مبروك الفوز+تصريح الأمير نواف بن سعد+رؤية لمباراة الاتحاد+اللي بيحضر المباراة يسجل نفسه هنا
 

اللهم لك الحمد والشكر كما ينغي لجلال وجهك وعظيم سلطانك ..
أحرزنا أهم ثلاث نقاط بالبطولة الآسيوية وخرجنا من مأزق صعب جدآ ..
انتهينا من 66% من المباريات الثلاث وبقية الأصعب مع فريق ثقيل فنيآ وبالذات أمامنا.
بصراحة أمس من وجهة نظري مستوانا ما كان أبدآ متوقع بس ما راح اتكلم بهذا الموضوع الحين لأنه مو وقته.
أمس سمعت تصريح للأمير نواف بن سعد في برنامج الجولة يقول فيه : (كنا نلعب المباراة ونفكر في مباراة الإتحاد)كلام خطير جدآ وبصراحة استغرب من الإدارة الهلالية المحنكة انها تفكر بهذا التفكير ..
ياسر صرح للاين سبورت يقول كنا حريصين على الثلاث نقاط وتكتيكنا كان اللعب على الهجمات المرتدة.
سامي قبل المباراة يقول نبي نطلع بنتيجة ايجابية بالشوط الأول حتى لو بالتعادل..
من وجهة نظري ان الفريق كان يبي أقل الخسائر وبدون اصابات ويا فوز أو تعادل ..

نجي لمباراة الإتحاد ،،،
المبارة هذه فيها ظروف على كلا الفريقين واللي هي:
ظروف الزعيم /
1/غياب رادوي
2/ عدم اكتمال جاهزية لاعبين المحور الآخرين
3/ عدم اكتمال جاهزية ياسر
ظروف الإتحاد /
1/ غياب نور
2/ العودة المتأخرة الى جدة بعد مباراتهم اليوم
3/ التنقل بين أجواء رطبة الى أجواء باردة إلى أجواء صحراوية بظرف اسبوع مع تغير التوقيت

اللي أشوفه ان ظروفنا أحسن وبالذات ان المباراة بالرياض ان شاء الله ..

عشان نفوز على الإتحاد بإذن الله لابد من مهاجمته وعدم الرجوع للمناطق الخلفية ، وأتوقع إن الإتحاد راح يدخل مهاجم لأنه لا بديل له عن الفوز بينما التعادل من مصلحة الزعيم.

اللي أتمناه من كالديرون انه ما يغير بالتكتيك ولا العناصر كثير:
العتيبي - لي يونج - هوساوي - المرشدي - الزوري - عزيز - الفريدي ( أدوار رادوي ) - ولي - الشلهوب - عبدالعزيز الدوسري - أحمد علي
طبعآ يا شباب لا تنسون الحضور للي يقدر يروح الملعب ولا تبخلوا على الزعيم ، عاداتنا الوقوف مع الزعيم بالمباريات الصعبة.
قبل الختام أحب اني ارفع يدي بالدعاء لرئيس نادي الإتحاد واطلب الله له ولجميع المسلمين والمسلمات بالشفاء العاجل.

وعلى دروب البطولات نلتقي بإذن الله

أشكر المشرفين على سرعة طرح الموضوع

أشكرك اختي على المرور والله يوفقنا يارب

الحمد الله على الفوز يا رب

الحمد الله على الفوز يا رب

الف الف مبررررررررررروووووووووووووووك يا جماهري الهلاليه الفوز

بالتوووفيق للهلال ان شاء الله

الله يبارك بأيامك يا أخوي.
أشكرك على المرور

وين التفاعل يا شباب ؟؟؟ وين اللي بيروحون الملعب ؟؟؟