|
بعد التحليل والبحث وقريبآ سأدخل مجال الاحتراف ||تواقيع|| بالمناسبه |
بعد الخراط والمعاط قررة بعون الله أشتري كاميرة نيكون 3100دي مع شهر الرواتب \ بعد ماسمعنا الخبر الاكراميه من الملك الله يحفظه شف عاد كم ريال راح يجينا من الاسره الطيبه .. جلست احسب كم قرش راح يجي لي في أخر الشهر .. والحمدالله صار المبلغ موجود .. اليوم رحت انا وأخوي البطحاء عشان أتفرج على الكاميرات رحنا وياليتنا مارحنا .. تعال عاد شف الزحمه وانواع البلاغم وانواع النغف :s3s:... مع أني أكره هذا المكان بس كل شي تحصله هناك .. المهم شفت هذي الكاميره وراعي المحل يمدحها وصورني فيها والله طلع شكلي رهيب .. هههه وقلت خلاص شاريها شاريها .. انا كنت ناوي على شبه احترافيه بس انا ابي كاميره لي وللزمن .. وقررة على هذي الكاميره لانها أخر اصدار .. وحبيت اصمم لكم فرحتي بهذي الكاميره .. ودعولي ان شاءالله تكون الكاميره هذي من نصيبي .. وأول مشتريها على طول بتجه على تدريبات نادي الهلال وصور لكم كم صوره للنجوم االزعيم .. وسامحوني على الهرج الكثير لاني والله تعبت وانا ادور الكاميرات وفي الاخر الختام مسك .. ربي يحفظ لنا ملكنا الغالي ملك الانسانيه |
سعر الكاميرا على جميع المحلات المحل الاول قال 2800 ريال المحل الثاني قال 2650 ريال المحل الثالث قال 300 ريال المحل الاخير قال 2600 ريال يعني الاسعار مختلفه .. |
الله يعطيك الف عافيه بـ انتظارر ابداعاتك يالغلا تحياتي لك |
مشكور يالغالي ماتقصر............ |
يسلمو خيووو لآ تحرمنـآ من آبدآعآتك .. وان شااء تتصور مع نجوم الزعيم .. والله الله بآلصصور لآ تحرمنآآآ .. ودي .. :smilie47: |
هلا بك اخوي .. موفق ان شالله في خطوتك القادمة بس بقدم لك اقتراح خارج نيكون .. وداخل كانون .. طال عمرك هاذي كاميرتي اللي معي حاليًا .. Canon 550D http://cam4sell.com/files/EOS-550D-F...-S-18-55mm.jpg Canon EOS 550D Kit 18-55 IS - كاميرا للبيع - Cam4sell وتعتبر من إنتاجات كانون الحديثة انتاج سنة 2010 .. وسعرها يفرق عن الكاميرا اللي تبيها.. ( 650 ريال ) .. وانا هنا اكلمك بصفتي مستخدم لها من شهر 7 عام 2010 وإلى هاللحظة. مواصفات الكاميرا: كانون 550D | الكاميرا الكبيرة بالصفقة الصغيرة- المصور حسين الدغريري | الهوس الضوئي | hosain photo أمثلة على شغلها من تصويري الخاص: i[ It's Coffee Mode ]i - a set on Flickr أدري فتحت لك باب ثاني, انا ابي لك الخير, وطبعًا كدعم فني وأكثر شهرة كانون تتفوق على نيكون بمراحل, لكن بشكل عام هالشركتين هم أشهر أنواع الكاميرات على وجه المعمورة. وتحياتي .. ^_^ فهد/FaHaD |
إقتباس:
لن من أهل محد شجعني على الكميره اللي يقول وش تبيه فيها ولي يقول زي كيذا بس انا عندي رغبه .. واحب التصوير .. واانا يمكن حدي 3000 ريال .. هل يمكن القاء مثل كاميرتك او 500 دي انا حاط براسي كانون طيب هل تنصحني 500 دي لا وش دعوى يالغالي انا أبي اخذ رايك بما عندك خبره مشاءالله تصويرك جدآ متميز .. سسوف نتعلم منك مستقبلا |
إقتباس:
تقدر تقول اخت 550D مع فروقات تقدر تسميها ثانوية وما تهم الأغلبية. وهاذي مقارنة دقيقة بين الكاميرتين: كانون 550D و 500D مقارنة وما هي الفروق - مشتري.كوم وهنا سعرها على موقع كام فور سيل: Canon EOS 500D Kit 18-55 IS - كاميرا للبيع - Cam4sell انا اسوي حركه بسيطه علشان اشوف مدى شهرة الاشياء اللي محتار بينها, ويساعدني في هالشي العم غوغل, أسوي بحث فيه واشوف عدد النتايج, الاكثر نتايج, شي طبيعي بيكون أكثر شهره لان الناس تبحث عنه بشكل مكثف بحكم انه محبوب وموثوق. Canon: 827.000.000 نتيجة canon - بحث Google Nikon: نتيجة 430.000.000 nikon - بحث Google يعني الفرق تقريبا 50% (الضعف) والأفضلية لـ كانون. وبالنسبة للتعليم, حاضر و ممنون, مني ومن ناس أفضل مني :rose: تحياتي .. فهد/FaHaD |
الله يوفقك أنشالله تكون من الصورين المبدعين بالشبكة |
إقتباس:
والله شكلي بشتري كانون 500دي بس يوم سئلت المحل قال يوم انك تبي تشتري كانون 500دي اشتر نيكون 3100 دي بنفس السعر وافضل منها .. ... طيب سؤال هل فيديو الكانون ممتاز وافضل من ينكون وهل الكانون فيه فكوس ونيكون مافيه فكوس . وهل كانون 500دي عدسته العاديه تمشي الحال او لازم أشتري عدسه من عندي مشكور يالغالي |
يعطيك العافيه اخوي ضامي الجروح انشاء الله تكون مصور مبدع |
الله يعطيك الف عاااااااافيه |
إقتباس:
أنواع, لكن في الغالب الاعم, انه يبغى يمشي القطع اللي عنده وما أعتقد انه همه مصلحتك كـ مصور, وبالنسبة لـ تصوير الفيديو تفضل هاذي أمثلة لـ Full HD 1080 لـ Canon 550D YouTube - Canon T2i/550D 1080p 24FPS Test Clips وهذا مثال: Full HD 1920 YouTube - 550D - test - Port of Rotterdam - HD 1920 وهذا مثال لتصوير 500D: YouTube - Canon 500D Samples HD وتدري أن المصور السعودي المبدع (ثامر الهندي) يستخدم Canon 450D خذ وقتك على الاقل اسبوع, علشان تشوف ونصيحة ثانيه, اذا تبي تشتري كاميرا او اي ملحقات, انصحك بـ كام فور سيل الرئيسية - كاميرا للبيع - Cam4sell انا اشتري منه كل شي, وخصوصا اذا كنت مشغول او ما لك نفس تشغل السياره, اطلب اللي تبيه وحول المبلغ+35 ريال إضافية, ويرسلونه لك فيديكس لين باب بيتكم خلال 24 ساعة. وفي النهاية القرار لك يا بعدي, وأهم شي لا تتردد ترى التردد يشتت الذهن, قرر حتى لو كنت تبي نيكون عادي لا تعطيني وجه :d, قل ابي نيكون وخلاص لا تعور راسك ورى كلامي :s2:. وموفق يا مصورنا المبدع .. تحياتي .. ^_^ فهد/FaHaD :rose: |
| الوقت المعتمد في المنتدى بتوقيت جرينتش +3.
الوقت الان » 03:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd