|
يا شباب السلام عليكم بالنسبة لمواقع ترشيح الاندية والاعبين انا اعطيكم عنها الخبر الاكيد هذي ناس من جنسيات عربية(تعرفون من اقصد) مالقوا زوار لمواقعهم قالوا يا ولد العب على هالشباب بالترشيحات وكل شوي وهم مطلعين ترشيح مره افضل نادي ومره افضل لاعب واذا شافوا قبول من الشباب بيطلعون افضل حارس وبعدين افضل سنتر وعلى هالحال كل هذا علشان تزورون مواقعهم التعبانه وياليت هالترشيحات مفيدة للاعب او النادي والله ياشباب محد يدري عنها بس المسؤلين عن المواقع اللي زي ما قلت من(- ص -)ومن غيرها قالوا يالله العب على هالسعوديين وحنا مصدقين ومتعبين انفسنا واخرتها محد يدري عنا حنا وترشيحنا وتعب وضيقة صدر مره الهلال الاول ومره الهلال الثاني وحنا على اعصابنا ومره سامي الاول ومره سامي الثاني وبرضه حنا على اعصابنا والكل يعرف حتى وان لم يعترف. ان الهلال لا يرضى الا بالاول وسامي الافضل اسيوياً وعربياً ولكنهم يكابرون نصيحة خلوهم عنكم والله ماوراهم الا الدّ جة وانا اقول اذا ماكان الاستفتاء رسمي وسوف ينشر على التلفزيون والجرائد ولا خلوهم عنكم زي ما قلت هذي ناس تبي زوار لمواقعهم وبس ولا يدرون عنكم والدليل على ان هذي الترشيحات كلها خرابيط فاضيه واضح اولاً بالنسبه للاندية كيف تضع نادي النصر كنادي مرشح وهذا النادي (الله لا يبلانا) من 1415 الي يومنا هذا لم يحصل الا على بطوله واحدة من البطولات المحلية وهي كاس الاتحاد(هدف حسين هادي باليد) امام الاتحاد ثانياً بالنسبه للاعبين كيف تضع ماجد عبدالله كلاعب مرشح كأفضل لاعب عربي الان وهذا الاعب معتزل من3 سنوات الان الا تدركون معي ان هذه الاستفتاءات كلام فاضي والسلام ختام ونحن بنتظار طرحكم في هذا الموضوع |
والله ما وراهم الا الدجه معاك حق اخوي خلودي .. طريقه عقيمه لجلب الزوار لمواقعهم .. الاستفتاء الوحيد الذي تحمست معاه كان لقناة الجزيره ولقد تم ذكره في نشرة الاخبار الرياضيه .. اما غيره فما عندك أحد :)<br><font size=1 color="#000080" face="tahoma">[عدلت بواسطة هلالي من يومي التاريخ:21-02-2001 الساعة: 01:37 AM]</font> |
صدقت والله خلودي والضحيه جمهور الهلال |
والله ما وراهم الا الدجه اخواني هلالي من يومي والشاطر شكرا على تفاعلكم وجمهور الهلال يحبون المركز الاول في اي شي وعلشان كذا هم يتعبون (الله لا يخلينا منهم) |
والله أنك صادق بس يبون يشهرون نفسهم على حساب جماهير الزعيم الغفيرة :) ويحطون ترشيحات مالها أي أساس لأنهم لاهم صحيفة ولا قناة أخبارية ولا موقع رياضي مشهور يسعون لشهره على حساب جماهير الأندية :) |
اللي قاهرني يا اخوي mksa ان بعض الشباب مصدقين ومتعبين انفسهم وانا بصراحة ما ابغى لهم التعب |
هذا اللي يقهر عاد تصدق المفروض ماينشر الا المواقع المعروفه في المنتدى أما موقع أي كلام يلغى الموضوع :) |
كفوو والله خلوووودي ايه والله خلودي نبهنا عن هالاشكال . انا شاكر لك على هالتنبيه رغم اني ماحب هالخزعبلات من هالمواقع اللي ماتعرف واجهته وتوجههم . |
شباب الهلال الله يخليكم ممنوع الترشيح في المواقع اللي مثل موقع عروب وطقته |
بسم الله الرحمن الرحيم كنت ولازلت اشعر بالفخر للشاب المسلم المتمسك بدينه وخلقه وقيمه ومبادئه . المتحمس لوطنه وامته الشاعر دوماً بأننا الافضل ولله الحمد والمنة في كل شيي من دين قويم وسلوك حميد وقيم ومبادي ومثل وتعاون وتآخي في هذا المجتمع كل تلك جعلت الاعداء لاينامون الليل إلا وهم يتمنون ان ننجرف في متاهاتهم وقاذوراتهم من تصدير العف على انه فن والغم والهم على انه علم فوالله ان جلسه اخوية في مجتمعنا تغنينا عن برامجهم وافكارهم وان زيارة اخوية اخرى تمثل الانس والسعادة . فلله الحمد تسمع من هنا نصيحة ومن هنا دعوة ومن هنا تهنئة ومن هنا امنية فتعيش الروحانية اينما ذهبت وحيث غديت . آمن ظامن. آسف ان اكون استطردت ولكنكم اجمعتم على خدعة واحدة لاكني اقول خدهم كثيرة وكثير وكثيرة فأصبح بعضهم اشد خطراً من العدو اللدود. |
الاخ حمد الجنوبي كلام كبير من هلالي كبير نرجوا منك الاستمرار في اطروحاتك ومنكم نستفيد وسلام |
| الوقت المعتمد في المنتدى بتوقيت جرينتش +3.
الوقت الان » 11:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd