اخواني الاعضـــآء لا اجيــــد المقدمــــات <<<يعنـــي بدخل بالموضوع علىآ طول


نيفيز وما ادراك مانيفيز !!!


نيفيز من بعد ماراح عن الهلال ووسطنا تايه صراحه نشوف لعيبة الوسط فيهم انانية شوي ومو علىآ كل حال

يكون الشلهوب في يومه او الفريدي اللي كثرة بروته عن اول لكن نتفق جميعا انها ميـــــــزه فيه


مكـــآن تياقو الان شاغـــر جداً اللاعب يمتع ويبدع في الدوري البرازيلي وهو على هدف بأن يمثل منتخب السامبا

والكل شاهد كيف تياقو قاعد يمتع ويبدع في البرازيل واخر مباراه مسجل هدفين وصانع هدف وحنا هنا احتراق

صراحه


المطـــــلوب :


اتمنـــىآ من الاداره الزرقــآء الواعيه المتمثله في اميرنا الشاعر عبدالرحمن بن مساعد ونائبه نواف بن سعد

واعضاء الشرف انهم يعيــدوا لنــا نيفيز او يجلبوا لنا لاعب بحجم نيفيز وافضل او يكون مهاجم مساند للقناص


واللاعب راح يرتفع سعره الان في ظل الامتاع والابداع اللي يقدمه اللاعب واكيد الانديه الاوروبيه في منافسه علىأ

هاللاعب واللي يبي ياخذه هو الكاسب الاكبر من وجهة نظري


يعني لو باعوه الهلال راح يستفيد ولو رجعوه للنادي الافاده موجوده ولو انها صعبه لكن في قيمة نيفيز بنجيب لاعب

افضل منه بكثير امثال اللاعب المهاجم / كليمرسون عرفتوه ؟؟؟ لاعب الغرافه اتوقع انه مو معاهم الان والله لعيب

ويبي يكون ثنائي مع ياسر

==============================================

نقاط متفرقــــه:



1- اتمنى اننا مانشوف هاللعيبه في الهلال صراحه صار مطلب الهلاليين

محمد نامي - وليد الجيزاني - احمد علي الكل تحت هالفيس

2- اتمنىآ ترديــد اسم نيفيز في مباراة النصر القادمه وبيكون هالشيء تعبير مننا للاداره الهلاليه بأننا بحاجه

للاعب مثل نيفيز فمكانه مثل ماقلت سابقا وبالخط العريض شـــآآآآآغرر



3- الرابطه الهلاليه مع صلاح البطاطي :: يعني صراحه ملينا وتعبنا من ياهلال عزك عزنا ولا زي ماقالوا اخواني

اعضاء الشبكة هذا عيسىآ ولدنا ولا .....الخ /\ صراحه ازعاأأأج مافيه جديد من هالرابطه ياخي شوف الانديه

الثانيه تجيب جديد واخص الاهلي والاتحــاد



4- كالديـــرون ياجماعه كالدي الكل يلاحظ بروده في التبديل وتخبطات كثيره ولا القرني يمسك اساسي على عزيز

ياشيخ طير بس


سمعت ان المدرب مارتن اونيل قريب من الهلال بصراحه اتمنى جلب مدرب جديد مع نهاية الموسم يشرف على

الفريق بالمعسكر الخارجي بعد انتهاء الدوري واشوف اذا ماتم التعاقد معاه جلب مدرب كبير جدا

درب الهلال والكل حزن لفراقه <<<كلكم بتقولوا جريتس صحيح ان جريتس كان ممتاز للغايه لكن ماتوقع يرجع


المدرب هو / كوزميـــن اولاريــو


مدرب من الطراز النادر حقيقه اتمنى اعادته مدرب يعرف كيف يقرأ المباراه تغييراته محكمه جدا مبنيه

علىآ فكر عالي



5- الكل يشوف مستوىآ الهلال الان سيء جدا والمباراه القادمه بتبين اذا الهلال جاهز للغرافه ولا لا

صراحه مادري شلون نبي نفوز علىآ النصــر وانا خايــف من هالمواجهة بهالمستوى اللي حنا نقدمه السيء

ولكن كلنا امل في اكتماال الفريق عالاخير يعني ياســر <<<< لك وحششششه ياوحش مكانك فاضي


ونواف العابد وبالسلامه ان شاء الله والدوسري الفنان

ملحوظه :

واقولكم اذا الهلال لعب بمستوى ممتاز امام النصر ونتيجه

ايجابيه بإذن الله راح يتوفق امام الغرافه اللي خسر ليلة البارحه من الخور <<زي التعاون والفيصلي عندنا

وهذا مو تقليل بالغرافه لا ابدا الغرافه احرجنا كثيرا

===================================================

هذا هو كان طلبي وآسف على الاطاله في الموضوع ولكن حبي للكيان الهلالي خلاني اكتب وانا غير مصرح لي

حتى الان في كتابة مواضيع ولكن في تقييمها ان شاء الله المشرفين مايقصرون وطلبي منهم انهم

يوافقوا عليه وينزلوه في منتدى الجمهور الهلالي لأن في موضوعي مطلب كبير للهلاليين

وبالتوفيق للهلال في مقبل المباريات القويه القادمه


تحياتي / محب للكيـــآن الهلالي