بسم الله الرحمن الرحيم
السلام عليكم ورحمة الله وبركاته ..

اسعد الله اوقاتكم بكل خير يارب ..
ثواني من وقتكم : ( اللهم لك الحمد حتى ترضى، ولك الحمد إذا رضيت، ولك الحمد بعد الرضى، ولك الحمد على كل حال ) ..


الكثير منا تحامل على لاعبين معينين، او على رئيس مجلس الإداره أو أي إداري بالفريق ..
وهذا الشي بكل أمانه ماهو حل للي قاعد يصير بالفريق من روح إنهزاميه ..

خسرنــا لعدم وجود الروح الهلالية، بالرغم من أن الفريق مدجج بالنجوم بكل الجوانب ..
فمثلا، تاره نسمع تصريح لايوجد صف ثاني بالفريق، وتاره نسمع الفريق به اسماء شابه لاتمتلك الخبرة !!
وهذا الشي جدًا مزعج، لآن بالفعل احنا كَجماهير نحتار هل خسرنا بسبب النقص او او التخاذل او وش بالضبط ؟؟

وبالرغم من تصريح كالديرون ان اللاعبين لايملكون الخبره !
بالعكس، مع اللاعبين الشباب حققنا انتصارات في الدوري، وكذلك قدموا مستويات مميزه لم يقدمها أي محترف ..
الفريدي - العابد - الدوسري - شافي ، اسماء حدّث ولا حرج في اتقان الكرات البينيه ( ماشاء الله ) ..
كيف نقول عنهم قليلين خبره ؟


مشكلة الهلال تكمن في الدلال الزائد من الإداره !
نضحك مع اللاعبين وندلعهم ونعطيهم ، وبالاخير مايعطونا ربع الي خذوه ..
لآبد من حسم المرتبات لكل من يلعب بروح انهزاميه ،
بكل مؤسسة وكل شركة بالعالم، الي مايعمل بجد يقابله خصم !!


متى نشوف الإداره تقرص اللاعبين ؟
ومتى نشوف اللاعبين يصدقون بمقولتهم ( المباراة هذي درس لنا ) ..


بالأخير، اتمنى من الله انه يوفق فريقنا في كل البطولات وكل المجالات ..
ويشهد الله اني من القهر نمت الثلاثاء والاربعاء وحرمت نفسي اشياء كثيره ..
لكن الحمد لله على كل حال ..


بعض النقاط :

* ياسر مرّ بفتره هبوط بالمستوى رغم الانسجام التام وصبرنا عليه ،، ليه مانصبر على أحمد علي الي ما انسجم بشكل كبير !؟

* مشكلة الهلال الغريبه أنه يبغى يسجل ويفوز ، وهو يلعب بمهاجم وحيد ( جديد على الفريق ) والمفترض وجود عيسى اساسي بجانبه ..

* دفاع الهلال يلحق الكوره ويترك لاعبين بأماكن خطره ( مثل الهدف الأول حق سبهان )، والحل الأمثل مان تو مان ..

* من المفترض خلال عرضيات الهلال تواجد لاعبين ع الاقل خلف الـ 18 لإستلام الكره وقت ارتدادها ! وهذي الي افقتدناها من بعد غيرتس ..

* لابد من العمل على البنيه الجسمانيه لبعض اللاعبين ، محمد الشلهوب مثلآ !

* احمد الفريدي، انت صانع لعب مميّز .. خلّك صانع لعب، واترك الهجوم لغيرك




أمامنا مباراة ضد خصم قوِي يوم الأحد ..
راح تكون مفترق طرق ومراجعة حسابات للفريق والجهاز الفني !
وبإذن الله الفوز حليفنا