نادي الهلال السعودي - شبكة الزعيم - الموقع الرسمي

بسم الله الرحمن الرحيم

مدري ليه يجي أوقات يكون الحزن عالي
ويجي اوقات لا تكون فرحااااان ونفسك عال العال ..
بالله يجيكم مثل كذا ؟
اوأنا اللي دايم اعاني ؟
المشكله ان حزني غير مفهوم وغير معروف حتى تصدقون اني بنفسي احيانا ماعرف كيف جاني الحزن !
احيانا اروح اصلي ركعتين وانام بشويه هموم وبداخلي احس بأوجاع ..
واغلب الأحيانا احط راسي فوق الوساده وانا بقمممه الحزن والضيقه ..
ليه كثيييير من الناس عايش اربع وعشرين ساعه وناسه وانا كذا ...
انا عشان اكون صريح رحت افتش واقلب اوراقي لقيت اني اكون حزيين اذا فكرت بالماضي ..
واللي سويته من المعاصي !
والا احيانا بكذبه كذبتها كان مالها داعي ..
واحيانا اكون حزين من لاشي !!

عشان اكون واضح أكثر! كان فيه شخص يحبني وعشان هالحب ماكان له داعي وكان يجر للمعاصي تركت هالشخص وخليته بأوجاعه ..
كان يراسلني يبي كلمه مني ولو جبر خاطر كنت مطنننش وهو يحترق بناار جمرها قااسي ..
بعدها هالشخص يمكن كرهني ويمكن مازال يحبني المهم رحت ادور وراه لقيته يكتب بككل المعاني انه يبعد عني وعن الحب اللي ماكان له داعي ..
من بعد هاللي حصل بديت احس بآلام وأوجاع ..

سمعت بعضهم يقول : يالله ، الدنيا تساهيل واي انسان ممكن يعاني ، وعبّر روحك لين تموت // جلست افكر وأفكر قلت معقوله باستمر على وضعي وابتل اعاني ..
لا والله راح ابدل معاناتي لسعادتي ..
بعد تفكييير طويل وصلت لنتيجه رهييييبه ..
خلك مع ربك دايم / حافظ على صلاه الجماعه وسننها .. بر والديك .. صل الوتر .. سووو كل ماتقدر عليه من النوافل بعد الواجبات .. صدقني بعدها راح تحس بسعاااده احلى من أي شي ثاني ..
على طاري الصلاه ، كنت اصليها من دون لذّه من دون طعم .. كأني انهي عمل واروح للعمل اللي بعده بتفاني ! ملل في ملل .. لين مره طحت لي صدفه في برنامج غييير عن كل البرامج ! قريت العنوان ( كيف تتلذذ بالصلاه ) قلت بسس هذي غايه مرادي ! وفرحت فررح غيير اعتيادي .. بديت اشوف حلقات البرنامج وفعلا تغيّررت صلاااتي وحسيت بلذّه وخشووع ماكنت احس فيها ابدااا .. وهذا كله بفضل الله ثم بفضل الشيخ مشاااري ..

اما الحين .. !
ابشركم اني الحين مبسوووط ومستاااانس بشكل غير عااادي .. واذا تبي السعاده مثل ماقلنا اطرق ابواااب البااري ..

دعواتكم بالتوفيق والله يوفق كل من دعاا لي ...

أخووووكم :rose: