هلا اخت نوف وشكرا على الرد

بصراحه معاناة المتقاعدين صعبه, يعني المتقاعد في بداية التقاعد يمر بفترات صعبه في البيت علشان يتأقلم مع الوضع الجديد بالبيت لأنه راح يضطر يغير برنامج العمل والبرنامج اليومي اللي تعود عليه قبل التقاعد.

بالنسبه للطقاق وال "مهاوش" اللي يسببه المتقاعد في البيت سببه ان المتقاعد فاضي 24 ساعه يوميا بالبيت وما وراه شي وهذا السبب الل يخليه يدقق في كل كبيره وصغيره بالبيت وما يفوت شي, بالعكس احيانا يتصيد الأخطاء ... مثال " ليش المكيف مشغل وماعنده احد , من كاسر الصحن, ليش ماتطفون اللمبات اذا طلعتوا من الغرف, ... إلخ" والسبب لان مافيه شي يشغله في البيت.

مشاكل كثيره يمر بها المتقاعد مو بس داخل البيت زي التأقلم مع الوضع خارج البيت مع الناس, وكذلك وقت الفراغ الكبير جدا اللي يصير في حياة المتقاعد اللي يخليه يمل من كل شي وينعكس سلبا على حالته النفسيه والصحيه.

بس بعض المتقاعدين يكون ذكي و فكر انه بتجيه هالمرحله قبل ما يتقاعد, ويكون محضر لها كمثلا مسوي مشروع يشغل نفسه فيه او يشتغل بالتجاره بشكل عام ويصير رجل اعمال, بس مو كل المتقاعدين له ميل للتجاره او يكون له ميل بس ماعنده رأس المال الكافي حيث انه كان يعتمد على الراتب والحين معد صار ياخذ الا "طفسه" اما ربع الراتب ولا نصه وغالبا ماتكفي شي يحول

وفي الدول الغربيه يكون للمتقاعدين معامله خاصه ومميزات مو موجوده عندنا.

التقاعد في بلدنا جيد بس للي يستطيع انه يشغله بالمفيد وجيد للي عندهم فلوس بس صعب ومعاناة للي عندهم ازمات ماليه وصحيه.

تحياتي