نادي الهلال السعودي - شبكة الزعيم - الموقع الرسمي

بسم الله الرحمن الرحيم

الحمد لله حتى ترضى ... الله حمد لله اذا رضيت ... والحمد لله بعد الرضى .

ما شاهدناها البارحه ما هوو الا مووووووج من طووفان الزعيم اللي دايما ما يمتعنا ويسدعنا كعشاق لهذا الكيان العظيم هذا الكيان اللي كل يوووم يزيد بريقا ولمعانا هذا الكيان اللي يزعلنا قليلا ويفرحنا كثيرا هذا الكيان اللي وراه رجال ولا كل الرجال هذا الكيان اللي ولو تكلمت من اليوم وحتى غدا لا يكفيه ما اقوول هذا ليس تطبيل ولا مبالغه ما اقول الا صدقا من القلب ..وواقع ما نشاهده ع ارض الملعب ..

من حق كل من ينتسب لهذا النادي العريق ان يا خذ حقه من الاطراء كما من حقنا نستمتع ونفرح بالانجازات والبطولات ونحن نلمسها في زعيمنا ولاعبينا ومن يقف خلف هذا الكيان من رجال اكفاء يدعمون الزعيم ويشتغووولون ليل نهاااار من اجل رفع هذا الكيان الى منصات التتويج ودائره المحافل المحليه والأسيويه والعالميه بمشيئه الله تعالى اللي ليست ببعيد على الزعيم بل انه وصل لها ولكن قدر الله وما شا ء فعل (كما تعرفون ما صار من ظروف لهذه الدووره ..

نرجع للمباراه وناخذا منها ما امتع العين واثلج الصدر واسقط الخصم ....من شاهد مباراة البارحه يقوول كأني شفت هذه المباراه لما جاء فيها من من باصات ومثلثات وبينيات قصيره وكباري وشوارع وتمزيع وترجمه كل هذا بهدفين مع الرأفه نعم من شاهد مباراه " برشلووونه "يوم الثلاثاء ومباراه البارحه كأنه شاهد المباراه اعاده

الزعيم البارحه ذكرني ببرشلونه اسبانيا بلعبه الجماعي والبينيات اللي تكسر الظهر والمثلثات اللي تضيع الخصم ما شاهدناه البارحه ما هو الا لعب اسباني (الكره الحديثه ) واللي اتمنى ان يستمر ع هذا النهج محليا وقاريا .

الاعبون قدموا مباراه جميله ومتعوا واستمتعوا ولا يزال عندهم الكثير... صحيح انهم ضيعوا فرص وكادت تكون هزيمه تاريخيه لولا رأفت الله بهم ثم اخفاق بعض الاعبين في ترجمه بعض الفرص داخل المرمى .. اشكر الاعبين ع ما قدموه اشكرهم ع هذه الرووح الجميله واللي اتمنى ان نشاهدها في كل المباريات المتبقيه من الدوري والكأس فما بقي الا مباريات في وجهه نظري فهي مهمه مهمه مهمه جدا فكل مباره بطوله بالنسبه لنا كجماهير فنتمنى من الاعبين عدم التهاون وزياده المجهود للضفر بأول بطولات الموسم بمشيئه الله ..

كما اشكر الجهاز الاداري ع رأسهم الامير المحبوب عبدالرحمن بن مساعد ونائبه الامير نواف بن سعد وكل اعضاء الشرف والجهاز الفني واللي اتمنى لهم التوفيق والسداد والتركيز كل التركيز ع كل المباريات القادمه والابتعاد عن التصريحات اللي تسبب التشويش ع الفريق ومسيرته في هذا المنعطف الخطر في هذا التوقيت ...

وشكري الكبير لكل من حضر وآزر الزعيم من كل بقاع المملكه الحبيبه واقول عساكم ع القوه ولا نبخل ع الزعيم في المباراه القادمه بالحضور فانتم الاعب الاول بكم تتحقق الانتصارات بمشيئه الله ..

سطور ...
احمد علي قدم مباراه جميله بتحركاته ومشاغبته داخل منطقه الجزاءولديه الكثير ..

الشلهوب لا يزال يسطع كل يوم ويضهر وكأنه ابن العشرين الللهم لا حسد ..

ياسر عوده حميده ونتمنى منك الاكثر... من التحركات وعدم الاستسلام للمدافعين .

كالديرون تشكيله منطقيه وعقلاني جدا مع اني كنت اتمنى اللعب ب4 4 2 قد تكون اخطر..(وجهه نظر )

رادوي ليت في السعوديه مثلك ثلاثه بس .

المرشدي الثقل صنعه بالتحكم في الاعصاب ..

سامي شكرا من القلب فانت الجندي المجهووووووووووول في هذا الكيان ..

افضل لووووحه رسمها الجمهوووور الهلالي من الولاء للمملكه وللمليك المفدى حفظه الله .

آسف ع الاطاله ودمتم زعماء..

محبكم البرنس راكان.