×× حــوار الأسـتـديـو ××






هذا الواقع الا صاير حاليا .. الجهه اليسرى ضربت دفعة واحده ..

ابيدال الا بدأ يعطي الأمان الدفاعي .. تعرض لاصابه نوعا ما غامضه حاليا .. لأنه الفريق مايبغا يتخطى فرصة العلاج الطبيعي ويحاول قدر الامكان الابتعاد عن العمليه .. وهذا الشئ يخلي وضع الخال غير معروف ..

بديله .. سيلفينيو .. اللي مااعتقد يقدر يعطي اكثر من مباراه في اسبوع واحد .. وكاسيريس اللي الى الآن بيب مااعطاه الثقه والضمانه في مركز الظهير سواء الأيمن او الايسر ..

لازم بيب يلقى حل لمركز الظهير .. لأن بويول ماراح يقدر كل جوله يغطي مركز ظهير مع ضغط المباريات .. بويول الحالي ليس بويول ماقبل موسمين .. واذا طول ابيدال في غيابه باعتقادي راح نفقد ضمانة بويول في عمق الدفاع ..

المشكله .. ولو انها مومشكله المفروض انه بيب ملاحظ عليه مايجازف بشكل كبير في الدفاع .. يعني مايدخل الا اللي ممكن يقدم الضمانه .. ولهذا السبب بويول يروح في مراكز الظهير بدل كاسيريس او سيلفينيو ..

بس برأي لازم يجازف بيب ويدخل كاسيريس ويخليه يتعود اكثر .. لأننا راح نحتاج الولد هذا ..

الشئ الثاني .. انييستا .. الولد هذا كان افضل خيار لمركز الجناح والحين راح ومين البديل المثالي .. مانعرفش الصراحه ..

اتوقع المباراه القادمه بما انها على الكامب نو .. ممكن يلعب هنري .. لكن مستقبلا اتمنى اشوف هليب متأقلم اكثر مع طريقة لعب الفريق وترجع له سرعة تفكيره .. لأنه يعطي مدى اكبر في صناعة اللعب ولو انه عنده ضعف كبير من الناحيه التهديفيه ..

من الناحيه اللياقيه والانضباط التكتيكي هليب ضمانه قصوى بالنسبه للفريق .. لكن اتكلم عن قصوره من الناحيه الهجوميه وطريقة التحرك .. اللي الى الان مااقنع المتابعين بها .. واللي ممكن يكون تناسبه طريقة لعب برشلونه اذا لعب ضمن ثلاثي الوسط .. لانه الجناح في برشلونه يحتاج اكثر من التوغل والمراوغه ولهذا السبب هنري سئ في احيان كثيره ..

الشئ الجيد انه [ كيتا - قوديونسين - بيدرو ] رجعو من الاصابه ..

قوديونسين راح يعطي قوه وسرعة لعب في الوسط عن طريق اللمسات السريعه في التمريرات .. كيتا راح يعطي حلول لتقوية الجهه اليسرى فيما لو لعب هنري وبالتالي يحرره قليلا من الادوار الدفاعيه .. بيدرو ممكن يثبت نفسه اذا مارأى بيب انه افضل ..

انا الممكن الا يريحني شوي من هالمسأله انه بيب شوي متفاعل من هالناحيه .. ولنا في مباراة ملقا دليل لأنه تخلى عن الـ 4 3 3 التقليديه في الشوط الثاني ولعب بـ 4 4 2 اللي بشكل الماسه .. لما دخل هنري .. وابعد ميسي عن شغل الاطراف المتعب وامن دفاعه عن المرتدات بتثبيته ثلاث محاور .. وصار هو بدوره يعتمد على الثغرات واللعب المباشر ..

الولد يشتغل ويغير في طريقة اللعب .. واحيانا يضطر المدرب انه يغير كل تحضيراته قبل المباراه ويسوي شئ مغاير تماما لقلب نتيجه او لتأمين طريقة لعب .. وبالتالي اتمنى يوجد لحل لمشكلة الجهه اليسرى الدفاعيه والهجوميه بسرعه ..

ومن يدري يمكن في حلول مختلفه عن الا نشوفها في مخيلتنا حاليا ..

عموما .. باي طريقه .. لازم نفوز في هالجوله ونواصل في الصداره ..

رجوع الفيس هالمباراه شئ ممتاز ومفتاح للانتصار في المباراه .. اولا بسبب حماسته الا تخلي الفريق يرغب اكثر في العمل .. وايضا راح يعطي حلول اكبر للجهه اليمنى وبالتالي ممكن نشوف ميسي يروح يساعد في الجهه اليسرى ..

الشهر هذا صعب وفيه ضغط كبير من ناحية عدد المباريات .. واتمنى نتعامل معاه بحذر وباقل الخسائر البشريه ..

===

1/ بعد خسارة ريال مدريد في دوري الأبطال على أرضه من يوفنتوس ، وتذبذب المستوى هل تتوقع عودة للريال تكون قوية ومرضية للجماهير الساخطة على الأداء والنتائج الباهته في اخر اسبوعين ؟؟

الوضع صعب حاليا في الريال .. مابين اصابة روبين .. وارهاق البعض .. شوستر في وضع حرج .. لانعرف مايجول في راس بيرند حاليا .. لكن مااعتقد بيكون مالاقا فريق سهل ..

الدقائق الاولي هي الفيصل .. اذا ماسجل الريال ممكن يدخل بمرحلة شك .. عليه الانتباه ايضا من المرتدات بسبب سرعة لاعبي هجوم مالاقا ..

3/ فياريال الذي يواصل نتائجة الرائعة في الليغا من الموسم الماضي واحتلاله المركز الثاني ، هل تتوقع ان تواصل الغواصة الصفراء زحفها نحو الصدارة او انه سيكتفي بمركزه الحالي ؟


مشكلة فياريال الا لاحظناها في الاسابيع الاخيره هي تراجع مستواه الدفاعي بشكل مخيف .. وممكن تزامنت مع غياب قودين الاروقوياني الا كان يعطي الفريق امان كبير في خط الدفاع .. اذا ماتدارك الوضع بيليقريني ممكن يتعثر هالجوله ايضا ..

4/ فالنسيا الذي ظهر حمل وديعاً امام راسينح وخسر بالأربعة على ملعبه . هل تتوقع عودة فالنسيا الى سلسة الأنتصارات مرة أخرى او انها الشعرة التي قصمت ظهر البعير ؟

فالنسيا الان يشارك في كاس الاتحاد .. شئ طبيعي يدخل مباريات بمجهود اقل وبتركيز اقل من اجل التوفيق بين البطولتين .. لكن الكلام هنا عن خبرة اوناي ايمري في التعامل مع وضع البطولات العديده الا راح يدخلها الفريق ..

لكن اتوقع انه فالنسيا قادر على تخطي هالجوله ..

5 / نجوم الجولة ؟

معرفش

===

بالتوفيق جميعا ورده