سجل حضورك لمباراة النصر اللي ماهو حاضر لايدخل .. - نادي الهلال السعودي - شبكة الزعيم

fallaj · #1 04/03/2011, 04:58 PM

مساء الخير عشاق الزعيم ..

ضع بصمتك هنا لحضور مباراة العاشر من مارس مع الغريم التقليدي نادي النصر .. صراحة نبي الملعب فل ونبي الرابطة والجمهور يشتغلوا ويحركوا ويهزوا الملعب هز ..

انها المباراة التي سنتاهل من خلالها لاول نهائي في عام 2011 فهل انتم حاضرون .. نريد حضور غير كل الحضور فالهلال بحاجتنا جميعاً .. دعونا نحتفل جميعاً بالاستاد .
واعتقد ان الكل فاضي واجازة وفوق هذا كله تشوف الزعيم وتستمتع ان شاء الله ونتاهل ..

عزيزي ايها العاشق هل انت حاضر ام لا ؟ نبيها فل ...

قوووت القلوب · #2 04/03/2011, 05:40 PM

ان شاءالله جمهور الزعيم بتحضر وتزف الفريق للنهائي باذن الواحد الاحد

fallaj · #3 04/03/2011, 07:46 PM

إقتباس

الرسالة الأصلية كتبت بواسطة قوووت القلوب


	ان شاءالله جمهور الزعيم بتحضر وتزف الفريق للنهائي باذن الواحد الاحد

ان شاء الله ونحتفل جميعاَ بذلك أحبتي ...

ويعطيك العافيه على المرور ..

مخاوي الهلال20 · #4 04/03/2011, 05:44 PM

حاضرين الله لايعوق بشر والله يوفق الزعيم .

fallaj · #5 04/03/2011, 07:48 PM

إقتباس

الرسالة الأصلية كتبت بواسطة مخاوي الهلال20


	حاضرين الله لايعوق بشر والله يوفق الزعيم .

بيض الله وجهك يالذيب كفوووو .. قووول وفعل ... ومشكووور على المرور والتفاعل ...

Ď7Ǿỏ₥Ị · #6 04/03/2011, 05:45 PM

خير ان شاء الله؟؟؟؟؟؟

كنك نسيت ان فيه مبارة قبلها وبعد يومين ومهمه كذلك مع الاهلي؟؟
والا تبي تنسينا الاهلي عشان نخسر لاسمح الله؟؟؟؟

فعلا ناس غريبه

fallaj · #7 04/03/2011, 07:54 PM

إقتباس

الرسالة الأصلية كتبت بواسطة Ď7Ǿỏ₥Ị


	خير ان شاء الله؟؟؟؟؟؟ كنك نسيت ان فيه مبارة قبلها وبعد يومين ومهمه كذلك مع الاهلي؟؟ والا تبي تنسينا الاهلي عشان نخسر لاسمح الله؟؟؟؟ فعلا ناس غريبه

وشو له تعلق طيب ...

ياغالي انا احفز أخواني الاعضاء على الحضور ومباراة الاهلي بجدة ..
وبعدين هذي نصف النهائي وتاهلنا لاول بطولة هالموسم ...

وبعدين اسلوب فرد العضلات والتشكيك مو كويس ..

يعني بأختصار عجبك الموضوع وبتحضر قل نعم .. مااعجبك عديه ولا تعلق الشغلة بسيطة .. وبرضو احترم وجهة نظرك ...وهلابك ياغالي ...

(((C.RONALDO))) · #8 04/03/2011, 05:47 PM

إن شاء الله نحضر ..

المباراة يوم خميس وضد النصر إن شاء الله نشوف الجميع حاضر !

لكن يا أخوي خلنا نركز على مباراة الأحد بعدين نفكر في مباراة النصر ..

fallaj · #9 04/03/2011, 07:58 PM

إقتباس

الرسالة الأصلية كتبت بواسطة (((C.RONALDO)))


	إن شاء الله نحضر .. المباراة يوم خميس وضد النصر إن شاء الله نشوف الجميع حاضر ! لكن يا أخوي خلنا نركز على مباراة الأحد بعدين نفكر في مباراة النصر ..

اكيد مباراة الاهلي مهمة جداً وان شاء الله نتوفق فيه أخوي ..

لكن الموضوع تحفيزي لنا جميعاً والله انها بتحدد امور كثيرة مباراة العاشر من مارس .. واعتقد انها مفترق طرق للزعيم هالموسم وودي ان الملعب فل ونحتفل جميعاً بأذن الله ...