السلام عليكم أخوي داحمتوتا
هاذي أول مشاركة لي وعندي سؤال بخصوص عمل الباتش وإن شاءالله يكون عندك الرد وما تردني.
أنا عملت باتش للوحات الإعلانية كتجربة (لوحات إعلانية حاط فيها اسمي واسامي اصحابي اللي العب ضدهم دايماُ مع شوية تعليقات عشان نتسلى أكثر في اللعب ... خخخخخخ)، ودمجت الباتش مع الايميج فايل للعبة من الشريط الياباني ونجحت العملية والحمدلله لكن المشكلة ان اللعبة بالياباني.
المهم عندي باتش ثاني انجليزي فيه كل شي بالانجليزي تقريباً لكنهم حاطين لوحات إعلانية هم بعد (بيسي وفوجي فيلم ومكدونالدز ... الخ).
المهم أنا أول شي دمجت الباتش الانجليزي مع الايميج فايل (سويته من جديد) وبعدين دمجت الباتش اللي أنا مسويه وحطيته على سي دي.
اللعبة اشتغلت والقوائم كلها بالانجليزي تقريباً لكن اللوحات الاعلانية مهي لوحاتي اللي أنا مسويها ولا هي لوحاتهم اللي هم مسوينها. اللوحات الاعلانية اللي على جنب الملعب جاية لونها فضي ويلمع مثل المرايا، واللوحات اللي خلف المرمى جاية على شكل شخابيط سوداء على خلفية صفراء.
كيف أقدر أحط اللوحات الاعلانية اللي أنا سويتها مع هذا الباتش الانجليزي بدون ماتظهر المشكلة المذكورة؟ هل فيه باتش أو هل أقدر أسوي باتش يمسح اللوحات الإعلانية اللي هم مسوينها بعدين أدمج الباتش اللي سويته أنا؟

منتظر ردك ومشكور