السلام عليكم
::

عذراً احمد الفريدي ...
عذراً ايها النجم الكبير ..
عذراً يا من تعلق بفنه انيستا وتشافي ولامبارد ..
عذراً يا من جعلنا ننسى اسطورتنا (يوسف الثنيان) صاحب الرقم 15
عذراً يامن علمتنا ان كرة القدم (سهالات) .. تضيع مباراه بكره يجي غيرها ..

كل هذه العذراً اقدمها لك .. وحدك
فلم اكن اعلم انك اكبر من الهلال .. ومن الظلم ان تلعب لنادي الهلال فأنت أكبر منه
وبالمناسبه نشكرك لقبولك اللعب في الهلال من الاساس وهذا شرف للنادي ..
...
بالعاميه ...
عزيزي الفريدي ..
احس انك انبسطت من الكلام الي فوق
واتوقع مليون بالميه ان هذا تفكيرك في الوقت الحالي ..
الكثير يصفق لأخفاقك ويكرر لك انت خليفة الثنيان ..
بس ودي اسألك سؤال .. تدري مين هو الثنيان ؟؟
ياعزيزي الثنيان شال الهلال على كتفه هو ورفاقه (سامي ,التيماوي, ابوثنين, الدعيع)
تجيني انت ماكملت ثلاث سنوات مع الفريق الاول بكل برود ولامبالاه .. تبتسم بضياع الهجمه !!! ياخي خلي عندك دم وحس ..
احنا نحترق في المدرجات وفي بيوتنا وانت توزع ابتسامات ..ومئات الكرات تضيع منك بسبب فلسفه زايده وبرود وانانيه .. ماكأنها مباراه اسيويه ..
تبغى تسحب باللاعبين .. تبغى تحط كباري .. تبغى تسوي كعوب .. ياخي عندك التمارين سو كل الي تبي .. بس وقت المبااراه ارحمنااااااا وقدر الشعار الي انت لابسه

&&

اطالب ادارة الهلال بتحويل هذا اللاعب الغير مبالي بالكيان الهلالي الى لاعب هاوي ..
ولو اني افضل الاستغناء عنه .. على الاقل نستفيد من قيمته اذا انباع عقده (هذا اذا احد يبغى يشتري عقده)

___


همسه
موضوعي هذا للعقلاء ومحبين الكيان الهلالي ليس للمطبلين وجمهور اللاعبين ..
عشان كذا اتمنى من جمهور اللاعب يروح يطبل في منتديات اللاعب نفسه

كفاااااايه تطبيل كفااااااايه ضيعتو ياسر بكثر التمجيد لدرجة انه صار مايدري هل مستواه نازل او مستواه اوكي ...

قفله اخيره ..
تمنيت ان اشاهد في لاعبين الهلال نص الروح الي كانت في لاعبين الاتحاد والشباب والنصر ..

بالتوفيق للهلال