ودي اعرف جمهور الهلال الكبير شعوركم يوم مباراة الهلال ...
مساء الخير عشاق الكيان الكبير وحبيبنا جميعاً ...
العنوان واضح ...
ودي نرفه عن انفسنا شوي ونخفف من ضغط مباراة امس علينا ... وتفكيرنا في مباراة الخميس وضغط الاسيويه ...
خلونا ندردش شوي هنا وكل عضو يحكي لنا يومه قبل مباراة الزعيم ... يحب يدخل المنتدى ويتابع استعدادت الزعيم اول باول ... واثناء المباراة كيف يتابع ؟
هل انت من نوعية الجمهور اللي يحب يحضر بالملعب ؟
أو انت من يحب يشوف التحليل ويتابع القنوات والريموت شغال تتنقل من قناة لقناة ؟ولوحدك ومقفل جوالك ومنقطع عن العالم الخارجي ومركز ؟
والا تحب تابعها مع الاصحاب ؟
موضوع خفيف ولذيذ ... نفرفش به شوي .. ونكسر الروتين في مواضيعنا اليومين اللي راحوا ... شيلوا فلان وهاتو فلان .... هههههههههههه ...
انا صراحة ارتب جداولي قبل المباراة بيومين وانهي اشغالي كلها ... ويوم المباراة متحمس من العصر واشيك على جميع الاخبار سواء عن طريق النت أو الصحف المحليه ... واذا بدأت المباراة .. أنقطاع تام عن العالم الخارجي ... والجوالات صامت .. وبعد المباراة عاد تحكمني النتيجه صراحة ... إذا فاز الزعيم ويكثر ماسواها أسهر واتابع جميع البرامج الرياضيه واشوف إعادة المباراة ...
أوما إذا انهزم وصراحة قليل ذلك جداً جداَ ... الله يخلينا الزعيم اللي مفرحنا دوم .. تقول أحد معطيني بنج .. نووم على طول ولاأرد على احد .. وتعرفون من اقصد اللي مايدقون الا إذا انهزم الهلال ..ههههههههههه ...
وإذا بروح للملعب دائماً أصحب واحد من الزملاء ونطلع للملعب من الساعة الخامسة بس هو مسكين يداوم وانا ما اداوم ههههههههههه وبعد العشاء شوي وينام علي بالملعب هههه ههههه وابشركم في حضوري للملعب منهزم الهلال الا مبارة النهائي امام الشباب ايام نهائي ثلاثية المفرج الله يسامحه ويستر عليه .. واذا رجعت للبيت تطبق القاعده اللي فوق ... في الفوز أو الهزيمه ...
ومساءكم سعاده ....
موضوعي هذا دعوه للخروج عن المألوف ... ومتنفس لنا جميعاً ...
وتقبلوا خالص تحياتي ومودتي ....
الوضع الشجري
