|
نقاش بيني وبين نصراوي عن المباراة صباح الخير :rose: قبل قليل بالدوام كنت جالس انا وزميل لي لاعب نصراوي قديم ولعب للمنتخب وساهم في الحصول على بطولة كاس اسيا المهم الشاهـــد من الكلام كنا نتناقش عن مباراة الهلال والنصر وصراحة الرجل مو متعصب عقلاني ويعرف أني هلالي متعصب , دار بينا نقااااش طاف وقت الدوام وحنا بنقاش المهم بذكر لكم سوالفنا هو: كيف وضعكم بكره فوز ولاخسارة انا: كالعادة نطلعهم من البطولة للمرة الرابعة على التوالي هــو: هالمرة اتوقع لا انا: غريبه انت هالمرة متفائل مو مثل كل مرة تقول لي مبروك الفوز مقدماً هـــو: هالمرة الوضع يختلف انا: كيف يختلف عشان مستوانا هابط هـــو: قال لا مباريات الديربي ماتخضع الى اي مقاييس انا: قلت طيب وش اللي يختلف هو: هالمرة النصراويين جايعين ومحتاجين انا: لهم 11 سنه جايعين ماجابوا بطولات عليها الكلام <<<خفت يقول لي قال فيصل هو: لا لا لا مو جايعين بطولات انا: شو اجل جايعين منه هو: جايعين مادياً انا: ههههههههههههههههههه الله يهديك بس وين حنا مو 84 على وقتك حنا في 2011 رصيد كل لاعب بالبنك اقل شي 5 مليون . هو: هذا عندكم يالهلاليين انتم والشباب والاتحاد بس والنصر ثلاثه لاعبين والبقية الله يخلف ماعندهم شي انا: مومعقولة هو: تدري ان حسين عبدالغني مسدد ايجار بيت ريان بلال تدري ان شركات التاجير السيارات تطرد اي لاعب نصراوي بسبب عدم مقدرتهم على التسديد تدري ان العنزي الحارس والقرني وسعود حمود موقعين على اوراق فقط والمبلغ بعدين واحتمال كبير مصيرهم مثل مصير على يزيد تدري ان اللاعب النصراوي لايستلم مكأفات فوز ولهم رواتب متراكمه من سنوات لذلك اتوقع الفوز على هلالكم لن لاعبينا محتاجين بطوله من اجل الهبات التي بتوصلهم من اعضاء الشرف والمحبين لتسديد احتياجاتهم وديونهم وراح يلعبون مباراة العمر الروح والحماس والجهد المضاعف سوف يجعل النصريكسب هلال النجوم والمواهب والفن هكذا قال عاااد انا رحمت لاعبين النصر صراحه بس الله يعينهم في الدينا ويرزقهم ويرزقنا الجنة ولجميع المسلمين المهم اتمنى ان يلعب الهلال بالروح والحماس ونكسب اللقاء امكانيات بلا روح ماتجيب نتيجة والنصر فريق مجتهد . وسلامتكم:rose: |
قله ينام بدري ولايشوف المباراة وصدق من قال يحلمون وياكثرهم واولهم اللي انا اقصده |
فال الله ولا فاله الله لا يقووله مسكين اللي يلعب في النصر عز الله عاش باقي عمره فقران |
الله يكتب الي فيه خير للزعيم |
صحيح مباريات الديربي ماتخضع لأي مقاييس لكن بإذن الله الفوز هلالي يارب |
الفوز هلالي ان شاءالله وسلم ع خويك الاعب النصراوي القديم :) |
بصراحه أنا خايف من هذه المبارات لأن مستوى الهلال ما يطمن أبد ونقول بإذن الله الفوز هلالي |
مباريات الهلال والنصر ، دائما وبشكل غريب ، لا يمكن أن تتوقع فيها شيء ، ولا أعرف السبب ، وعلى كل ،، إذا ظهر النور يبان المستور ، الله يعين ، سلملي على دوامك اللي بادي قبل الساعة 7 ، شكله تطريس ومطرسة والله المستعان ..، مشكور على الحكاية يا رهيب ..، |
إقتباس:
الاخ فاكر الناس تداوم صباح وبس :s2: |
رغم تحفظي على المواضيع اللي من غير مصدر بس ماادري ليش موضوعك اخذته على محمل الجد عموما حتى لو هالكلام صحيح مو شرط ان الضغط عليهم ينفعهم الضغط ساعات كثيره يضر مايساعد واكبر دليل ان الهلال استعصت عليه الاسيويه بسبب الضغط النفسي كل اللي اقوله الله يوفق الهلال وياخذ كاس ولي العهد والملك والدوري والاسيويه بس مانبي غيرها هالسنه (يمديكم على القناعه) |
إقتباس:
ليه تبي صوره فيديو ولا تسجيل صوتي وبعدين تراني قلت لكم سالفه بيني وبين صاحبي :d مو جايب لكم خبر |
اعتذر اخوي مو قصدي ازعلك بس انا اقصد المواضيع اللي عباره عن سواليف (اسمح لي على هالكلمه) مافي شي يثبتها يعني لو بنزل موضوع واقول قابلت الاعب الفلاني وقالي كذا مافي شي يثبت كلامي صح او لا والمفروض نقبل الراي الاخر بدون زعل عموما العتب مرفوع واعتذر مره ثانيه |
لا انت والصادق جايعين فوز على الهلال وياخوفي يشبعون |
مشكووووور اخ ـوي على موضوعكـ .. < وسلم لي على صديقكـ ^_* .. والله يوفق الهلال ياربــــ ... صراحه مستوى النصر في صعود والهلال الع ـكس .. !! الله يع ـين بس وبالتوفيق يا ربـ |
الله يكتب الي فيه خير للزعيم ونحقق الفوز باذن الله |
| الوقت المعتمد في المنتدى بتوقيت جرينتش +3.
الوقت الان » 06:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd