|
بأمر أعضاء منتدى الزعيم .. ثلاث لاعبين ممنوعين من النقد ...لاعب ممنوع من الانتقال السلام عليكم ... هارد لك المباراة الآسيوية ... خسارتنا ماكانت مستغربة لأنها مستحقة عطفا على الاداء والروح والانظباط داخل الملعب .. والله يجعلها خيرة ان شاء الله حتى يعرفون عيالنا ان الكورة مافيها كبير وانها تخدم فقط من يخدمها... درس و ان شاء الله يكون مفتاح الآسيوية هالسنة ... وعلى فكرة ذي اول خسارة لكالديرون من يوم ما استلمنا ..الله يرحم ايام كنا نحوس ندور مدرب يمسك الفريق من نص السنة وتجينا الهزايم اشكال الوان ..فاكرين بعد ما اخذ المنتخب باكيتا ؟؟ ولا يوم طردوا كوزمين ؟؟؟ كيف كان حال الفريق وكيف حال الفريق الحين ...فرق شاسع جدا .. كالديرون عمله جبار مع الفريق بس مشكلة اللي ما يذكرون ... المهم لاحظت ان صارت عندنا عادة شينه جدا جدا بعد أي مباراة سواء فزنا او تعادلنا او خسرنا ... نجلس ثلاث ايام بلياليها واحنا ننتقد ننتقد ننتقد :ranting::ranting:...اللي ينتقد الرئيس واللي ينتقد سامي واللي ينتقد كالديرون واللي يتنقى له لاعب من التشكيلة ينتقده ... صار الموضوع ادمان وحششنا على هالمواضيع اللي لا تسمن ولا تغني من جوع ... بعض الاحيان اقول يا رب ما يخش فلان المنتدى ويقرأ الكفر البواح اللي اتهمناه فيه ...و يارب ما يخش علان ويقرا السب والشتم لأن مستواه اليوم حلو بس بعض العينات من الجمهور مدري وش تبي من هالحياة وما اعرف كيف تقرأ المباراة اذا كانت تعرف تقرأ اساسا :ranting:...ولاحطت انكم في بعض الاحيان تعينون الاعلام الاصفر في هجماته على لاعبين محددين .. فياليت كلنا نوحد صفنا و نعرف قدرة منتدانا على توجيه الرأي العام الهلالي ونتوقف عن النقد لمجرد النقد ..النقد لمجرد ان العالم تعرف انك تابعت المباراة ...النقد وانت في حالة من الاندفاع - وذي تجي بعد المباراة مباشرة تجي اعصابك مشدودة و تطلق رشاشك على هاللاعبين الضعوف اللي انكرفوا في المباراة وتقول فلان غاثني وفلان ما يعرف للكورة - رجاء رجاء رجاء ..لا جيتوا ليلة المباراة معصبين لا تدخلون المنتدى ترى بتكتبون كلام تندمون عليه و ترجعون بعدين تقولون كيف كتبنا هالكلام وياما صارت معي :cry:- نرجع للاعبين فريقنا واقول ان كلهم فيهم الخير والبركه ..واكيد انه يلعب بكل جهده سواء بانت هالروح ولا لا ..يعني لا تصدق اننا نخاف على الفريق اكثر من اللاعبين ولا نحس بألم الهزيمة مثل ما يحسون هم فيه ... هم اكثر ناس يتأثرون خصوصا المخضرمين - من قال الشلهوب لبى قلبه والله :smilie47:- لأن الجمهور يكون معتمد عليهم في الفوز فيحسون انهم خذلوا هالجمهور لا خسروا ... فياليت نخفف النقد ..اللاعبين يبذلون جهدهم في ظل تشبع محلي من الفوز .. صدارة بعيدة عن الآخرين ... اخبار عن مغادرة سامي والرئيس فاللاعبين يحتاجون من يدعمهم و يطمنهم هالفترة .. واتوقع هذا اللي سواه شبيه الريح يوم اجتمع معهم وان شاء الله نشوف النتايج في المباريات الحاسمة الجاية ... نجي للاعبين الفريق الممنوعين من النقد ... وانا ما اطالب بعدم نقدهم لانهم ما يخطون ..هم بشر ولهم اخطائهم ولكن هاللاعبين بحاجه للدعم في هالفترة بسبب الهجمات الضارية ل اللوبي الاصفر هم يواجهون النقد من الآلة الاعلامية الصفراء واحنا ننقدهم - احنا جمهورهم اللي ياما فرحونا .. وياما هتفنا باسمائهم .. وياما وياما ...- يعني كانهم يواجهون حرب داخلية خارجية .. وهالشي راح يستهلك طاقاتهم ونلقاهم يسحبون رجوهم في الملعب تسحيب ... الله لا يلومهم كيف يلعبون والكل هاب عليهم ؟؟ بالله عليكم شوفوا جماهير الاندية الثانىة..عمركم شفتوا احد ينتقد محمد نور من الاتحاديين على كثر مشاكله و انخفاض مستواه و كروته ؟؟ لا طبعا هذا علم من اعلامهم عمركم شفتوا نصراوي ينتقد كوهيلان :d.. لا طبعا ..هذا على كثر خنبقاته و نكته عمركم شفتوا ليفربولي انتقد جيرارد على انخفاض مستواه ..لا طبعا .. هذا ولدهم ..والضنا غالي:d <برا ... المهم اللاعبين الممنوعين من النقد بامركم يالجمهور هم : اولا : ياسر القحطاني ... ياسر هذا في فترة من الفترات كنت ادخل المنتدى اقرأ الاخبار الرسمية من الادارة واطلع ...ليه ؟؟ هجمه شرسه عى الرجال وفين ؟؟ في معقل فريقه ...كل المواضيع تنتقد ياسر ..ياسر عمل ياسر فعل ... يعني هالبني آدم اللي اسمه ياسر اذا دخل المنتدى بالغلط وشاف هالوضع كيف بتكون نفسيته؟؟ مع العلم ان علاقته بالنت طيبة اتوقع انه كل يوم داخل هنا ... اكيد انه تاب بعد ذيك الفترة وقال لابو النت لابو من جابه ..والغريب فعلا انه بعض الجماهير ينتقده كأنه ماكل حلاله والله .. يشتم شتيمه ويسفل فيه تسفيل ..شكيت ان بينه وبين ياسر ثأر شخصي ... واللي ينتقدونه وهو راجع من اصابه ويقولون ثقيل وخرابيط .. بديهي انه ثقييل ماهو راجع من اصابه .. واللي يقول ياسر ما هو غير ..الا ياسر غير ونص ..من عنده شك ان ياسر غير .. الله يرحم ايام كان يسحب في كوبري نكر بن كريري المنتتشري< يا قدمي فاكرين ذي الذبة ... لو ابكتب عن مآثر ياسر عشر صفحات ما تكفي .. من ينسى هدفه الخيالي في الشباب ..من ينسى قيادته الرائعه للمنتخب 2007 ... من ينسى تكتيمه للنصراويين اول بأول .. وعندما يسجل ياسر في النصر فان الهلال لا يخسر- الله عليك يا فارس عوض - ولا ناسين يوم البرنس يمرر للكينغ و الكينغ قووووووول - الله عليك يا شوالي ... احد ينسى يوم فضل عرض الهلال الاقل باكثر من النص على عرض الاتحاد اللي ضرب ال50 مليون ولبس بعض ناس عباية.. وهو يقدر يقبله ويقول انا لاعب محترف في زمن الاحتراف و اروح للي يدفع اكثر وبأمن مستقبلي ... لا احد يقول انت تتمنن علينا باللي سواه لا والله بس ان كنت ناسي حافكرك ايه ياسر غير غير غير .. مع العلم ان انتقادات هالموسم بالذات مال ابوها داعي يعني راجع من اصابة اول الموسم و ما دخل الا متاخر وينافس على صدارة الهدافين و ضغوط مع المنتخب و هجمات صفرا ..الاغبياء يقارنونه مع الحارثي ومعاذ ... شفتوا دلاخه اكثر من كذا ...هل يستوون ؟؟ لا والله ما يستوون .. ياسرنا غير :smilie47::smilie47::smilie47: طبعا الحين ياسر راجع من اصابة واكيد اول مباراة يلعبها بيستلمه الجمهور .. فهذي ضربة استباقيه للنقد الجايs121s ثانيا : ميريل رادوي .. صح ميريل ما بيدخل ويتأثر < اهم شي بس تظل وجهة النظر الشعبية في الملعب متأثرة باللي يطرح في المنتدى .. يا خوفي بس يجي يوم تهبون عليه مثل ياسر عز الله لينتقل للقطريين ولا هو سائل عنا ... صح اني ما شفت حملات و شعارات و تسفيل بس بصراحه اشم ريحتها وانا جالس في مكاني :yes:..الحملات الصفراء من جهه .. وانتوا من الجهه الثانية .. والغريب ان لعبه الرجولي الرائع فيه ناس بالمنتدى مصرين انه عنف .. كفاية انه هو الهلالي الوحيد اللي يخافون لاعبين الاندية الثانية من الاحتكاك معاه - كلك هيبة يا قيصرنا الروماني :smilie47:- واللي يشوف انه يستحق كروت و عقوبات وخرابيط .. عيوننا و عيونهم مفتوحه على لاعبينا لكن لاعبين الاندية الثانية من حقهم التكسير والانبراش وهذا جزء من كرة القدم :s3s:..ما بافتح ملف لاعبين الوحده من جديد بس اللي واضح انهم مخططين له من قبل المباراةولاكيف يتفق لاعبينهم على استقصاد لاعب هلالي واحد واللاعب يشتكي اكثر من مرة ولا احد معبره في الاخير هو بشر وضاق من مضايقاتهم فآخذ حقه بيده وما الومه ..انا لواني مكانه والله لاتوطى ببطونهم مو بس اعطي بوكس...شي غريب امركم يا جمهورنا ..حطوا نفسكم بس مكان اللاعب الافضل في الدوري السعودي بلا منازع والمحارب من كل الجهات ... الاغرب هو تأثر الادارة بالحملات ...ما بانتقد وانا قايلكم لا تنتقدون بس اللي صاير ان الالة الاعلامية الصفراء صارت تؤثر على صناع القرار في الهلال فكيف نلوم اعضاء اللجان على تأثرهم بها ؟؟؟ الكلام اللي قاله الامير عبدالرحمن على رادوي ما كان له داعي ابدا و هو اللي استغلوا كلامه و حوروه مو مرة الا مرات .. صار شماعه ان حتى رئيسنا معترف بخطأ اللاعب فكيف ما يعاقبونه .. الزبدة ان الدهاء الاعلامي المفروض يكون عند اميرنا ... اذا اخطأ اللاعب عاقبه انت بالسر لكن في الاعلام قول انه ما اخطأ و زبد للاعبين المنافس وانهم هم المخطين:yes: .. لا تعطيهم العذر لمعاقبة لاعبينا ..لا تعطيهم عذر لتأليب الرأي العام ضدنا .. .. وغير كذا سحب الكابتينه من رادوي و اعطاءها لهوساوي.... يعني بترضين من بهالتصرف يا ادارتنا ؟؟ الاع لام :ranting: اللي انتقد الكابتنية على ذراعه المغطاة بكم طويل ..شفنا كيف ينخفض مستوى اسامه بمجرد ما يحطها على ذراعه ..يعني حرمنا الفريق من تميز افضل مدافعينه وحرمنا الفريق من كابتن يعتمد عليه ... س سؤال ...تخيلوا لو كان رادوي الكابتن ..هل تتوقعون كنا بنخسر المواجهة الاسيوية ؟؟؟ وبامكاني ادرج اكثر من تصرف للادارة يفتقد للدهاء لكن الموضوع موضوع مسانده للاعبين فالكلام اللي فوق بس عشان احطكم في الصورة وكيف انه افضل لاعبينا الكل ياكل حقه والمطلوب منه انه يسكت .. المسانده الصادقة من كل الجمهور الهلالي ممكن تعوض على رادوي وتخليه يستأسد اكثر و اكثر في وجه الخصوم :rose: ثالثا : احمد الفريدي ..هاللاعب الفنان .. فيلسوف الزمان .. موهبتنا القادمة بسرعة الصاروخ ...ماشاء الله عليه.. يقدم شغل جبار جبار جبار هالموسم- بغض النظر عن المباراة اللي فاتت لانها كانت للنسيان من جميع اللاعبين - مركز خلف المهاجمين يناسبه بقوة:smilie47: .. لعب مسكت و رايق آخر روقان ..وابداع منقطع النظير وتخلص من بروده الموسم اللي فات ...لكن اللي صاير من الجمهور اغرب من غريب ما فيه يوم يمر الا والقى موضوع جديد ينتقد الفريدي ....جميع المباريات اللي شارك فيها الفريدي هالموسم كان لعبه خيالي حتى في مركز المحور ..... كنترول وتحظين على الكورة وطقطه ..لاعب متكامل جدا .. وبعد كل مباراة ستين الف واحد يسفل فيه .. من جدكم ؟؟؟ بعض الاحيان اقول ان اللي ينتقدون شافوا مباراة غير اللي شفتها ..وبعض الاحيان اقول تعودوا ينتقدونه ... يا ناس تعوذوا بالله من الشيطان ولا تقتلون موهبة بهذي الروعه بكثرة النقد الهدام ..اتحدى تلقون لاعب بمثل نوعية الفريدي في السعودية كلها ..في الخليج كله .... الله يحميه من الاصابات والمنبرشين وان شاء الله بتشوفون الفن ... بس خفوا من النقد اللي ماله داعي .. اللاعب صغير ومشواره طويل وبيكون له اخطاء بس لا تحملون الامور اكثر مما تحتمل s13ss13ss13s اللاعب الممنوع من الانتقال اكيد كلكم خمنتوا من ... اللاعب المنضبط الداهية الفنان الي يجري كأنه ولد عشرين ما شاء الله لا حول ولا قوة الا بالله ... لي يونغ بيو:smilie47: ... هاللاعب يقدم أداء روعه ..اكثر من روعه و لياقة رهيبة وتغطية جيده للدفاع و هجمات منظمه ... لاعب متكامل وبرضه اتحداكم تطلعون لاعب سعودي مثله ..قال شبيه الريح انه ما راح يجدد معاه وانا اقوله تكفى ترى تكفى تهز الرجاجيل..تكفى جدد معاه ..موسم او موسمين ..ودي كذا يشيل كاس آسيا بفنيلة الهلال:smilie47: -ان شاء الله - اتذكر يوم كان يتفشخر على الجرايد الكورية اننا بنهزمكم لا قابلناكم في الآسيوية وربي ما كتبها ...بس ان شاء الله انه بيكتبها هالسنه للهلال وبنصقع الكوريين ونشوف المزيونه بيد ابو بيو ... وبهذي المناسبة باسدح لكم خلفيات البي بي ذي وتصير حملة على الجوالات s121s ..خل نوحدها لنطالب الادارة الهلالية بالتجديد معاه ... على الاقل الى ان نجد بديل افضل من البدائل الموجوده حاليا .. http://img696.imageshack.us/img696/7136/112cp.png http://img846.imageshack.us/img846/9953/dsfd.jpg http://img19.imageshack.us/img19/6145/113j.png وختاما ..هذا عتب عليكم يالجمهور وفي رواية نقد لكم :smilie47:..فان اصبت فمن الله ..وان اخطات فمن نفسي والشيطان ...ولا تنسون سورة الكهف اليوم جمعه وفضلها عظيم :rose: |
مشكور اخوي أتفق معك في جزئيات من النقاط !! لي يونغ أتفق معاك أنه يجب إستمراره مع الزعيم .. رادوي لاعب خيالـــي ويلعب برووح عالية .. أمــا ياســر فهو يقدم مستوى يهبــط ويرتفع نفس الوقت لكن نتمنى أن يرجع كمــا كــان عــام 2007 وأنا مع النقد الهادف ليااسر وليس النقد التجريحـــي !! تحياتي لك:rose: |
:razz:يعطيك العافيه خيو على الموضوع .. والمرعب من عنوانه . لكن الموضوع طويل يملل القارى له .. يعافيك ربي |
هذا ما تحدثت عنه .. وهذا ما حذرتُ منه .. الانتقادات الزائده . والكلآم الذي لآ جدوىآ منهُ . نعم ننتقد ونحزن ولكن ليس بـ اطول من ساعات بعد المباراة .. فقد اعطانا من البطولات ما يشفع له هذا الكيآن الهلآلي . وهؤلآء بـ صيحاتهم يشعروننآإ بانه لم يقدم لنا شيء !! هداهم الله وياسر وميريل رادوي ولي يونغ وجميع النجوم بالهلآل يستحقون مثل ما ذكرت عن هؤلاء النجوم الاربعه .. ونحن وآجبُ علينا مساندتهم والوقوف معهم بـ السراء والضراء .. بالتشجيع والدعم . كل الشكر لك على الموضوع الهادف واتمنى ان يتفهمه الكثير تحيتي لك ووآفر شكري |
إقتباس:
يعطيك العاآاآاآاآفية |
يا خي مانختلف ان يااااسر قدممم مستوى مع الهلال غير طبيييييييييييييييييعي يعني الجمهور عشقه عشق غير طبيعي لكن الوااقع يقوول ان ياااسر مو زي ياااسر 2007 بشهااادة اغلب الجمهوور !!! انا اللي قااهرني ان في جمهوور مايبون احد ينتقد يااسر !!! واذا انتقدنااه يقولون انتم نصراويين وانتم مدري ايش اي لاعب ينخفض مستوااه وهذا شي طبيعي لكن اهم شي مانرووح نطبل ونقول ما انخفض مستوااه ياعالم افهموا اذا انا انتقدت يااسر مو كررره فيه لا وربي بس لاني احبه وماني متعووود ان يااسر ينخفض مسسسستوااه لكن الي قااهرررني جمهور اللاعبين >> صرراااحة 40 بالمية من الشبكة اللي يشججع ياااسر واللي يششججع رااادووي واللي يشجع الشلهووب هذا شي اتمنى يرووح عن المنتدى ارجع لموضضضوووعك يااااسر لاعب كبيييير ومن حبنا له ننتقده وهذا شي طبيعي لكن في جمهوور غبي اذا انتقدنا يقوولون انتم تكرهووونه ويبوننا نطبل له لين مايصير دااااااااااااااااج اللي نكب الحاارثي ومالك تطبيل الجماهير لهم واذا ضللوا المطبلين اخششى يصير ليااسر ماصار لهم ودي |
كلامك جميل لكن هناك بعض النقاط أتحفظ عليها ... مشكور يالغلا ,,, |
هلا فيكم ... وليد -ABO AL ياسر كان مستواه قبل توقف الدوري رائع ونافس على صدارة الهدافين ... وبعد عودته مع المنتخب اصيب ... كيف ننتقد لاعب مصاب ...هذا وهو ما لعب عاد كيف لا لعب ...بنعلق له مشانق مثلا ً ... عازم الحربي يا اخي اقرا الموضوع على رواق وبعدين عقب ... اهم شي وصلت الفكرة ولا لا؟؟؟ ~! sary 20 !~ شكرا على المسانده .. النقد في هالمرحله بيضر اكثر مما يفيد .. مشكورين على المرور |
, وآلله لٍ آلكَوري وحششِه , آعذرني , لو آلموضوَع منسسٍق ششِوي ومختصَر كآن آفضِل } , لآهنت , |
كلام كبير مبدع في الموضوع واصل ياكبير مشكور |
من جد اهم شئ سوره الكهف والله انها نور لك طوال الاسبوع |
............................... والله كلامك عين الصوآآب بالادارة والاعبين كلامك بمحله اما بالنسبه لياسر من يوم جا للهلال ما وقف الجمهور معه الا موسم وااحد بس..!!! ورادوي المشكله ان فيه اعلاميين يسموون انفسهم هلالاليين والجمهور يشوفهم هلاليين ومع ذلك ينقدون راادوي وينتقدون الجماهير اللي تسااند رادوي بالمدرجاات..!!!!!! ............................... تحياتي..:rose::rose: |
كلام مميز تستحق عليه الشكر هذي اول هزيمة وشبو في الفريق عاد كيف .. لوكان الاهلي والخساير وش صار في الجمهور يا رب توصل فكرة الرجال .. للجمهور . |
اللاعب الممنوع من الانتقال اكيد كلكم خمنتوا من ... اللاعب المنضبط الداهية الفنان الي يجري كأنه ولد عشرين ما شاء الله لا حول ولا قوة الا بالله ... لي يونغ بيو:smilie47: ... هاللاعب يقدم أداء روعه ..اكثر من روعه و لياقة رهيبة وتغطية جيده للدفاع و هجمات منظمه ... لاعب متكامل وبرضه اتحداكم تطلعون لاعب سعودي مثله ..قال شبيه الريح انه ما راح يجدد معاه وانا اقوله تكفى ترى تكفى تهز الرجاجيل..تكفى جدد معاه ..موسم او موسمين ..ودي كذا يشيل كاس آسيا بفنيلة الهلال:smilie47: -ان شاء الله - اتذكر يوم كان يتفشخر على الجرايد الكورية اننا بنهزمكم لا قابلناكم في الآسيوية وربي ما كتبها ...بس ان شاء الله انه بيكتبها هالسنه للهلال وبنصقع الكوريين ونشوف المزيونه بيد ابو بيو ... وبهذي المناسبة باسدح لكم خلفيات البي بي ذي وتصير حملة على الجوالات s121s ..خل نوحدها لنطالب الادارة الهلالية بالتجديد معاه ... على الاقل الى ان نجد بديل افضل من البدائل الموجوده حاليا .. http://img696.imageshack.us/img696/7136/112cp.png http://img846.imageshack.us/img846/9953/dsfd.jpg http://img19.imageshack.us/img19/6145/113j.png أكيد هو الاعب المنظبط وأتمنى له التوفيق في مباراة الاهلي وأوفقك الرأي على هذه النقطة |
كلام عاطفي اتمني من ابوفيصل يجيب بديل لياسر يكون اجنبي وافضل منه لان ياسر عمره تقريبا 29سنه وقدم وضحي ولعب حتي وهو مصاب ولاكن ياسر مايقدر يستمر اكثر من خمس سنوات اما ابوكلبشه اتمني جلب مدافع بجانبه واتمني منه ان يركز في الكرات العرضيه وان لايغمض بعيونه اثناء ضرب الكوره واما رادوي وافيفي كل شي واما الفريدي نجم في كل الاحوال واتمني التوفيق للزعيم امام الاهلي |
| الوقت المعتمد في المنتدى بتوقيت جرينتش +3.
الوقت الان » 02:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd