|
من يطالب بإقالة كالديرون وزعلان تعال أبيك لاهنت .... مساء الخير أحبتي ... هارد لنا التعادل ... ونقوال الحمدلله على كل حال ... عشاق الزعيم أحبتي .. أهدووأ قليلاً واسمعوني بليز ... الله لا يهينكم ... والله عارف حماسكم وحبكم للزعيم ... لكن تعالوا نتناقش بهدوء قليلاً ... ممكن ... تسلموا ... أولاً : كما تعلمون جميعاً مباراة الليلة كانت جميلة وتحديداص في شوطها الثاني ونجوم الزعيم ماقصروا ... ولو وفق الحكم في قراره في هدف الاهلي لكنا فايزين .. لكن نقول الحمدلله على كل حال .... ثانياً : يجب ان نعلم جميعاً أن الاهلي لعب اليوم بشكل منظم وكذلك يلعب بدون ضغوط .. عكس زعيمنا الذي يرزح تحت وطأة تعدد المشاركات والمحاربة على ثلاث جبهات .. فلاعبينا يلعبوا وهم خارجين من هزيمة غير متوقعه أمام الفريق الايراني .. وقابلوا الاهلي وعينهم على الفوز والصدارة .. ويفكرون في مباراة الخميس في نصف النهائي وأمام المنافس التقليدي ... كل هذه الظروف واقول كثر الله خيركم وننتظر منكم أفضل ... ثالثاً : يجب ان تعلموا ان بعض لاعبي الزعيم للتو راجعين من إصابات وهم الزوري ولي يونق والمحياني وعزيز .. لكن نقول الحمدلله ماقصروا ولعبوا وأدوا ماهو مطلوب منهم من وجهة نظري .. رابعاً : السيد كالديرون ربما لم يوفق في مباراة الفريق الايراني لكنه من وجهة نظري أجاد اليوم ((( وفق الأدوات التي لديه ))) فهجومنا صراحة ليس في تطلعاتنا ونريد أفضل من ذلك .. فوالله لو عندنا هجوم اليوم لخرجنا منتصرين بالثلاثه على الأقل ... فالله يعافيكم أهدؤا قليلاً .. ولاتنسوا ان الهلال بحاجتنا جميعاً ناقشوا الأخطاء بعقلانيه وهدوء .. لكن دون مطالبات برحيل المدرب ليس وقتها ونحن في غضم هذه المنافسه الشرسه ... فهل فهمتومني لاهنتم ...والله يسعدكم دوماً ... :::: مقتطفات :::: شكرا أسامه هوساوي وكثر الله خيرك ماقصرت ...وأستمر يابطل والله يحفظك من الإصابات والحسد ... شكرا ويلهامسون ماقصرت كنت موجوداً في عز إحتياج الزعيم لك .. يعطيك العافيه .. شكرا رادوي ماقصرت ويعطيك العافيه رغم شعورك بالالم اثناء التسخين ومع ذلك شاركت وشاركت بفعاليه وروح ... افتقدناك ياياسر .. ترجع بالسلامه .. وافتقدناك يانواف العابد ... كنت أحس أنها مباراتهم ... لكن نقول الحمدلله ... ماجد المرشدي بالله ياكابتن شد حيلك وعد لنا ذكريات ماجد خليجي .. استفد من أخطائك واستفد من وجودك جانب اسامه ... كالديرون بليز ركز معنا شوي ياكوتش .. المرحلة الجايه هي الحصاد .. والله يوفقك ويوفق زعيمنا .... وليد الجيزاني والمصري ابوعلي نطالبكم بالاكثر والأكثر حتى تستحقوا شعار الزعيم .. أحترقوا من أجله بليز ... إدارتنا بليز أدعمونا بمهاجم محلي عاجلاً .. ولاتنسونا مطلع الموسم المقبل من مهاجم أجنبي باااااارز ... وياليت من نوعية الحوسني المزعج والا فيكتور ... شكرا جمور الزعيم في جده ماقصرتوووووووووووووووووا ... الله يعطيكم العافيه .... الحضور الحضور الحضور ياجمهور الزعيم المباراة الجايه ... فالهلال بحاجتنا فلاتخذلوه فكم أسعدنا كثيراً ... ودي وورودي لكم أحبتي ... وعلى دروب الزعيم نلتقي دوماً ... |
شكرا للرفع مشرفي الافاضل ..... |
اخوي لا ظغوط ولا شي المساله مسالت الادراه وعليها حل المشكله باسرع وقت احنا داخلين على اسيويه ولانريد المجاملات الاعب الذي يريد الملايين من اجل ان يلعب عليه ان يجلس في دكة الاحتياط من الان وهذا كل شي لا مدرب ولا سامي ولا هم يحزنون لك كل الشكر |
وشكرا لك يا ذووووووق على الكلام الحلوو والتحفيز وبالتوفيق لك ولشعب الهلال ونادي الهلال بس ياخي والله العظيم شي يقهر اذا شفنا مستوى زعيمنا كذا اااخ ليت اللاعبين يحسون بس ويقدرون شعار الهلال |
لبـىء الروآقة يآ شيخ ... :) أخيراً لقينآ زعيم ( يحلل بهدو و بعقل و منطق ) ...! ^^ مووضعك مشآبه لموضوعي و عآد زر موضوعي ( كالديرون لن يرحل ... ) أتشرف بمرور عقليه مثل عقليتك الذهبيه ... :) بـ التوفيق للزعيــــم . |
الله يعطيكم العافيه ومشكورين على مروكم ... وكلنا مع الزعيم ونحب الزعيم ... والله يوفقه دوم يااارب ... أكرر شكري لمروركم مجددا ياغالين ... وأبشر اخوي عبدالله ولي الشرف ... |
يعطيك 1000 عافيه على الطرح وربي طرح يستحق التثبيت وان شاء الله قادر على العودة لطريق الانتصارات من مباراة الجار يوم الخميس ونبي حضور جماهيري كبير وباذن الله نحتفل بالتأهل والله يوفق الهلال ويعين الفريق من الارهاق والاصابات |
استغفر الله الهدوء مطلوب يازعماء مشكور |
إقتباس:
مشكور اخوي فهد ويعطيك العافيه على الإطراء الجميل والمميز ... وهذا واجبنا وماتمليه علينا عقليتنا ... والله يوفق زعيمنا يارب وان شاء نتبادل التهاني بالتاهل للنهائي ... ودي لك سيدي على مرورك |
شكرا اخوي الامير على المرور ويعطيك العافيه ... واستغفر الله ... والله يوفق الجميع ويهديء بالهم يارب .... |
يجب ان نبتعد عن المطالبة بتنحية المدربين بعد أي خسارة !! والله أحس اللي يطالب بالتغيير بمجرد خسارة أو خسارتين ماله في الكورة .. نفرض ان المدرب ليس بمستوى الطموح على الأقل نصبر عليه شوي .. الأهم نغير احمد علي بمهاجم افريقي ما يرحم وبس وظهير ايمن بس وقلب دفاع بدل المرشدي وبس .. والفريدي يلعب بحماس وبس .. وانا بدل سامي وبس . |
ههههههههههههههههههههههه ... قدها وقدود ياغالي .,.. الله يسعدك ... ويعطيك العافيه والله يوفق زعيماً ... |
مشكور على المجهود ومن المواضيع اللي نحتاجها هنا واصل |
لبـىء الروآقة يآ شيخ ... أخيراً لقينآ زعيم ( يحلل بهدو و بعقل و منطق ) |
إقتباس:
الشكر لك اخوي على مرورك ويعطيك العافيه .... والله يوفق زعيمنا دوماً ... |
| الوقت المعتمد في المنتدى بتوقيت جرينتش +3.
الوقت الان » 03:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd