نادي الهلال السعودي - شبكة الزعيم - الموقع الرسمي - مسكين يا......ماخليت احد بحاله من فريق للفريق ومن الصحافه للتعليق...!!!

&& مسكين يارئيس المساكين مسكين والله مسكين ماخليت احد بحاله من فريق للفريق ومن الصحافه للتعليق ومن الفضائيات الى البث الارضي حتى الحكام واعضاء اتحاد الكووووووره ماسلموا من جنوووووونك :confused: اتهام وسب وشتم وظلم للعالم.......كل هذا لأن الهلال بطل وفريقك للأسف (....) يأخي خف ربك ترى الدنيا فانيه ......!!!

&& الهلال وقع مع الاعب بانادي ولى بمعسكر المنتخب ولى بيت ابوووووه هو وش دخله بالهلال
حده فريقه والدجه اللي معه ...... لا ويتكلم على المشرف على المنتخب ويناشد الرئيس العام بالتدخل ......... هو مانسى ان فريقه مسجل بندر تميم والثقفي في معسكر المنتخب بواسطة مدربهم كميخ .... صحيح اهل العقوووول في راحه.....!!!

&& قبل عشر ايام يصرح وينصح الرجال ويمدح .... الى اخره... وهالحين انقلب الحال 180 درجه صحيح ابو طبيع مايخلي طبعه ... رساله خاصه لأدارة الهلال الواعيه ( المثاليه) لاتنفع مع كل الناس 0

&& بعد ماتم التحفظ على شكوى المعلق محمد البكر......وخف الاعلام عنه ..... قال مالي الا ادارة المنتخب ....اتمشكل معاهم ....ومنها ندخل الزعيم بالموضوع.... ترجع اللقأت التلفزيونيه والصحافه والاعلام والأضواااااء له من جديد......صحيح الفاضي يسوي نفسه قاضي 0

&& رشوت الحكم المغربي بالقونه..الله يرحمه ..والشريف اللي ليس له من اسمه نصيب واتهام النادي التونسي بالرشوه ......القائمه تطول ...بس اخرها قضية البكر .... وبعد مسوي نفسه مثالي ويعرف ينصح غيره.... صحيح اهل العقول في راحه واللهم لك الحمد 0

&& صدقووووووني الهلال مكتمل من كل النواحي...ماينقصه الا (روح الزعيم) التي نعرفها عن لاعبيه ..... لايحتاج لاعبين اجانب ولا مدرب عالمي بدل بلاتشي......كل مايحتاجه هو روح الهلال التي هي روووح الفووووز ....حتى لو لعب بفريق الناشئين .... اذا عادة الروح عاد الزعيم.....ولاكن السؤال متى ستعوووود وكيف ؟؟ ... الاجابه عند ادارة الهلال 0

&&اتمنى من ادارة الهلال ان تبعد صوماليا والمسعري عن الفريق اذا كان بلاتشي مقتنع بهم فكل الهلاليين غير مقتنعين ......... اذا كان لابد ان يلعبوا...فأفضل ان يلعب الزعيم يتسع لاعبين يكوووووون افضل...لأنهم يفيدووون الخصم اكثر من فريقهم 0

&& لالالالالالالالالا ينقص درجتي الناشئين والشباب.........الا الأهتمام .....وهذا ماحصل بعودة الذهبي بندر بن محمد ...... فنتظروووا.... عودتهم للتألق كما كانووو في المواسم السابقه...اعطوهم الوقت ويعطونكم الأنجاز والذهب.....انتظرووا وحكموا 0

&& تبرير ادارة الطائي لأقالة المدرب غير كافي للأقالة ....فلأول مره يحقق الطائي في تاريخه 16 نقطه بالدور الاول ويبني فريق كامل من الشباب القادرعلى العطاء للسنوات وابرازه لهم بشكل واضح وأكبر دليل منافسة شاب عمره 21 سنه على الهداف وهو احمد مناور وأختيار 3 لاعبين للمنتخب ... ونتهاج الفريق للعب الهجومي ....ومع ذلك يقال للسبب ....عدم اعطائه فرصه للنجوم الفريق السابقين مثل المدافع بندر مدني وبدر الراشد والقبلان عبدالله ومالك الشمري.....الذين بكل صراحه لا يملكون نصف مهارت الاعبين الحاليين ....ومع الأسف هذا هو سبب طرده عن الفريق 0

اخيرا اتمنى للزعيم التوووووفيق

والعوده من الدوووووحه بالكأس

تحياااااااااتي لكم