وعليكم السلام ورحمة الله وبركاته ،،
يامرحبا ابوريمان ،،
بالمناسبه امس العصر طالع لاستراحتنا ( استراحه شباب ) المهم كل عصر ياتي عامل ( بنقالي ) ينظف ونعطيه مبلغ بنهاية كل شهر
المهم كنت طالع اتمشى بالاستراحه قلت خل اخذ علومه ونسولف معه 
بدات بالكلام معه .. من عام 2003 وهو هنا ولم يذهب لاهله ،،
راتبه لايتجاوز الـ 600 ريال .. وعلى حسب كلامه يقول انه من فتره طويله والكفيل لم يسلمهم الرواتب ( ساحب عليهم ) ويبي يروح بعد شهرين للبنقلى ولم يستلم رواتبه المتاخره !! 
ومقدم شكوى للاماره ضد الكفيل .. ولم يحرك ساكن لحد الآن .
الكفيل عنده مئات من العمال ويدر من وراهم الملايين شهرياً ،، بحكم تعاقده مع الحكومه لان شغلهم على حسب كلامه موزعين على امارات المنطقه ! 
ومع هذا لم يسلم العمال رواتبهم !!
ولا صار شئ قالوا البنقلاديشين مجرمين بعذرهم والله من اللي يشوفونهم من تعامل سخيف وناس متخلفه .. يفتحلك مؤسسه وعنده فوق 300 عامل واكبر همه بنهاية كل شهر يجنه الملااايين
لايهم الوطن الاهم الملاااايين وهذا معنى فعلهم ،،
وين الراقبه على الاشكال هذي اللي اكبر همه المال سواء حلال ولا حرام .
لو اصبح هؤلاء مراقبين .. لما سمعنا ولم نشاهد من ما يقوم به العماله الوافده من فسااااااد بالبلد !
ما اقول الا الله يرزقني ويغنيني بحلاله عن حرامه .. وعيشتي فقران والله افضل وارحم من عيشة بزنس حررام .
الله يحسن الحال وبس .
والتحيه ،،
