|
انا من هالمنبر اطالب ,, تعال وقول لنا وش تبي بالضبط بسم الله الرحمن الرحيم الزعماء والزعيمات فقط فقط فقط السلام عليكم ورحمة الله وبركاته أنا من هالمنبر أطالب بالتالي: 1- تغيير رئيس الهلال , مثالي ما ينفع , لازم يكون قليل أدب ومعه خيزرانة ( حاشاه أبو فيصل ) 2- تغيير مدير الإدارة , مو فاضي سامي للهلال مشغول بظروفه العائلية. 3- طرد كالديرون , ما يعرف يدرب وخطته بالمباراة زي وجهه. 4 - إنهاء عقود اللاعبين الأجانب , لم يؤدوا مع كالديرون مثل ما كانوا مع قيريتس. 5- إحضار كوزمين وقيريتس وكندينو لتدريب الهلال. ( خلطة تدريبية علشان تعجب كل الأعضاء في المنتدى ) 6- التعاقد مع محمد نور ونص لاعبي الأهلي لأن روحهم في المباريات عالية. ( لأن لاعبي الهلال ما عندهم روح, ترتيبهم الثالث عشر بالدوري ) 7- التعاقد مع كرستيانو رونالدو وميسي وبنزيمة. ( لأن أحمد علي ما يفهم كرة قدم واللي تعاقدوا معه ما يفهمون ) 8- الإستعانة بالإداريين الرائعين في أندية النصر والإتحاد والأهلي لإدارة نادي الهلال.( لأن إداراتهم مثالية وماخذين بأنديتهم البطولات من 10 سنوات ) 9- التعاقد مع البكيري والصرامي والملحم ومنيف الحربي والدغيثر والدويش بدلا من السليمان والروقي والعلولا والعجلان والهدلق والجحلان وغيرهم , للدفاع عن الهلال لأن إعلاميي الهلال مؤدبين ومثاليين . هذا اللي أبيه واللي مو عاجبه ما يفهم ولا يعرف ولا يحب ولا يشجع الهلال. ( هذي الزبدة ) كل ماسبق رؤى وأفكار وأطروحات مشجعي الهلال في منتداهم وكل يهرف بما لا يعرف, يجب علينا أن نقف مع الفريق ونساند وأن لا نتدخل في ما لا يعنينا , ننتقد بأدب , بوعي , برقي , أو نسكت , أغلب اللي في المنتدى يبي يفوز وبس, طيب الله سبحانه وتعالى ما كتب لك الفوز , تطلع كل السلبيات والأخطاء وكل الموجودين سيئين وما عندهم روح ولا يعرفون يلعبون والرئيس ما حضر ( على فكرة ترا الرئيس عقب كم من يوم يبي يترك الهلال ودوروا لكم على رئيس مثالي مثله ) وسامي الجابر يبي يترك نهاية الموسم وبيروح لقطر ودوروا لكم مدير إدارة مثله. كلامي مو تنقيص بالاخرين والنعم في كل الناس , بس تشجيع للدعم والمساندة لنادينا المفضل ( وترا إلى الآن ما قارنت بأندية أخرى ) ترا حنا وصلنا وقربنا من مسك الختام للبطولات , يعني فترة حرجة ومهمة للزعيم ويحتاج وقفة مو تحطيم , كفاية الإعلامين الآخرين والصحف ودس السم في العسل ومحاولة تشويه الهلال. الزعيم يحتاج أنصاره في الشدائد , شجعوا وساندوا وأعطوه مثل ما أعطاكم تحياتي لكم |
شكرا للمشرفين على الرفع مع عتبي الشديد على تغيير العنوان بدون مقدمات رغم أن المحتوى يعبر عن العنوان شكرا لكم , والعتب بين المحبين مرفوع |
ما قصرت يعطيك العافية مشكوووووووور |
إقتباس:
|
بوووسه على خشمك يابطل موضوع بالصميم صراحه انا ادخل اقرأ اخبار الهلال مجرد ما أنزل تحت اشوف موضوع موضوعين تنسد نفسي واطلع , يعني لو فاز الهلال تلقاهم مسوين تصاميم ويا رباااااااااااااااااااه والفريدي مبدع الثنيان القادم وحسن حامي العرين الهلالي و و و ولو خسر الهلال ياويلكم ياللاعبين وانواع المواضيع والسب مالعبو بروح تكاسلو هذاك بطئ رتم اللعب وهذاك ضيع هجمه << وآآخر شيء هو منسدح تحت الـ tv وجالس يهايط بالمنتدى يحسب انه بكيفهم يجيبوون اهداف قدامهم فريق حواري الله يعين بس , والمدري مايعجبهم العجب له اربع شهوور مريحهم ولا خسارة خسر مرره قالو افشل مرب في تاريخ الهلال الله المستعاااان ع العموم يعطيك الف الف عافيه يابطل وياليت يريحونا من مواضيعهم بس نبي موواضيع مهمه ترفع من معنويات المشجع قبل اللاعبين لأن المشجع يدخل هنا وغالبيتهم تحت سن 20 سنه وينشحن من كلام الاعضاء ويروح الملعب هناك ويفرغها بأذان اللاعبين بس تحصله يلعن باللاعب الله المستعان ويقول مايعرف يلعب << وهو ياكل فص فص بالمدرج يا سااتر يرحم امكم فكونا خلاص نبي مواضيع حلوه مواضيع هادفه ارفعو معنويات اللاعبين بلاش تطبيل بلاش سب وشتم بلاش من قولة المدرب فاشل لازم تنسقون فلان وتجيبون فلان في ادارة واعية وفيه ناس احسن من ي ومنك ,,, كلي أمل ان ارى جماهير وفية تقف وقفه واحده لتساند الهلال في مستقبل الايام ... شكرآآآآ وآآسف ع الاطالة |
وانا اطالب من هالمنبر ان ترفع لك جميع العقل لأنك كاتب مش معقول لك مني كل حب واحترام |
انا مستغرب اول هزيمة في الموسم و الجمهور ولع نارر على الفرييييق ليييييييييه كذا يعني كيف الاندية الثانية تنهزم في الموسم 10 هزايم ولا 7 هزايم !! ملاحظة / لازم تتقبل الهزيمة زي الفوز . كرة القدم فيها فوز و خسارة و تعادل . |
قد يكون هذا فكر أقليه من مشجعي الهلال بينما الأغلبية هم من أنصار الفرق الأخرى تريد من عملها زعزعة الكيان الهلالي وإحداث المشاكل فيه وهذا فكر يدل على قصور بالفكر فالمشجع الهلالي يساند الهلال في جميع حالاته تقبل مروري وشكرا لك |
إقتباس:
شكرا لمرورك ولوعيك |
لازم تتقبل الهزيمة زي الفوز . كرة القدم فيها فوز و خسارة و تعادل . |
كفوو والله ما ادري وش بلاهم جمهور الهلال ادعموا الزعيم .. ما قصرت يا غالي كثر الله من امثالك . |
| الوقت المعتمد في المنتدى بتوقيت جرينتش +3.
الوقت الان » 07:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd