|
الي جميع من حمل الفريدي مسؤلية الخساره ... اليك هذا الفيديو .. واحكم بعقلك لابعاطفتك ..! طبعا كثير من الجماهير شنو حملة على الكابتن احمد الفريدي ... بل وصفه البعض باابشع الالفاظ وبصراحة الكابتن احمد الفريدي صحيح بطأ رتم اللعب في كرة مرتدة .. نرفزتني كما نرفزني الاعب الاشقر ولي .. طبعا انا رفعت مقطع بسيط عباره عن هجمتين الهجمة الاولي في الدقيقة 34 .. والهجمة .. الاخرى في الدقيقة .. 37 الهجمتين من صنع الفريدي ... الهجمتين كانت اهداف محققة اضاعها لاعبان مبدعان اخران لن اقول عنها الا لم يحالفهما الحظ ... ورغم ذلك لم نرى من ينتقدهما ولو بكلمة ... الفريدي اخطأ .. ولكنة صنع كوره صعبة اضاعها لاعبان احد الكرات ببرود والاخرى عدم توفيق فلماذا المشانق ضدة رغم صنعه لاهداف محققة اجزم ان الفريدي لم يجد مهاجم يترجم فرص ... والا لكان من افضل صانعي اللعب فالسعودية والان شاهدو هذا المقطع القصير ... وانا لم اتفحص اخطاء احد او ابداع احد ولكن اريد ان انصف رجل ظلم كثيرا ... YouTube - ‫فرصتين محققة من صنع الفريدي اهداء لمن ظلمة‬‎ لنكن واقعييين اكثر .. ماذا صنع باقي الاعبين نريد مقاطع تثبت ذلك ...!! |
مآ قلنآ عنه أي شيء لآعب كبير وصآنع مميز ولآكن عيبه الوحيد بطئه في اللعب وبرودته اللي قتلتنآ فقط لآ غير ! وأنآ موب مقتنع فيه من نآحية برودته لآ أقل ولآ أكثر يعطيك العآفية ويشرفني أإول رد ,,, |
مايحتاج الفريدي ماشاء الله عليه مبدع ولا يختلف عليه اثنان انا قاهرني انهم ضده والعابد يخطي وتلقى جمهوره يطبل |
ههههههه ياخوي جايبلي لقطتين و قلت انه فنان والله لاعب بارد و شايف نفسه في خويي قال انتو في الدوري تفوزون و كل شي ليه في اسيا ما تفوزون قلتله اسيا عقده للهلال قال عقدة الحين و زمان لا ! قلت الجيل الذهبي راح قال والله الحكام هنا و كاس اسيا مافي العريني ولا ابو زندة !! بديت اشك والله |
ايش الجديد تعودنا دايما الهلال يطلعون روحنا على بال ما يجيبون هدف وحنا كالعادة ما ننتظر هدف من اول هجمة لازم تضيع 10 فرص وال 11 المؤكدة جدا تضيع بعديين صدفة ال12 من كورة سهلة يدخل هدف من لاعب غير مهاجم وبعد الهدف حالة استهتار وبرود من كل الاعبين وتظييع فرص سهلة وقام القول وبعدها الفريق الخصم يجيب هدف يتذكرون اللاعبين ويصحون شوي قبل نهاية الشوط الثاني ويمكن تجي او ماتجي ونقعد حنا على اعصابنا الى نهاية المباراه يعني خطط هلالية تشويق يعني عشان تصير مشدود ومركز كل المبارة ما يريحونك على طول هذا سيناريو كل مبارياات الهلال اتمنى اتمنى يجينا مهاجم قناص مثل البرنس توقو ونستغل قوة الوسط اللي عندنا اللي توفر للهجوم كرات بالهبل والله لغير نظرب كل الفرق بالخمسات وفي النهاية ماهو بس الفريدي بارد شوف ركض نامي في المباراه وانت تعرف خايف وعلى اعصابه بس يدور احد يرف يده عشان يناول له الكورة وكأن الكورة عليه مثل ثقل الجبال وفي النهاية نبي قاااااااااااااااااااااائد شخصيه قيادية في الفريق ترفع المعنويات كل لاعبيننا مهزوزين بستثناء العابد ورادوي لكن خربوهم حسبي الله عليهم اعتذر اذا اخطيت بحق الاعبين اللي احبهم لكن صدقوني من قهري وحبي للهلال |
إقتباس:
طيب ليش تضحك ...!! انا ماقلت انه لاعب مبدع ودورت لقطات له .. انا قلت انه صنع في هذه المباراة المشؤمة ... بعكس الاخرين ورغم ذلك سهام النقد كله ضدة ... ليشششششششششششششش ؟ هاه |
الاعب لاعب في جميع دقائق المباريات بصراحه الفريدي يحطم موهبته بنفسه اذا لم يتخلص من بطئه وقتله للجماعية واللعب على الفرديات |
ياخي حنا ما قلنا شي من الهواء وحنا نعرف كوره حنا قلت ما يعررف يلعب..؟؟؟؟ حنا قلنا الولد بارد يلعب للمتعه في وقت ماينفع غير الجد والحركه.. لين متى وحنا ندلع وحنا نقول هذا الكلام لمصلحته لو الولد يكون اسرع في لعبه بيكون مصييييييبه ... تحياتي.. |
من افضل اللاعبين عندي احمد الفريدي ولكن هو صغير يلزم ان يحرك الكورة بشكل اسرع , كل التوفيق له , يسعدني ارد على موضوعك يامميز |
سبحان الله اغلب اللي يغلطو عالفريدي مسجلين لهم سنة او سنتين بالكثير فالمنتدى ياجماعة بالله قولولي هجمة العابد هذه والله كورة مايصلحها الا لاعب كبير ونفسها جت للايرانيين تقريبا جابو منها هدف العيب في استهتار وتسرع امام الباب من بعض اللعيبة ولا للفريدي ذنب تروه لاعب كبير لاتفتلوه حرام عليكم |
ياحبيبي الي يبي يقلد يوسف الثنيان ........ غلطااااااااااااااااان |
ياخي هالمطبلين مدري وين بيودونا والله ما ضيع الفريدي إلا لأن فيه ناس يطبلون له هاللاعب لا يحترم الجمهور لاعب يلعب لنفسه والجمهور باللعنه لنا كم سنة وحنا متحملين بروده وثقل دمه في الملعب لكن للصبر حدود اذا الفريدي بيستمر بهالمستوى أتمنى يضف عفشه في أقرب وقت ولا عزاء للمطبلين |
|
بس يبدع الفريدي يغيرون رايهم فيه .. الفريدي لاعب كبير .. بس الي نطلبه منه هو التركيز ، ويجتهد اكثر .. حنا طماعين .. يعني اكثر واكثر .. قدها وقدود يا الفريدي .. انا من المعجبين في الفريدي . والطريقة الي يلعب فيها هي . سر نجاحه بتوفيق ياالفريدي |
هذا وانتو هلالية كذا مختلفين من امس عالفريدي بهذي الحدة احب اذكركم في البداية انة في ناس امنية حياتهم يشوفونا مختلفين وهذا عندهم بطولة وثاني شي صدقوني الفريدي والله نجم كبير في فنياتة والي شهدولة نجوم كبار لكن فنفس الوقت لا احد ينكر برودة الزائد عن حدة الي بسببة تموت هجمات كثير ورغم ذلك الا انة لايشفع لبعض من انتقدة بانتقاد حاد وجارح ولا بد ان نرتقي في نقدنا لنثبت تميزنا في كل شي مع تمناتي للجميع اللاعبين بالتوفيق . تحياتي |
| الوقت المعتمد في المنتدى بتوقيت جرينتش +3.
الوقت الان » 03:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd