مواقف طريفة مع لاعبي الهلال ادخل و شارك
 

السلام عليكم و رحمة الله و بركاته

ما ادري اذا تم تنفيذ الفكرة من قبل او لا بس الفكرة حلوة اكتب موقف صار لك و احد تعرفه مع احد اللاعبين ( و بلاش بهارات:uhoh: )

اما الموقف اللي ما انساه

ايام ما كنت في الابتدائي في معهد العاصمة النموذجي كان الكابتن خالد الدايل مدرس في المتوسط المهم على ما اذكر ان الهلال كان مهزوم 3-1 قدام كاظمة الكويتي (ماني متاكد) المهم انا ما شفت المباراة عاد واحد الله يذكره بالخير لعب علي و قال الهلال فاز رحت انا فرحان و قابلت الكابتن خالد و قلت مبروووك الفوز طالعني و ضحك الله يبارك فيك انا يوم عرفت السالفة ضاع وجهي وصرت اتنحش ما ابيه يشوفني من الفشيلة و سلامتكم

,وبعدين ويش صار

لوووووووووول الحبيب راعي طويلة

ولا قبلين خلصت السالفة

هذه قصه حقيقيه صارت لي...وبحذافيرها وبدون" بهاراة"..

في يوم من الأيام كنت معزوم عند أحد لاعبين الهلال السابقين...وكان من ضمن المعزومين
النجم الكبير الفيلسوف، يوسف الثنيان...ولكن كالعاده...تأخر الوقت ويوسف ما وصل!

طبعاً، اللي عازمنا حاول ينتظر قدرالأمكان، لكن في النهايه أضطر يحط العشا بدون يوسف...

وبدينا نتعشا...وفجأه دخل يوسف...وبعد ما سلم، أول شي سأل عنه هو لحم الضلوع ( ضلوع الذبيحه)
قال عسى ما أكلتوه عني...بعدين يوم سأله اللي عازم، ليش متأخر؟...قال:

والله انت قلت لي لف يمين..بعدين بيجيك أول شارع لف معه يسار..وأنا لفيت يسار!..
بس يوم لفيت قابلني جدار!!...عاد قلت وش أسوي؟...نطلت جسمي يمين ( يقولها وهو
يمثل بجسمه كأنه يسحب واحد في الملعب)...ونطلت يسار!.. ما تحرك الجدار!.. ما قدرت أسحبه....وتأخرت!

في هذيك اللحظه أيقنت اني لو أفتح راس يوسف لقيت فيه كوره.

ههههههههههههههههههههههه يوسف مهستر والله

هذي سالفة ما صارت لي بس سمعتها

يقولون مره خسر المنتخب وكان يلعب معهم يوسف ,, المهم عقب ما انتهت المباراة ويوسف متجه لغرفة الملابس شاف في طريقة خالد مسعد جالس يصيح وقاله : ما صحنا حنا يالسعوديين وتصيح انت !! ههههههههههههههه

وانا بعد هذي ما صارتلي بس سمعتها وهي ان يوشف كانوا يلعبون بلوت في غرفته في كأس العالم 94 وكان كاتب على الغرفة ممنوع دخول العبند

:D :D :D :D :D

مواقف الثنيان داخل المباريات طريفه
اذا لعب قدام القهوجي يلاحقه ويقول يا خالد
صب قهوه صب شاهي ويكررها وهو يلحقه

هههههههههههههههههههههههههههههههههه

هذا واحد يقول رحت اسلم على ابو يعقوب وكان بالسيارة ومعه اثنين يقول قعدت اسولف وطولت عليهم قال ابو يعقوب اركب معنا

يقول ومير ادور بقايا وجهي

اذكر موقف يوسف مع خالد مسعد...يقول المدرب ليش ماتلعب ل مسعد ..قال انا ودي العب لة بس مدري هو معطيني وجة .ولاضهرة ..كل اش اسود وقاعدين يضحكون علية الشباب
اللة يعطيك العافية يايوسف

ان اكرمكم عند الله اتقاكم بلاش الكلام هذا

لأنه لافرق بين ابيض ولا اسود

الله يخلي لنا فيلسوفنا والله خالع هههههههههههه
تحياتي للجميع صراحة مواقف حلوة للغاية

انا هالموقف حصل لي البارحه عند واحد كان عازم سامي على العشاء

وجلست معه اسولف واسولف وسالت عن المحترف التشيلي وقالي انهم ييبون يشوتونه


وقاللي ان الهلال يبي يتعاقد مع اجنبي عالمي كبير ويبي يجي الخميس الجاي

وسالته منههو وعيا يعلمن


وحاولت


وحاولت








الين عللمن منهو .......... من تتوقعون



والله ماراح تصدقون الين يجي الخميس


تبون تعرفون منهو




انزل











انزل بعد













انزل شوي


















قالي روماريو



ومير اطير من الفرحه وشوي ويقولي


قم



قم



قم صل الفجر

طلعت احلم اني اقابل سامي

والهلال يتعاقدون مع روماريو