مالحل .... لماذا النقد..... لماذا البرود .... على حساب الهلال
 

السلام عليكم

في مباراة للنسيان خسر الهلال اول مباراه هاذا الموسم في دوري ابطال اسيا امام بهان الايراني خسرنا بسهوله وفازو علينا بي اقل مجهود

هناك فلسفه عند مدربين كبار تدافع دفاع صلب وتجبر الخصم على التقدم الى ملعبك فبتالي يصبح ملعب الخصم عرضه لمرتدات
في النهايه انت ماراح يتسجل عليك وبلمرتدات احتمال 80% تسجل من كل هجمه مرتده

هاذا اسلوب المدرب اولاريو كوزمين
كوزمين الان ليس مرتبط بي اي فريق وكما سمعنا هناك مفاوضات جاده معا الاهلي السعودي

كالديرون ماعنده تكتيك ابدا ذا الي شفته الهلال من يوم مسكه اتشمكيل ثابت ولا خطه واضحه والاعبيين بارديين بارديين
الجمهور مابقى كرسي واحد فاضي مالهم عذر ليش ذا المستوى؟

لازم الاداره تغير الجهازالفني الان بي كوزمين مو محتاجين نطلع من النصر ولا نخسر من الغرافه والجزيره وندخل بدوامه حتى يجي لنا منقذ
افضل وقت لي حضار كوزمين هو الان
وليس بعد ان نخسر كل شيء

::شطحات::

# استاد الملك فهد صار نحس علينا صح انه كبير ويستوعب لي 70الف متفرج لاكن مالمانع من العب على استاد الملز صغير وشكله حتى مريح للاعبين يتحركو بسهوله
# من فوائد استاد الملز انه عدد المقاعد فيه 40 الف تقريبا يعني ليس فقط يمتلئ الاستاد في المباريات المفصليه ولاكن بلمباريات العاديه كذالك وصوت الجمهور قريب من الاعبين
# اما احضار كوزمين الان او بطلع من ولي العهد والدوري بناخذه لاكن بعد مانخسر 3 مباريات اقل شيء واسيا فوزين فقط معا كالديرون
#اسماء الاعبين الي وصل فيهم البرود حد لايصدق (الفريدي اول واحد . العتيبي. الشلهوب مدري وش فيك ياخي مستواك كلش مو زي اول. المرشدي . والفريق كله في بعض مرات)

تحياتي

اتمنا يرضيكم الموضوع ونطلع بفائده
والف شكر على الرفع من قبل المشرفين s13s

أهلين أخووي

أنا ما أوافقك الرأي

لأن لو تجيب المدرب الحين تبي تحوس بالفريق ويبي يتلخبط

أما عن ناحيت ملعب الملز أنا أوافقك الرأي

تحياتي

أقول زي مــاقال شبيه الريـح : هـاذي اول خساره من 15 مباراه للكوتش كـالديرون

صحيح فيــه أخطـاء وتذكر مافي عمل بدوون أخطاء . قدر الله وماشاء فعل

خلاآآص إحنا ملينا النقـد , خلونا نفكر في الجــآآي .

مع احترامي لجميع الاراء.........
شخصيا أنا أرى أن المشكله في اللاعبين والادارة وليست بالمدرب
صحيح هناك ملاحظات على كالديرون لكن ليست اخطاء قاتله
ولكن المشكله:
أحمد علي<------ الهلال أكبر منه بكثيييييييييييير
اللاعبين الصغار<----- صحيح مكسب لكن يدخل مباراه بكأس اسيا وحاسمه؟؟؟
الفريدي <---- في كثير من الاحيان يستهتر وببرود؟؟
الاداره<----- الفريق يعاني في عدة خانات من اكثر من موسم وهذا النقص هو سبب خروجنا من اسيا الموسم الفائت وهذا الموسم

كوزمن راح

والمباراة هاذي ماهيب من النسيان زي ذوب اهان

ذيك عديناها اما الحين لا
راح نوقف عليها ليييييييييييين يصحح الفريق من اخطائه

قال من النسيان قال

شكرا على الردود
ياجماعه من ناحية المدرب اخاف نندم بس مافي بصمه للمدرب خطته مو واضحه ابدا
من ناحيه الاعبيين نعم اقحام الاعبيين الصغار بكثافه في هاذي المباريات غلط في غلط ولاعب الي ميلعب مكانه كرسي الاحتياط
اما من ناحيه الملعب انا ماقصدت انه نحس الي اقصده ان المعلب كبير جدا وارضيته منتهيه والجمهور بعيد جدا عن الملعب الاخضر
واشوف ان الملز افضل بكثير

..,,...

يعطيك الـعـافيه ..

يياغلا ..

وكلامك صحيح ~

وكـل الـتـوفـيـق للــهـلال
.