بسم الله الرحمن الرحيم

صراحة حبيت أتكلم عن شي أخاف أنه يكون عادة ويصبح مرتبط بجماهيرنا اللي اقصده هو الهروب و الأنسحاب من المعركة قبل أن تضع اوزارها ....
جميعنا شاهدنا في كذا مباراة وعندما يكون الزعيم متأخر يبدأ بعض الجماهير بالأنسحاب وأخلاء المدرجات , يا اخي انت جاي و حاضر ومتعب نفسك من العصر لعيون الزعيم يعني الدقايق القليلة الباقية هي اللي بتذبحك !!!!
يعني اذا مشيت مثلا بيتغير شي ؟؟ المكتوب هو اللي بيصير سواء مشيت او جلست لكن بما أنك جيت وجلست كمل جميلك لآخر دقيقة
اصبح منظرنا في شاشات التلفزيون مخزي و كل المخرجين يتسابقون لأظهار مشهد هروبكم قبل نهاية المباراة ولكي يرسخوا مفهوم معين يختص به جمهور الزعيم , لا يجيني واحد و يقول انت جالس في بيتك و تكتب لو تجي وتشوف الحر والعطش والأكل ممنوع والشرب ممنوع ما قلت كذا , لا اسمحلي انا اجي واحضر واتحمل لآخر دقيقة طبعا المباريات اللي اقدر احضرها أحضرها , يعني متحمل الجوع و العطش وفي آخر الدقايق اذا ما أكلت او شربت بتموت مثلاً........
أخواني شعب الهلال أتمنى من اللي بيحضر يحضر و يساند لآخر دقيقة و بلاش من الحركات اللي تعيب جماهيرنا و تشوه سمعتنا .

الله يهدي الجميع ان شاءالله
انت شفت الوقت الضايع كيف ضغطناهم وسجلنا قووول وبغينا انسجل التعادل لو الجمهور باقي يشجع و يحمس الفريق بيحسون على نفسهم و يحاولون يرضونكم .

اما في النقطة هاذي يا هي ترفع الضغط و السكر بجد يعني جالسين عند الرابطة مثلا وواقفين ونشجع و ابو الشباب جالس يفصفص و يقول اجلسو خلونا انشوف ازعجتونا !!!!!!!!!
ياخوي رح اقرب مقهى وفصفص براحتك وماعندك احد يوقف قدامك بدل منت جاي توزع اوامر علينا كأننا في مجلسك .