|
إقتباس:
صحيح كلامك وازيد عليه بأن مباريات كرة القدم فيها الربح والخسارة لو كل فريق خسر مباراة علق المشانق للاعبيه وجهازه الفني لما كان هناك كرة قدم اصلا :) دمت بخير |
إقتباس:
انا اتكلم عن المباريات الرسمية اترك بطولة دبي على جنب واذا بتبطل تشجيع والله تريح اعصابك ياخي وش لك ووجع الراس هذا قرارك وانا احترمة وخذها مني من الحين مافيه فريق خليجي ولا عربي حتى بياخذ البطولة الآسيوية السنة هذي علشان اريحك :s2: ياحبيبي نظام البطولة مجهز تجهيز كامل لفرق شرق آسيا |
إقتباس:
شكراً لمرورك وتشريفك اختي زعيميه وبالتوفيق للزعيم |
والله من زمآن مآ آنهزمنآ عشآن كذآ كآن الجمهور معصب شوي ولآكن بآقي المشوآر طويل ورآح يتأهل الزعيم بإذن الله ,,, |
تتوقع بنلعب بنفس المستوى مع الغرآفه ؟؟ الله يعين وربي مصيبه |
ياحبي لك ولموضوعك بصراحه الي صار كبوت جواد وفريقنا مهوب ذاك الفريق الداج بس الي كنا نتمناه الثلاث نقاط في ارضنا وبين جمهورنا الغالي ولكن قدر الله وماشاء فعل تصدق ماقدرت افتح النت من أمس جايني مثل الصدمه بس زي ماتفضلت من قبل لايطلع البلاك بيري الظاهر مازد أنهزم الهلال تقبلني عابرا |
إقتباس:
وبعض الجماهير الله يهديهم يعتبرون خسارة مباراة او بطولة نهاية الدنيا وهذا المبدأ ماينفع يكون في عالم كرة القدم وفي كل الرياضات بشكل عام وعلى قولتك المشوار طويل وانا اقول هو المشوار طويل بعقل ؟ مقسم على موسمين من زود الملح :s2: |
إقتباس:
والمباراة بدالها مباراة والبطولة بدالها بطولة طالما ناديك يهديك بطولات في كل موسم ريح راسك قبل يومين مهدينا بطولة ابطال العرب لكرة الطائرة |
ياخي وينك من زمان نبي عقليات كذا والله فيه ناس مدري وش يحسون فيه شدو حيلهم على المدرب والاعبين |
إقتباس:
كنا نتمناها وماكتبها الله وش نسوي ؟ نلطم ونولول ؟ هذا حال كرة القدم يالغالي مو كل واحد سان سكينته ومسوي فيها اكبر خبير في العالم وليش ماتلعب فلان وليش تلعب فلان وهذا بطل والثاني اي كلام ولو تسألة متى آخر مرة زار التدريبات يقولك ماتذكر بالله شلون نحكم واحنا مانعرف خفايا الأمور !!! |
إقتباس:
بس الشباب شوي زعلانين من الي صار البارح يعني بأضرب لك مثال بسيط لو وليد الجيزاني سجل هدف في المباراة الجاية بينقلبون 180% درجة وبيصير كالديرون احسن مدرب في العالم :naughty: شي مادري وشلون اوصفه لكنه للأسف حاصل |
اول شي الربح والخسـآرهـ من الله والله لو انهم لاعبين من قلب والله كاتب لهم يخسرون بيخسرون وبعدين احنـآ يالجمهور لازم نعطيهم معنويـآت شوي مو نحطهم صح عـآتبوهم لكن بطريقه حلوهـ ولازم كون معهم وبعدين تونـآ بدآية المشوآر واتمنى من المدرب يصحح الأغلاط اللي ارتكبهـآ بالمبـآريـآت السـآبقه يعطيك العـآفيه |
هههههههههههههههههههه من جد حتى الرئيس طالبو برحيله خخخخخ بس صراحه لاعبين امس يرفعون الضغط بس يلى الحمدلله على كل حااال وان شاءالله القادم احلى للهلال مشــــكور اخوي عالموضوع |
ما أقول إلا أني مصدوم من كتابات كثير من الجماهير وبدأ يرتفع سقف النقد ،،،،، وتظهر العاطفة والهجوم الشرس الظاهـر أن أكبر عقبة هو الجمهور الهلالي ، كل شيء يتطور في الهلال إلا الجمهور مازال عاطفي وينقد وينسف المنقود ويتهمه في نواياه ويرفعون سقف الإنتقادات وهذا رأي من زماااان (لا تشجيع - ولا دعم ) وبدأت تظهر ظاهرة أخاف أنها تكبر وهي بدأ البعض يساوم في الحضور ويتشرط !! ونسي ماذا قدم لهم رجالات الهلال ولاعبوه وبعض الأغبياء يطالبون برحيل الأمير عبد الرحمن بن مساعد سبحان الله كأننا نسينا الموسم الماضي ماذا قدم الأمير للهلال أو أن أخر بطولة أو دوري كانت قبل عشر سنوات هل معقولة السبب الإعلام الأصفر الذي جعلنا غير واثقين في أنفسنا ونترقب كلما حلت هزيمة وفي لحظة يأتي طفل أو مراهق في تفكيره ويطالب برحيله .....!! يا ناس خافوا الله في ناديكم وعلموا مثل هؤلاء ما هو تاريخ الهلال وليس تاريخ الإنتصارات فقط بل حتى هزائمه وكبواته ونهوضه خذوهم بجولة في تاريخ الهلال العظيم وأشكرك أخي الكريم على الموضوع |
موضوع تجتمع فيه خفة الدم والواقعية واعجبتني يوم قلت عشاق اللاعبين يطلعون برى>>> بغيت اطلع بس قلت لا انا هلالي فقط لازم ننسى الماتش موضوعك رااائع اجل القذاافي هههههه ودي |
| الوقت المعتمد في المنتدى بتوقيت جرينتش +3.
الوقت الان » 12:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd