04/03/2011, 07:49 AM
|
 | زعيــم مميــز | | تاريخ التسجيل: 07/01/2009 المكان: ArAr
مشاركات: 2,666
| |
|
ياللهول سامي الجابر يتحمل المسؤلية , والزبدة الموسم الجاي يا هلالنا الان المهمه سهله
بسم الله الرحمن الرحيم
هارد لكم على الخسارة , نقول خيرة ان شاء الله , خسارة بالوقت هذا افضل من انها تكون في وقت متأخر , وان شاء الله هذي الخسارة تفتح عيون الادارة واللاعبين في المواعيد و المباريات القادمة سوا في الدوري او في ابطال اسيآ .
من بعد انتهاء المباراة سباهان اصفهان الى الوقت الحالي وفي اصوات تطلع وتقول سامي يتحمل نسبة كبيرة من المسؤولية , في اصوات طلعت وتقول انه هو اللي جاب كالديرون و اصوات اخرى تقول ماحفز اللاعبين .
اولاً المدرب جاء بعد اجتماع بين اعضاء الادارة واتفقوا على كالديرون لان هو الانسب وانتم تعارفين القصة مايحتااج نعيد ونزيد , ام عن تحفيز اللاعبين سؤال الحين وش عرفهم ان سامي ماحفز اللاعبين او ماعنده الخلفيه في تحفيز اللاعبين , هل كانوا متواجدين في غرفة الملابس ..؟؟
الى كل من انتقد سامي الجابر , وكل الجمهور الهلالي , من متى وتطلع عندنا اصوات تحمل المسؤولية لمدير الكرة بعد نهاية المباراة بسبب الخسارة ..؟؟
هل لانه سامي الجابر  .
ببساطة سامي الجابر مستهدف , واكبر دليل ماحصل له بعد المباراة ..!!
اول تنتهي المباراة والكل ينتقد لاعبين او المدرب والى اخرهـ وما قد سمعنا انتقاد لمدير الكرة الان ماشاء الله نسمع اصوات وبكثرة لـ انتقاد اسطورتنا سامي هل لانه احترافي ورجل يتعب في عمله ومخلص للهلال نسمع بـ اصوات نتتقدهـ ما ادري يبوون سامي يدخل ويسجل لهم اهداف , والله والله والله لو تقول لهم ما هي الادوار التي يقوم بها مدير الكرة اجزم انهم ما يدركونها .
سامي الجابر حبيناك كـ لاعب , وابهرتنا كـ مدير للكرة اثبت انك احترافي وان فكرك عالي اكبر من الدوري السعودي وانت مكسب كبير للكرة السعودية كلاعب و إداري ناجح الى الامام يابو عبدالله
في نهاية موضوع سامي : ما راح يمر مدير كرة مثل سامي الجابر سوا في الهلال او في السعودية او حتى في اسيآ .
عقلية بسم الله ماشاء الله , والله ان حنا محسودين ان عندنا عقلية مثل هذي العقلية الرائعه واكبر دليل الان بعض الاندية تريد ان تعين في منصب مدير الكرة اسطورتهم السابقة او لاعب سابق كبير , لان سامي ناجح ويتوقعون اي لاعب كان يلعب في النادي اول راح ينجح مثل سامي مايدرون ان العقليات تختلف .
انا صراحة استغرب من المتشائمين يعني لهذي الدرجة اللي يقول خلونا نركز بالدوري خلاص باي اسيآ من مباراة واحدهـ , يؤؤؤ معقولة وصلنا للمرحله هذي ..؟؟
الهلال لو يلعب بالصف الثاني راح يتأهل لدور الـ 16 وهذا مايتحاجه في الموسم الحالي لان الزبدة والحصاد في الموسم الجاي , الموسم الجاي يبدا الشغل يبدا المرحله الثانية مو دوري ابطال اسيآ اللي هي مرحلة الـ 16 وزعيمنا عنده الفرصة الكافية انه يفسخ عقد لاعب او يجيب لاعب الوقت بدري والحكم من اول مباراة صعب , ولا نعطي الامور اكبر من حجمها صحيح خسرنا في اول مباراة ترا يا شباب الهلال نادي مثل باقي الاندية يفوز ويخسر ولو ان حنا ماتعودنا على الخسارة ولله الحمد بس نبقى نادي .
الخسارة الاولى تفتح عيوننا على اشياء كثيرة , وبالنسبة لي صحيح اني زعلت بسبب الخسارة وهذا شي طبيعي , بس بعض الجماهير اعتبرها نهائي وخلاص وانتهاء المشوار , باقي لزعيمنا خمس مبارياات يستطيع الفوز بكل المبارياات ويستطيع التأهل لانه زعيم اسيآ والمستحيل ليس هلالي والبطولة بأذن الله راح تكون هلالية .
يعطيكم العافيه .
اخر تعديل كان بواسطة » Lionel Andrés Messi في يوم » 04/03/2011 عند الساعة » 08:12 AM |
الوضع المتطور
