أتمنى النهائي في مكة لأسباب عدة !! - صفحة رقم 2 - نادي الهلال السعودي - شبكة الزعيم

حب الزعامة · #1 16/03/2011, 06:16 PM

حشى ماصار نهائي صار مايطلبه المستمعون

واذا كل واحد يطلب اللي يبي
انا اتمنى يكون النهائي نسائي خالص ممنوع دخول الشباب

عطو البنات فرصه مرره وحده وتشوفون وش معنى حظور جماهيري >>>موب كني شطحت شوي

قلبي مملكة الهلال · #2 16/03/2011, 06:50 PM

لا ان شاء الله النهائي بـ بريدة احلـــــى شي كب وااحد من كيفه يحط ههههههه

لا ان شاء الله النهائي بالرياض احلـــى وان شاء الله بجي بموكب وارجع بموكب الفوووز ههههههههه

هلاليه زي القمر · #3 16/03/2011, 06:20 PM

والله ودنا تستاهلون ياهل مكه بس ما بيدينا حيله

وان شاءالله تقدر تجي وتحظرها بالرياض وصدقني بتكون مباراة ممتعه وحلوه الوحده راح يلعب قدام الهلال لانها فرصه قد لا تتكرر بالنسبه لهم

يعطيك العافيه

FAISAL AL7RBY · #4 16/03/2011, 06:30 PM

الله يعطيك الف عافيه

لا نبي المباراة في الرياض

نبي جمهور كبير يحضر المباراة

تحياتي لك

هِلآإّلَيِ صَمّيِمْ · #5 16/03/2011, 06:31 PM

آن شـآء آلله آلنهآئي بآلريآض
عشآن نفوز بآقل مجهود وآلفريق متعب خاض مبآريآته قويه آخر آيآمه

لآهنت

N.W.S · #6 16/03/2011, 06:36 PM

اعتقد النهائي راح يكون في الرياض لسبب واعتقد النهائي راح يكون في مكة لسبب اخر

في الرياض: بسبب ان راعي البطولة اللي هو ولي العهد الامير سلطان مب فاضي يدق مشوار لمكة

في مكة: بسبب ان الوحد ما تاهل للنهائي من 40 سنة

هلالي - سعودي · #7 16/03/2011, 06:42 PM

أبشررر تكرم شواربك الحين اكلمهم ، اخليهم يعللنون ، في الشرائع ،

اي اوامر ثانية ،

ياخي تصدق ، : احس انك تنكت ض1 < بينجلــد :

ووولي العهد الامير ، سلطان بن عبدالعزيز ، فاضي لك يجي مكــة ، !!

انا اقول ، خلوها ، في الرياض احسن وآفضل

وفكونا من هالموآضيع [ التافهة ] قدامنا مباراة يوم الاتحاد مع الاحد < ما يدري وش يقول افهمو عاد /،

فهد2006 · #8 16/03/2011, 06:50 PM

مو مهم وين نلعب الاهم روح الفريق تحضر
ونفوز بالبطوله وانا اتمنى المباراة في مكه او جده
والله يوفق الهلال

محمد اللهبي · #9 16/03/2011, 06:55 PM

ان شاء الله في مكه ياااارب

loly alhilal · #10 16/03/2011, 07:01 PM

ههههههههههههههههههههه والله يا ريت النهائي بمكه

ثاني شي ايش الفوز مضمون ؟؟؟؟؟ ياخي احترم المنافس ع الاقل

ALRAQI · #11 16/03/2011, 07:01 PM

أخوي محمد الفهمي
مساء الخير

مبروك التأهل لكأس ولي العهد

الفوز والخسارة بيد الله سبحانه وتعالى

أيهم أفضل لك - كهلالي - يحضر 50 ألف مشجع هلالي في الرياض , أو يحضر 1000 هلالي في مكة , ولا تقول بيحضر 20 ألف هلالي في مكة لتبرير أنانيتك بالحضور ,
وأيهم أفضل لك -كهلالي حضور 20 ألف وحداوي والفين هلالي في مكة , أو حضور 2000 وحداوي بمقابل جمهور الهلال بالرياض

شكلك ما سمعت عن الشعبية والجماهيرية والتعبئة والدعم لفريقك والتأثير عليه.

أيضا أخوي محمد أرضية ملعب مكة سيئة جدا وأرضية إستاد الملك فهد جيدة جدا,

كل ذا الكلام وأنت هلالي أجل لو وحداوي وش بيقنعك

نفس فكرة سعود الصرامي, وش وجه الشبة بينكم؟؟؟؟؟ سؤال لا أقصد منه شئ

ترا الناس يضحون علشان اللي يحبونهم وأتمنى تضحي علشان الهلال وتطالب بالمباراة في الرياض ولا تحضر أو الله يعينك على الخسارة, أما تغلبك الأنانية علشان تحضر وتهمش جميع نقاط قوة الهلال , مع إحترامي تحتاج إلى إعادة نظر في موضوعك.

نسيت أقول لك أخوي محمد , المباراة اللي بعد النهائي هي مباراة الجزيرة في أبوظبي , يعني يسافر الهلال من مكة لجدة أو الطائف إلى الرياض إلى أبو ظبي علشان تحضر المباراة من العصر.

أخي محمد إعذر قسوتي في مخاطبتك, فقسوتك في حق الهلال والهلاليين أقوى

تحياتي وإحترامي وإعتذاري