السلام عليكم ورحمة الله وبركاته :






صباح الخير لمن يقرا موضوعي صباحا ,,,
مساء الخير لمن يقراه مساء ,,,




بدخل الموضوع دغري يوم 4 رمضان كنت انا وصاحبي بالرياض وذهبنا لاستاد الملك فهد الدولي لحضور تمرين منتخبنا ومؤازرته ( مع ان وطنيتي بدات تتقلص بعد اعتزال الاسطورة سامي)

المهم لم نستطع الدخول بسبب اغلاق التمرين بامر من ادارة المنتخب


ويوم جينا نرجع قابلنا صحفي اعتقد اسمه فارس السبيعي من جريدة الجزيرة وقال لنا اذا تبون تقابلون اللاعبين وتتصورون معهم روحو للفندق ,,, وفعلا بعد عصر يوم الجمعه اتصلنا على الفندق وحجزنا طاولة ورحنا وافطرنا وكان عدد السعوديين لايتجاوز ال15 شخص مابين رجال ونساء .

وعلى اذان المغرب بدا اللاعبون بالنزول لتناول وجبة الافطار وكانو في صالة مكشوفه ونحن في ساحه مفتوحه وفيها بوفيه مفتوح وكان الدخول الى اللاعبين مسموح .


وبعد ما افطرنا كنا رايحيين نبي نتصور مع لاعبين الهلال فقط واولهم ياسر
ولكن للاسف ياسر ذاك اليوم مانزل مدري ليه ,,, وقابلت الشلهوب يسولف مع سوريين معجبين ,,, وقابلت عمر الغامدي ومعه ولده فهد الله يخليه له ,, وقابلت ابو عزيز وسالته بتلعب بكره قال مدري قلت له افلقني اذا مالعبت انت لانه مستحيل افضل محور باسيا مايلعب وجلس يضحك

وبعده قابلت الفريدي لبى قلبه ياناس
وجلست اسولف معه ولما درى اني من المدينة انبسط وجلسنا نتكلم عن المدينة والحارات وملعب الشرقية اللي كان يلعب فيه الفريدي ايام زمان ,,, وقلت له ان شاء الله انك نجم الهلال الاول القادم اذا استمريت على ابداعاتك وطورت نفسك واللي يعجبني فيك انك قتاااالي ع الكورة وتحارب ع الكورة اذا انقطع منك بالذات ويعجبني بعد انبراشاتك دائما تكون بمحلها وجلس يضحك وقلت له الله الله بايران يابوحميد قال ان شاء الله وبعدها استاذنته واخذت منه هالصورة اللي بتشوفونها تحت



ملاحظة : التحول اللي بالموضوع مابين اللهجه العامية واللغه العربيه الفصحى جاء غصبن عني وماكتشفته الا متاخر وتعيجزت اوحد الموضوع من الكسل