ماجد مقبل


هلا وسهلا بأخو قلبي


أبو طلال هاليومين لاهي بسيارته (الله يعينه) لو تثبت مواضيعه ثم تحذفهن وتوقفه أسبوع ما درى عن شي، لأجل هذا انتهزت هالفرصة وقلت أطرح الموضوع ما دامه لاهي وبعدين ما فيه داعي تحرجنا بالرقم 11 كل شوي

إقتباس وما نيل المطالب بالتمنى ** ولكن تؤخذ الدنيا غلابا

يكفي هذا البيت عن كل ما سبق..



العفو يا بعدي والشكر لك


__________________________________


dal3_uae



يا هلا وسهلا فيك، الله يسلمك ويحفظك.


من ناحية أبو مقبل، فعلاً ماله حق يسقط عليك وحركاته هذي معروفه، يستخدم سلطته ويطغى علينا فيها وأنا شايفك جيتي قبله لكن الشكوى الله حكم القوي على الضعيف، ما لنا إلا ندعي عليه

إقتباس يدتيه الله يحفظها ... كانت اتقول بي الزمن اللي البنت اتقوم ادور ع الريل وتختار ريلها بنفسهااا ... وهذا فعلا حاصل في بعض المجتمعات وبالذات الخليجية ...

قولي لجدتك الله يطول عمرها على عمل صالح، الحين ما يحتاج البنت تروح تدور لها رجل يتزوجها لأنه طلع زيت جديد تستخدمه ويجيب لها الرجال إلى عتبة الباب..

إقتباس اللي يبى المليون لازم يتعب ... واللي يبى البيت ... يترياه من الحكومة ...

عندنا نعم، اللي يبي المليون لازم يتعب واللي يبي البيت لازم يتدهن بفازلين قبل الزيت إن كان يبي يعتمد على الحكومة على قولتك..


العفو وشكراً على مشاركتك وتواصلك، وعسى الله يوفقك بدراستك وتصيرين معلمة مميزة.



__________________________________



صدى الأمس


هلا والله وغلا بالعمده

إقتباس على سبيل المثال بخصوص العمل .. ظروف العمل اللي ما تتوفر الا في مجالات معينة .. يعني مثلاً مستحيل تلقى واحد يدور التخصص او الطموح اللي كان يهدف له ويتمنى انه يحقق وهو عارف انه لو درس وكرف واجتهد وكل شي .. لانه بعد كذا يبي يبروز الشهادة بالبيت ويتمرغ بهالزيت طول العمر !!

أختلف معك يا بعدي، وأتصور إن جميع التخصصات بلا استثناء سيجد أصحابها فرص عمل متى ما كانوا متميزين، ومقياس التميز هو الإلمام بالتخصص نظرياً والحصول على معدل مرتفع فيه، وأن تكون متميزاً فهذا ليس بالأمر الصعب..

وش رايك بكلية الزراعة مثلاً؟، كلنا شفنا قبل أيام في جريدة الرياض الشكوى التي تقدم بها بعض الطلبة من خريجي التخصصات الزراعية وقالوا بأنهم لم يحصلوا على وظائف تلاءم تخصصهم، أكاد أجزم بأن كل من خرج في تلك الصفحة هم من أصحاب المعدلات المتدنية أو على الأكثر المتوسطة، وشخصياً أعرف زميل دراسة تخرجنا من الثانوية سوياً وانتسب إلى كلية الزراعة بجامعة الملك سعود وشد حيله فيها فتخرج مع مرتبة الشرف وتوظف في أحد شركات الألبان واستلم راتباً مجزياً ثم ابتعث وحصل على الماجستير وعاد بوضع أفضل وأتذكر أنه وصل إلى مدير قسم، ويخبرني أحد الأصدقاء قبل فترة بأن صاحبنا هذا متواجد في السويد للحصول على شهادة الدكتوراه ( ما شاء الله تبارك الله عليه) ، هذا الرجل لا يختلف عن هؤلاء في التخصص ولكنه بالتأكيد يختلف عنهم في اجتهاده وطموحه..

إقتباس يعني مثلاً عندك طموحي وامنية حياتي رصيدي بالبنك 87416871687647689787167687174145414564 يورو حتى مهوب دولار خبرك انه طايح هاليومين .. تهقى اني استمر بهالحلم والا ادهن من هالزيوت ابرك لي ؟؟!!

والله يا بعدي ما أدري وش أقول لك لكن أتوقع لو تتدهن أنت وأبوك وإخوانك وحمولتكم كله وأنا معكم وأجيب حمولتنا ونتدهن عشان نفزع لك مهوب طالع لك ولا 120 ألف يورو..



الله يقطع شيطانك يا أبو أمس بتلت أضحك على الضعيفه رفيقة أبوسكتون والله ما ألومه لو تستأجر وايت زيت..



شكراً بالحيل


__________________________________



راااجع بإذن الله،،