الطلاب السعوديين في بريطانيا ..ليدز تحديدا
 

السلام عليكم

اخواني اخوكم الي هو انا :D جاه قبول في جامعه برافورد وسفري انشاء الله يوم الاثنين

اخواني الي عنده اي معلومات عن الجامعه او مدينه ليدز او برادفورد او اي معلومات عن

بريطانيا .. يزودني فيها شاكر لكم مقدما ..

:)

والله اعرف واحد يدرس بجامعة ليدز :) ..

بكلمه وبشوف وش يصير :) ..

ومبروك القبووووول ..

الله يوفقك ... الى الامام...

بالتوفيق انشالله
واوعدك بمعلومات عنها

كـــايدهم ..

الله يبارك في عمرك يابعدي والله .. وبلله عجل علينا السفر بكره :( :(

<== كأنه قام يمون :D

---------------------

كيفي كويتيه

الله يجزاك خير انشاء الله ويسلمك والله :)

------------------

صمووووووت هلا وغلا تصدق اول مره ترد علي في موضوع لي :( <=== من كثر مواضيعك يا

(ياقاهرهم يا سامي ) :D:D

ليدز هذا الله يسلمك كتشب موهب بطاطس :D:D

الله يجزاك خير والله وانشاء الله اذا رجعت بدق عليك تستقبلني .. وتشوف لك تريله علشان نشيل

الشهاده :D:D:

بس انا اقول انت عطني المعلومات الي عنده وانا افلترها ماعليك ازهلها :D:D:D:


---------------

اقول شباب الي يدخل يقرا ولا عنده معلومات على الاقل يدعيلي وشو يعني تبون البارق يلغي

الموضوع :mad: :mad:

تحياتي لكم :D

مبروك القبول أخوي ابو سعد :) ... والله يوفقك :)

بالنسبه لبريطانيا انا اللي اعرفه انهم يتكلمون انجليزي بس :D <=== يستخف دمه هو ووجهه :rolleyes:


تحياتي :)

هلا بخوينا أيام التغطية ..:D:D

يعني الحين صار لي واسطة .. يعني أقدر أقول قد شفت واحد جاه قبول بجامعة ما ادري وش هي في بريطانيا..:D:D

إلا يا ابو سعد .. هم هناك يحتسون عنقليزي .. يعني حتى حقين البقالات ؟؟؟؟ <----- أكبر همه..:D

عاد خذ المعلومات اللي عندي ..

بريطانيا هذي تنقسم لثلاث ديار :D

انجلترا - واسكتلندا - وويلز..<----- لا يا شيخ..!!

وفيه معلومة بس مانيب متأكد منها ( لأنها ما تدخل المخ ) وهي إن رئيسهم طلعت حرمه ماهوب رجال ..:D:D

-----------------------------------------------------------------------------------------------

ماسبق لا يعتبر إلا خرابيط ..:D

-----------------------------------------------------------------------------------------------
أقول الله يوفقك يالغالي .. وتروح وتجي ومعك الشهادة الكبيرة إن شاء الله ..:):)..

وإن شاء الله إذا سوى الزعيم مباراة مع مانشستر يونايتد تغطيها لنا .. ونرسل لك الموهوب يساعدك..:D:D

تروح وترجع لنا بالسلامة .. ولا تقطع بنا حتى لو انك ببريطانيا :)


أخوك / البارق:)

الله يوفقك

الا ما تبي مرافق :d

الله يوفقك . .

والله الله بتبيضة الوجه . .

يعني ارفع راسك وروسنا يالسعودي :)

الله يوفقك في دراستك يا الغالي......ويبعد عنك شر الانجليز.....و يجعلك خير سفير لدينك و بلدك....

الله يفقك اخوي وترجعلنا بي الشهاده الكبيره

الف مبروووووووووك اخوي Abu saad 66

تقدر تدور في قوقل عن الجامعه او المدينه هذا حل او تصبر لك كم يوم علشان نفزع

الفتى الزعيم

شكرا لك يالغالي والله يوفقنا وإياك ان شاء الله :)

------------

ايــــمـــــن :D

تصدق معلومه غير عاديه .. وين CIA عنك :D:D

الله يبارك في عمرك اخوي وعقابلك :)

-----------

مــشرفنا :D

والله زمن يخوي الدنيا تركض صدق :(

بس والله تبي الصدق .. والله تشرفت بمعرفه الرجاجيل شرواكم :) :) :)

تكفى سلملي على الفريق كله ... وخاصه ابو كاميرا جنان الــغانم :D:D

والله يسلمك يخوي ابشر بولد تشوف التغطيه صح هناك .. بس ترا اسامي لاعبين مااحفظ انا :(

تسلم والله يابعدي ونشوفك على خير ان شاء الله :)

-------------------------

هلالي فخور :)

الله يسلمك والله .. الا ابي يخوي تعال انت واذا ما شالتك الارض تشيلك الطياره :D:D:D

تشيلك عيوني قصدي :D:D

---------------------

ملاّســـه

الله يجزاك خير , وانشاء ابشر بالخير :)

-------------------

اخوي القاضي :)

الله يجزاك خير والله والله يسمع منك يارب تسلم يالغالي :)

-----------------

محروس

شكرا لك اخوي والله يجزاك خير :)


===================

رد خاص جدا

شـــكرا من القلب والله اخوي sport2002 يعطيك الف عافيه والله وما قصرت وبيض الله وجهك

:) :)


اخواني اعتذر عن ردودي المختصره :( :( واخص بالذكر اخوي الغالي البارق :(

تحياتي لكم .. وانشاء الله الردود الباقيه من بريطانيا ان شاء الله :)

فـــمان الله يااهل الزعيم والوعد قدام <><><><><> بودعكم بمان الله ولا ودي اودعكم

:( :(

بالتوفــــــــيــــق .. تعود لنا سالم غانم باذن الله .