيسية متسدحين بغرف العلاج
لاصار عندك صحافة ماتدري هي مع او ضد الفريق وتتصيد كل غلطة عليه
لاصار عندك جمهور مايرضا الا بالفوز ومايرضا الا بالالقاب والبطولات
الفريق وقتها بينهار قدام كل هالضغوط وكثر خيييره لو طلع اخر الموسم بمركز متقدم بالدوري
وشلون نطالب بنتايج وكل الظروف ضد الفريق من اكبر راس بالفريق لين
اصغر راس..!
صراحة من تصريح البابا كالديرون ان الفريق كامل وانا غاسل يدي هالسنة
المشكلة اللي ترفع الضغط ان المتسبب بالمشكلة هو كالديرون اساسا
وبالاخير يصير اللوم على مدرب الفريق ويكون هو كبش الفداء
اساااسا اذا المدرب مب كفو انه يدرب الريال لييييه تجيبه ليييييه..!
المشكلة تجيب مدرب مب كفو ولاتعطيه اللي يبي
طيب ياخي جبت واحد دبشه جب معه شي يساعده جبله صفقات تساعده انه يقدم نتايج
مب تجيب لي واحد دلخ والفريق اصلا داج وتقول ابي نتايج
ياخي على الاقل اعترف بغلطتك وقل اني اخطيت اني مادخلت المريكاتو صح
مب تجلس تكابر وتقولي الفريق كامل وانه مايحتاج شي وتكتفي بس بفارت
شوف الحين حسبي الله عليك نص اللاعبين متسدحين كل واحد فيه بلا
اللي ركبته جايبه العيد واللي فيه ثقب واللي مدري وش علته الله يقلع اللي اعدهم
يالله هالحين احصد اللي زرعته يالارفل وشوف كيف فريقك ناقص واعرف ثاني مرة
تدير فريق واذا صار الفريق ناقص يادرج ضبط امورك ترا مايبي لها شي
واللي قاهرك يجيك الدبشه الثاني بيريز يبي يصير رئيس
ياناس ابي افهم هالحين هالدبش ذولا مافيه غيرهم؟
مافيه احد يقولهم تراكم دبش ماتعرفون تمسكون النادي
هم هم اصلا مايحسون انهم دبش وان اللي يسوونه غلط!!
والله شي يقهر وغريييب وابي القا له جواب يعني هم مايحسون انهم دبش؟
ولا اهم شي بس الشهرة وانهم يطيحون اللي بروسهم ولا الفريق بالطقاق
المشكلة كلهم معهم فلوس لاكالديرون ولا بيريز
لكن اللي يقهرك ويرفع ضغطك الاول بخيييل ودبشه بالمفاوضات
والثاني يجيب لاعبين ويفاوض صح بس انه يجيب لاعبين
على غير سنع يعني يخمبق بالعربي
حسبي الله عليكم والله يلعن من عطاكم هالدراهم
جيبوهن والله لاا اضبط لكم اطلق فريق ياعيال الكلب
ولا عطوا الرئاسة واحدن يبخص بالامور مب مثلكم داجين
لاتطلبون شي من الفريق هالسنة ذي لان الفريق مايواجه
انا عن نفسي بقول كثر خيركم لو جبتوا مركز متقدم اخر الدوري
وبالابطال برضو كثر خيركم لو تعديتوا دور الـ16
الفريق هذي امكانياته بصراحه وصعب انه ينافس
جيبولي فريق كامل واحتياط زي الناس وبعدها بطالب بالنتايج
لو ماتم التصحيح من الانتقالات الجاية اجل متى بيتم
لازم يتم تجهيز الفريق من الحين للسنة الجاية اذا كانوا من جد
يبون ينافسون على دوري الابطال
لان دوري الابطال هالسنة بهالظروف اللي حنا فيها
يبطيييييي على الريال
اااسف على النضرة التشائمية للوضع
لكن للاسف هذا اللي اشوفه بعيني
واذا تشوفون شي ثاني يدعو للتفائل نوروني الله ينور عليكم
