انا ما عندي مشكله ان لاعب يروح لفريق منافس. هذا هو الأحتراف والرجال يدور رزقه..

لكن إرجع لتاريخه مع الهلال وحاول تلقا له مساهمات فعاله مع الهلال..أو فايده تذكر!

نادر جداً انه يجيب هدف، وإذا جاب هدف يكون هدف ما يتضيع (ما عدا هدفه ضد منتخب السويد)

إذا ما تبي نقيس بلأهداف، خلينا نرجع لصنع الأهداف..

نادراً جداً يصنع أهداف..وإذا برز في مباراة معينه يكون الفريق هو اللي شايله..يعني ما فيه مباراة وحده هو شال الفريق..زي ما كان يسوي الثنيان..أو سامي...أو نواف.

تسحيباته كثيره..وكانت تقتل الكثير من الهجمات..

أتذكر كان أكثر شي يفيد الفريق لما نكون فايزين وينزله المدرب عشان يسحب على الخط
عشان يضيع وقت ويسحب معه كم مدافع...غير كذا ما فيه شي يستاهل!

لا تخلي العاطفه تعميك، الغشيان كان مهارات فرديه خياليه ولكن تفكير فردي وموهبه غير مستغله، ومزاجيه قاتله..لدرجة اني كنت ارتاح اشوفه يلعب ضد الهلال لأني كنت أعرف انه بيضيع مجهود النصراويين بتسحيباته الغير مفيده.

يمكن تقول هذي مبالغه..لكن إذا منتب مصدق إرجع لمبارياته مع الهلال.

وتحياتي لك